2 SAMUELI 23:20 - Biblía Axweesantá Hhohho' ar Mungú 2004

²⁰ Benaya, garmoó Yehoyada, oo Kabse'elír daáhh, a migusmoó slaqwara. Muruú yaariír guna tleéhh oo waa/oo/amo. Miguusér tsár gana tsuú/ ar yaamaá Moabu. Baalarka wake qoomár tsaaqwaro ina dáh baraá bohoongw, diraangw guri gaás.

2 SAMUELI 23:20 Iomraidhean Croise

2 SAMUELI 1:23

«Saulo nee Yonatan a sla'aarusér taa ló'wa sla' baraá hotaaine, tam qoomár slafiingw nee qoomár gwa'araro taa paraatli'iiká, inslahhemaawo a adór gwares, eeít, ta /uureemaá kón adór direeri.

2 SAMUELI 20:23

Qoomaarihe Yoabu a geeraharusmoó úr oo slaqwaruuse sleémeero ar Israeli. Benaya, garmoó Yehoyada, a heé úr oo múk Kereti nee múk Peleti.

2 SAMUELI 23:19

Xáy, kwí aa iia tleeruykáhe ak alé baraá mukdá' tam oo miguuseero? Gawaá adoorihe kuri geeraharusmooín wa qaás, ala migito adór kudá' tám gaa ayká.

2 SAMUELI 23:21

Slám male alé migusmooko múk Misri guna gaás. Heewuú múk Misri i lawaalár kón, ala Benaya gár i kon a hhara kilós, guri harahi'iít, lawaalarós gari hayóh, heewuú múk Misri guri gaás ar lawaalarós ar kilá'.

2 SAMUELI 23:22

Benaya, garmoó Yehoyada, adoorí gana tleéhh, umuuwós kuri harafaár tawa heé wák baraá miguuseedá' tame.

2 SAMUELI 8:18

Benaya garmoó Yehoyada a geeraharusmoó múk Kereti nee oo múk Peleti nee daaqoó Daudi inooín a kaahamuse.

1 WAAWITÁ 1:26

Ala anuú sagadiyusmoowók, nee kaahamusmo Sadoki, nee Benaya garmoó Yehoyada, nee sagadiyusmoowók Solomon taa ateetiiká.

1 WAAWITÁ 1:38

Aluuwo kaahamusmo Sadoki nee aarusmo Natani, nee Benaya garmoó Yehoyada, nee múk Kereti nee oo Peleti, tari altláy, Solomon kwaa tsa/aás gawaá wayshamoó waawutmo Daudi, nguri huwiyé' ay Gihoni.

1 WAAWITÁ 1:8

Ala kaahamusmo Sadoki, nee Benaya garmoó Yehoyada, nee aarusmo Natani, nee Shimei, nee Rei, nee xuumuusér Daudi, mukwí a dinkwaarooká nee Adonia.

1 WAAWITÁ 2:46

Naagáy waawutmo hara'aya gari oó' dír Benaya garmoó Yehoyada. Inós iri tláy Shimei guri slaáhh, guri gaás. Waawuti'iimár Solomon iri gawduúr.

1 QOM'I 12:8

Askaárír tlahhoó Gadi ar miguuse ar slaqwara gaa intsahh, kudá' naa tlaye' amór Daudi baraá koo/idá' gawit baraá darma, inooín ki ilakaaharen lawlu duqumisuuwo nee baqamór gaambuwo, gitsee/er'ín i dae tláq adór direeri, hi'iinór gawaá tlom'iiwo ki inslahh adór saaraga.

1 QOM'I 18:17

Benaya garmoó Yehoyada a heé úr oo múk Kereti nee múk Peletiro, nee daaqoó Daudi a múk ló'wa urén oo xuumuusér waawutmo.

TI'INAANGW 15:15

Múk urén oo Edomu aa amoqwaár, geeraharuusér Moabu ina daaráx. Muu sleémeero oo baraá Kana'anír hoót, gur'er'ín ma'aay ngaa dalaa/iyé'.

YOSHUA 15:21

Gixsadaá báskwí diriiá' baraá yaamaá Yudawo amór digmuú Edomu a kuká': Kabse'eli nee Ederi, nee Yaguri,