2 SAMUELI 23:5 - Biblía Axweesantá Hhohho' ar Mungú 2004

⁵ Adoorí an adór dooeé' i dirii'i dír geeraá Munguhe Asma alqadór alhhe'eesay wasl ngaa dir'eéní oó' ar qoom, ar baloó warqawaaká. Inós muruú aníng ni slaa' sleémeero ngun slasláy.

2 SAMUELI 23:5 Iomraidhean Croise

IIMU/UUNGW 9:16

Qoomár ga/aleerí gawaá huunkáy i dirii', bara ár, aníng alqador'eé' tidá' alhhe'eesay wasl an insláw, tidá' naa tleéhh nee muruú slaáf sleémeero oo baraá yaamií dirií'.»

2 SAMUELI 12:10

Gawaá adoorihe, as kuúng aníng iwa waaqá', nee harér Uria, heé xoorór Hiti, kari tók tléhh, dákw muu tsu/uta i hhooayká baraá múk do'oge.›

2 SAMUELI 13:14

Ala Amnoni gaa slaika ngiwa iiári qaasi, nee ngiwa sangw aleesláy /uuruwo, gana óh, tari alqaát nee inós.

2 SAMUELI 13:28

Absalomu sagadiyuuserós gari báy, «Xumamisé' bar Amnoni difaái ngaa wáh, afa gway sláy, án bar aga oó', ‹Amnoni slahhaak,› daqaní ku gasá'. Adoorí an adór aníng naa oó' dirhúngí ale. Pihhé' ar muunuú migi.»

2 SAMUELI 18:14

Yoabu guri báy, «Aníng gár nis dirók tí wa hhaawahhaaw i káhh.» Yoabu lawlaá ninakw tám giri dakósí óh, iri tláy, Absalomu guri muuná muút, qoomaarihe Absalomu i slafíngwí kaahh gawaá halmidár ta/eewiro.

2 SAMUELI 7:12

Deeloorók ar tawa kahhut bira xeér tari haragwá' amór baabi'iiwók kudá' naa qatliye'. Daqaní na/aywók oo kilá' un waawutmoó wa qaás, aníng waawuti'iimarós ngari gawdeés.

2 SAMUELI 7:18

Naagáy waawutmo Daudi iri tláy, iri iwiít geeraá AAKOÓ MUNGÚ, iri firín, iri oó', «Aníng a heemá, xáy Aakoó MUNGÚ, nee múk dooeé' a gár milá tam ay diirí án niwa iia tleerúw laarí.

1 WAAWITÁ 1:5

Qoomaadae Adonia garmoó Hagiti tina kilós xirfayeés iri oó', «Aníng a waawutmo daxta.» Gaarduuwós nee múk faras gu i tsa/ám guri amohhe'eés, nee múk mibeeri kooán i geeraawós wa ti'ii'ín.

1 WAAWITÁ 11:38

Kuúng tidá' aníng naa oó' bara harmagáhh nee bara hót ar adoodá' aníng ni slaa', nee tidá' aníng ni slaa' bara tléhh, nee kaahir'eé' bara ót nee hara'ayar'eene, ar adoodá' sagadiyusmooeé' Daudi aa tleéhh, daqaní aníng nee kuúng a dinkwa. Aníng waawuti'iimarók a gawdeés adór ar Daudi ngira gawdeés nee múk Israeli ngu kuúngií haniís.

1 WAAWITÁ 12:14

hara'ayár masoombár qartós gari eehár, muu guri báy, «Baabuúeé' kuungá' nuna huwár iiloóí tsa/aás, ala aníng huwaarí an ló'wa iiloeés. Baabuúeé' kuungá' nuna muúx ar qawaay, ala aníng kuungá' nun muúx ar xiiraawe.»

WARA'AMI 111:9

Mukós guna ba/amís, alqado gari tleéhh nee inooín ar baloó warqawaaká. Inós an kudá' hhoohhoó' nee kudá' ta da'ayuumiti.

WARA'AMI 119:81

Aga slahhaá' kuúng daamarango as iwa ba/amis, axweesantók ana harahhiíf.

WARA'AMI 27:4

AAKOÓ MUNGÚ ugwa firiím gár wake, hamí a tí ni leelehhiit. Masók a hoót Doó AAKOÓ MUNGÚ wa ale deelo sleémeero baraá hotaarir'eene, hhohhoartá AAKOÓ MUNGÚ ngiwa ga/aw, nee sla'aarirós ngiwa yaahamiis baraá Do'ós wá aleeró.

WARA'AMI 62:2

Inós kilós an tlaa/ar'eé' nee ba/amar'eé', a koo/ír gawit ar iga harwet, ti baloó dingisiiká.

WARA'AMI 89:3

Kuúng ana ó', «Alqado aga qaás nee hee'eé' oo wák kudá' naa tsawaár, lo'o aga /aáy as sagadiyusmooeé' Daudi,

ISAYA 11:1

Harma/i ni ti'ít baraá doó Yese wa ale, nee halmi i ti'ít baraá dee/armoowós wa ale.

ISAYA 27:6

De'emaá hi'iita'a xwaylár Yakobo dee/ár gu síhh, múk Israeli iri /ayuus, nee iri harmaa/, mamuuín yaamu sleémeero ngiri niiqiyá'.

ISAYA 4:2

Baalaadae harma/itá AAKOÓ MUNGÚ i hhoohhoouúr iri xirfút, nee panaydá' aa meet oo múk Israeli mamaá yaamu kin ar daara/án nee tiri diidi'iimisiyá'.

ISAYA 54:10

Asma tlom'i daqtakaaro i quutliyá', gongoama' ki surkuus. Ala sla'aarir'eé' ar warqawaaká i baloó qutlká diroge, nee alqador'eé' tidár wayda ka hingeesiiká diroge.» AAKOÓ MUNGÚ kudá' gurtleemuú koóm daanduuwonge tí gan kah.

ISAYA 55:3

Iaahúng qaasaak, nee amor'eé' hardahare'. Aníng iiárií qaasaré', daqaní a hotá'. Aníng alqadór alhhe'eesay wasl a tleéhh nee kuungá', sla'aarir'eé' ar warqawaaká tidá' ló' dír Daudiwo.

ISAYA 61:8

«Anuú a AAKOÓ MUNGÚ kudá' sakwasleemár ganaa' ga slaá'. Aníng /ayta nee hhitaro i waák. Ar inkihhimueene slaqwér muk'eé' a buú', slám alqadór alhhe'eesay wasl a tleéhh nee inooín.

ISAYA 7:14

Gawaá adoorihe, Aako laya ngi kuungá' i haniis, /amaatliito'o i tsít, na/oó garma gu xwayluúr, nee gu umií tsát gu beer Imanueli.

YEREMIA 32:40

Aníng alqadór alhhe'eesay wasl an tleéhh nee inooín, as kahhó' inooín ngiwa baloó mawaaká hhooeemáy tlehhtuuwo, nee muunuú aníng iwa ilaiawawa/iya' un baraaíní qaás, as kahhó' aníng miwa malé si'iyé'.

YEREMIA 33:21

daqaní alqadoodá' aníng naa tleéhh dír sagadiyusmooeé' Daudi sleeme hhitiimaro a aleesleér, tam na/oó kitaangós gu sawaawuti'iím iri qwaar, nee sleeme alqadoodá' naa tleéhh nee sagadiyuuser'eé' tidár kaahamuusér tlahhoó Laáwi.

ESEKIELI 37:26

Aníng alqadór wayda an tleéhh nee inooín, alqadoorí tari ar alhhe'eesay wasle. Aníng inooín i tsuúq, yaamu ngiri dala/iyá', nee hotaaeé' ngiri tleéhh baraá tla/angw'ín ay alhhe'eesay wasle.

AMOS 9:11

«Baalaarihe aníng doó Daudi kudá' aa huu' u tleéhh, nee koo/idá' aa hhitirut an tleéhh, aníng sluhhaywós kudá' aa huhu'un u sihhtís, gixsadá' an malé tleéhh ngay adoodár aángií ki/ís.

Tlehhema'aá ya/Abuuse 13:34

Qoomár Mungú inós nguwa waasle/atís baraá múk aa qaátl wa ale, as miwa malé kií/ baraá hhitiru'uuma, adoorí gana oó', ‹Án tsuuqa ngi kuúng i haniís, tsuuqadá' hhoohhoo' nee awa haraxu'utír koomá', kudá' naa al'axweés dír Daudi.›

Ebrania 13:20

Aakoorén Yesu an de'eemusmoó úr oo bee/aangw. Munguúduú wayduú koóm Yésuuwí guna waaslee/atís baraá múk aa qaátl wa ale, ar /uuruú tseereedár alqadór alhhe'eesay wasl.

Ebrania 6:19

Harahhifoorí a toorén. Haraxu'utirí muneerén gaa ló'wa ót as miwa qwát. Adoodá' miringamo kur baraá ma'áy ila/aa/an ar tlaa/a, as mukuwa tliw/ín nee gwaanduú ma'aay. Harahhifoorén tí alhhe'eesaywós dír kway tseék a gawaá doori, dír ira waaráhh a dír baquú baraá doó Mungú i dirií'.

1 SAMUELI 2:35

Aníng kaahamusmoó inkihhím nguri sihhtís, oo mura' sleémeero gu tleéhh ar adór ni slaa' baraá muunaáeene, nee baraá inslaway'eene. Aníng tlahhaywós u tlahhás, inós iri gadiyuus dír geeraá waawutmooeé' kudá' taa iimbalaáx ar di/i kureerisleém.

1 SAMUELI 25:28

Án kuúng u firiím, án gurtlawáng, aniírír sagadiyuso'oorók. Looeemaá kilae AAKOÓ MUNGÚ do'ók gu gawdees, asma kuúng aakooeé' slaqwarár AAKOÓ MUNGÚ ana sláqw. Qooma sleémeero baraá hotaangoge tam tlaákw ka baloó slayká.