2 SAMUELI 23:18 - Biblía Axweesantá Hhohho' ar Mungú 2004

¹⁸ Abishai, hhiyoó Yoabu, garmoó Seruya, inós a geeraharusmoó miguuseedá' mibeeraá tám, inós lawaala gana ar slaáqw, múk tsiire tám guri tsuú/, kuri harafaár amór bartá miguuseedá' tám.

2 SAMUELI 23:18 Iomraidhean Croise

2 SAMUELI 10:10

Yoabu mukduú hatlá' oo slaqwara guna saayín dír Abishai hhiyaawós, as mukwí nguwa geerahari, Abishai mukwí guri amohhe'eés tiwa haraaganaaiya' nee múk Amoni.

2 SAMUELI 10:14

Múk Amoni ngiwa ár adór múk Aramu ira goów, inooín sleeme tari goów geeraá Abishai wa ale, tari dáh baraá gixsa. Yoabu slaqwarár nee múk Amoni gari máy, iri kií/ ay Yerusalemu.

2 SAMUELI 18:2

Daudi slaqwaruuseerós gana qasiís baraá daqooroó tám, giri ya/aáw baraá slaqwara. Daqtá geera geeraharusmooín a Yoabu, daqtá tsár geeraharusmooín a Abishai, garmoó Seruya, hhiyoó Yoabu, nee daqtá tám ar Itai heé Giti. Waawutmo Daudi sleémeero giri báy, «Aníng nee kuungá' tin alkoomaán.»

2 SAMUELI 2:18

Seruya daaqaay ngu kon tám, Yoabu, nee Abishai nee Asaheli. Inooín ta baraádá'. Asaheli i /akumamiit ti'iingo, a adór saaragi.

2 SAMUELI 20:10

Ala Amasa paángadá' Yoabu i kon gaa ariiká. Naagáy, Yoabu guruú Amasa guri muút ar paángadá', waqátuuwós niri tsee/áy ti'iít, iri gwaá'. Yoabu muttá tsare a ki/iká. Kár, Yoabu nee hhiyaawós Abishai tana kumiít Sheba garmoó Bikri kuwa ya/ati alkon.

2 SAMUELI 23:19

Xáy, kwí aa iia tleeruykáhe ak alé baraá mukdá' tam oo miguuseero? Gawaá adoorihe kuri geeraharusmooín wa qaás, ala migito adór kudá' tám gaa ayká.

2 SAMUELI 3:30

Yoabu nee hhiyaawós Abishai Abneri nguna gaasír, asma Abneri hhiyaaín Asaheli guna gaás baraá slaqwarár wa alé, qoomár slaqwara iwa baraá Gibeonírí diri'.

1 QOM'I 2:16

Hhaeeín awa dasu a Seruya nee Abigaili. Daaqoó Seruya a kwí tám: Abishai nee Yoabu, nee Asaheli.

DAHARUSMO 4:12

Tam heé wák kuqá' ngur ba/i, ala múk tsár heé wák kun arbaa/ ar gaanslaay, hhutleemaá tám awa ta dinkwaárí hhuútl ki gawit.