2 SAMUELI 23:10 - Biblía Axweesantá Hhohho' ar Mungú 2004

¹⁰ Ala Eleasari ina /aátl tawa slaqwi nee múk Filisti. Dakós iri gan'aasárií xasliít as iwa slahhaá', slám amorqae i paángarós kón. Baalaarihe, AAKOÓ MUNGÚ baalír ur gari sláy. Alaá iwa baalín, múk Israeli iri kií/ ay dír aáng Eleasari i dirii'i, as haasaánguú tawo oo múk Filisti, kudá' taa tsuú/, nguwa leehhiyé'.

2 SAMUELI 23:10 Iomraidhean Croise

2 SAMUELI 23:12

Ala Shama iri /aátl sihhtanooro baraá tla/ángw qaymo as ngiwa aleekalaa/i, inós múk Filisti guri tsuú/. AAKOÓ MUNGÚ baalír ur gari sláy.

2 WAAWITÁ 5:1

Na'amani, geeraharusmoó slaqwaruusér waawutmoó Aramu, inós an heé ló'wa iia tleér, nee oo ta ló'wa slai nee aakoowós, asma ar loohír inose AAKOÓ MUNGÚ yaamuuín gina arba/atírí haniís. Inós an slaqwarusmoó pihhusmo, ala inós i tiqtír tsatmituú kón.

1 QOM'I 11:13

Looarka wake inós nee Daudi ta dinkwár i dirii' baraá Pas-damimu. Qoomaadae múk Filisti taa burumburiyé' as slaqwara, amoodae qaymór aanganoó yaariír oo shayiri i deer. Múk Israeli tari geeraá múk Filistír wa goów.

WARA'AMI 108:13

Mungú bir bartarén atén arba/ati a slawaán. Inós wakuuseerén ga yaamií kalaa/.

WARA'AMI 144:10

Kuúng an kudaádá' baali ga hanmiís dír waawitá. Kuúng sagadiyusmoowók Daudi una ba/amís.

WARA'AMI 68:12

Waawituú slaqwaruuse in gwaagoow, /ameena baraá maraywo maraando gan qasmís.

ISAYA 53:12

Gawaá adoorihe inós nee múk urén in al'iwitiís. Inós nee mukdá' /uureemaá koóm haasaáng ngun alqasimiisiyá'. Asma inós slafiingós guna haniís, kuri harafaár nee múk tlakuuse. Tam adoorihe tlakweemaá múk yaariír gina gagaár. Nee tlakuuse gari aleefiriirín.

Rumi 15:18

Ala aníng gár ooaro ni qiitl i káhh daanduú gár hatlae, ala aqo har tidá' Kristo aa tleéhh kilós, ar loohír aníng, as múk xoordaá hatlá' nguwa amór Mungú i huwi, as inooín Mungú kuwa iialooeemisi. Gadiyeérí aníng ana tleéhh ar axweesani nee ar tlehhmi'i,

2 korinto 4:5

Asma atén ti kilootén alki/iitanaaká, ala a Kristo Yesu un alki/iitaán adór inós tar Aako, nee adór atén tar sagadiyuuserhúng as Yesu.

YOSHUA 10:10

AAKOÓ MUNGÚ múk Amori guri dae tsaát dír slaqwaruusér Israelír wa aleeró. Múk yaariír kuri tsuú/ nee múk Israeli baraá Gibeonír wa ale, kuri eehár ay Bet-horoni, kuri alkón, kuri puruúts ay Aseka nee Makeda. Amoodae múk yaariír kuri tsuú/ sleeme.

YOSHUA 10:42

Yoshua waawitaáwí sleémeero guna baál ar wa'aá wák, nee yaamuuín giri hayóh. Inós adoorí gana aleesláy tleehhamooro asma kuna aleeslaáqw nee AAKOÓ MUNGÚ, Munguú Israeli.

YOSHUA 11:8

AAKOÓ MUNGÚ slaqwaruusér waawutmoó Kana'ani gari haniís gawaá dabaá slaqwaruusér Israeli. Slaqwaruusér Kana'ani kari guús kay puruúts ay gixsár ur ar Sidoni nee Misrefot-maimu, bihhaá da/aawe tari puruúts ay xatstá Mispe. Slaqwaruusér Israeli muu sleémeero guri tsú/, tam heé aa meet i kaahh.

HAR'OHUUSE 15:14

Qoomár iwa hardáh Lehi, múk Filisti ina amór Samson i haraatláy ar tseeo. Samson Qeeruú AAKOÓ MUNGÚ guri hatsiís him'eedá' kura daba' tseék iri tsatít adór neewór taa daá/ ar asla, iri yaamií hú'.

HAR'OHUUSE 15:18

Naagáy iri ló'wa waxiít, AAKOÓ MUNGÚ guri firín, iri oó', «Aá Mungú, kuúng an kudá' ba/amarí ngaa hup, a loohír anuú sagadiyusmowók. Xáy, daxta i meéra niwa gwaa' ar waxe nee tiwa ar tlay nee múk Filisti kwí taa hheehhe'eesiiká.»

1 SAMUELI 11:13

Ala Saulo iri oó', «Heé laarí ta gaasi i kaahh, asma laarí AAKOÓ MUNGÚ múk Israeli ngwaa tuú/.»

1 SAMUELI 14:23

Adoorí an adór baalaadae AAKOÓ MUNGÚ múk Israeli ngura tuú/. Baalaadae slaqwara ina kumít, iri waaráhh Bet-afeniro.

1 SAMUELI 14:6

Naagáy Yonatan garmaadá' xooslaarós koóm guri báy, «Gimáy qwaláng mukwí taa al/utlinká u harawarahhaán baraá koo/ir'ínií ale, dooqa AAKOÓ MUNGÚ atén ti alee/iis, asma muu bar ku yaariír laqaá bar ku niiná, AAKOÓ MUNGÚ gu baqiiká mukós ba/amisaro.»

1 SAMUELI 17:53

Múk Israeli niwa kií/ baraá slaktuú múk Filistiro, xafayduú múk Filisti nguri haasaáng wa hayohiyé'.

1 SAMUELI 19:5

Asma slafiingós guna tsaxwaá /aymiís qoomár Goliati nguwa gaás, AAKOÓ MUNGÚ múk Israeli sleémeero guna arba/atír urií haniís. Kuúng gaarií aga aán, kari saqwalaalá/. Ahaá waáy miti har tlakweemár eér, as tseerér Dauduú xaslxaansli wásl kawa ku'us, asma kuwa tawo gaasár wa sla'?»