2 SAMUELI 23:34 - Biblía Axweesantá Hhohho' ar Mungú 2004

³⁴ nee Elifeleti, garmoó Ahasbai, oo múk Ma'aka, nee Eliamu, garmoó Ahitofeli, oo múk Giloni,

2 SAMUELI 23:34 Iomraidhean Croise

2 SAMUELI 10:6

Múk Amoni kawa tsaáhh adór Daudi kura buhhtís, múk slaqwara oo ya'ár hi'iít oo kume mibeeri tsár kuna tlaáxw amór múk Aramu wa ale, inooín a múk yaamaá Bet-rehobu, nee yaamaá Sobaro. Nee múk slaqwara oo kume mibaá nee tsár guri tlaaxw oo yaamaá Tobu, nee múk kumuú wák oo waawutmoó yaamaá Ma'aka.

2 SAMUELI 10:8

Múk Amoni tindina ti'iít as slaqwara, tari amohhe'eesiyé' dír afkú slumtá gixsár Rabár wa ale, an gixsar'ín ar ur. Ala múk Aramu inooínaadá' Sobár dahhá' nee oo Rehobúr daáhh, nee mukdá' Tobúr daáhh, nee Ma'aka, tina amohhe'eesiyé' baraá tse/aá /awaák wa ale.

2 SAMUELI 11:3

Daudi hee guri ya/aáw, /ameenidá' ngiwa yaahasi, axáy a harér heemá? Heedaádá' Daudi guri báy, «/Ameenirí a Bat-sheba, dasír Eliabu, nee a harér Uria heé xoorór Hiti.»

2 SAMUELI 15:12

Qoomár Absalomu ilahhooár muruú ta tsu/i ngiwa hanmiisi, ina ya/abín baraá gixsár Gilo, as Ahitofeli kuwa ateeti, kudaádá' waawutmo Daudi gu gurbuaaiím. Aahhír Absalomu /uuru guri sleér, múk nee inós ti alkoomakoomá' iri doogín.

2 SAMUELI 15:31

Qoomaarihe, Daudi kuri báy, «Tam Ahitofeli, heé wák oo aa dee/aanuut, inós aa haraagwaá' dír Absalomu.» Ala Daudi iri firín iri oó', «AAKOÓ MUNGÚ, án kuúng u firiím, kaahír Ahitofeli i payshut.»

2 SAMUELI 17:23

Ahitofeli ngiwa ár adór axweesantós kara kaángwí sií', iri tsa/án gawaá daqwaywós, iri waátl amór do', baraá gixsarós. Iwa hardáh muruú dír do'ós guri qoomeés. Tari tarereé', iri gwaá'. Kuri foól baraá /aantár baabuúwós.

2 SAMUELI 20:14

Sheba ina waaraáhh ar baraá tla/eeraá tlahh'aá múk Israeli sleémeero, ay gixsár Abeli tay Bet-ma'aka. Muu sleémeero oo tlahhoó Bikri tari burumburiít, kuri eehár.

DABE 3:14

«Yairi heé tlahhoó Manase yaamu sleémeero awa Argobu gina hayóh, an yaamaá Bashani ay dír digimuú múk Geshuri nee múk Ma'aka. Yaamu sleémeero gina umuuwós ar ateét, tam ay laarí yaamuudá' ki bay Hawot-yairi.

1 SAMUELI 26:6

Daudi Ahimelekiduú Hiti nee Abishai hhiyoó Yoabu garmoó Seruya giri báy, «Heé nee aníng al/eetá' amór xaftá Saulo a heemá?» Abishai iri oó', «Án nee kuúng ti koomaán.»