2 SAMUELI 22:3 - Biblía Axweesantá Hhohho' ar Mungú 2004

³ A Munguúeé' nee tlaa/ar'eé', nee an dír guway'eé' ar amoohhoo', a baqmór'eé', a /uuruú ba/amar'eé', a koo/ir'eé' ar gawit nee dír guway'eé', a ba/amusmooeé' in ba/amimis dír múk gurtleemu wasle.

2 SAMUELI 22:3 Iomraidhean Croise

IIMU/UUNGW 15:1

Alaá kaangwihe Abramu axweesantá AAKOÓ MUNGÚ gari axaás ar baraá iigu'utu, i kat, «Abrámu, ma da'ayumiitaar, aníng a baqmoórók. Slaasláwarók ka ló'wa ur.»

2 SAMUELI 22:31

Gár Mungú i tleehhi i xaslxanslír koondaaká! Al'axweesantá AAKOÓ MUNGÚ i warqaqeeraaká, inós a baqmoó dír kudá' sleémeero naa amoorósií guwi'i.

2 SAMUELI 22:47

«AAKOÓ MUNGÚ i slaaf! I xirfuuti inoósuuduú tlaa/ar'eé'! I xirfuuti Munguúeé', tlaa/ár anií ba/amis.

2 SAMUELI 22:49

Kuúng iga ba/amís dír wakuuser'eene, iga iia tleerés dír kudá' iga kaángwí si'ii'i, iri amór saáwí amohhe'és dír kudá' sage gawdene.

2 SAMUELI 22:51

Mungú waawutmo gwa arba/atír úrí haniís, sla'aarirós ar warqawaaká gan laqán dír kudá' taa iimbalaáx ar di/i, dír Daudi nee xwaylarós ay kureerisleém.»

2 SAMUELI 23:3

Munguú múk Israeli iri oó', tlaa/ár múk Israeli ina beér, ‹Hee bar muu ngwa sawaawuti'ín ar gan'amu, baraá waawuti'iimarose bar Mungú ngwa ilaiwaá/,

WARA'AMI 14:6

Múk tlakuuse i kángw heé liitlaákw amoqwaareemiis. Ala AAKOÓ MUNGÚ an dír guwaywós.

WARA'AMI 140:1

AAKOÓ MUNGÚ, án tu/áng dír múk tlakwe. /Iisáng dír múk xaraasla,

WARA'AMI 140:11

Foolusmo gár hhoo' mingiwa sláy baraaká' yaamuwo. Heé tlaákw ku giiri nee muruú tlákw as kuwa dahhi.

WARA'AMI 140:4

AAKOÓ MUNGÚ, án de'eemáng gawaá dabaá múk tlakwe. /Iisáng dír kudá' xaraasla'a, kudá' ado ngaa qoomeesiye' ar aníng iwa dahhiya'.

WARA'AMI 142:4

Bara qaytsiít bihhieé' awa doó /iyáy, heé án i /iís i kaahh, nee oo án xuúm i kaahh, amór ni goow i káhh.

WARA'AMI 144:2

AAKOÓ MUNGÚ an tlaa/ar'eé', baqmor'eé' nee gweerusmooeé', dír nahhaatar'eé' nee dír guway'eé', dír naa harahhiíf as kawa saxmaár. Xoordu ngina iialooatís amor'eé' i ale.

WARA'AMI 18:2

AAKOÓ MUNGÚ an baqmor'eé', nee ba/amusmooeé', an Munguúeé' oo ni i gogoow. Inós aníng in baaq adór gaambór wa ale, in aleekalaa/ iri ba/amis, aníng ti saxmaár dirose.

WARA'AMI 27:5

Bál deelór slahh'amaayeero, inós i luu/ baraá xaftós i alé. Inós i tuuntuuk baraá guruú heémarós i alé, iri qaas dír saxamaár gawaá tlaa/a.

WARA'AMI 28:7

AAKOÓ MUNGÚ a /uuruueé' nee gaambór aníng i baaq. Inós un haratlintií' ar muunaáeé' sleémeero. Aníng ina alee/iís niri qwalaá/ baraá muunaáeene, un sluufmiís ar daa'ángw qwala/.

WARA'AMI 3:3

AAKOÓ MUNGÚ, kuúng aníng in báq dír tsaxwawo adór gaamboót. Kuúng an xirfuueé' nee kudá' aníng i pihháy hanmiís.

WARA'AMI 32:7

Kuúng an dír ni nahhaat, án kuúng in amohhe'eemís qoomár slahh'amuuwo, Án ba/amarók ngiri daá' ar qwala/, asma kuúng an baqmor'eé'.

WARA'AMI 46:1

Mungú a dír guwayrén nee an /uuruurén adoorí atén aga araán, baraá slahh'aamuurene inós atén tina alee/iís.

WARA'AMI 46:11

AAKOÓ MUNGÚ Aleesleemusmo a dinkwa nee atén, Munguú Yakobo an dír guwayrén.

WARA'AMI 46:2

Gawaá adoorihe atén a da'ayuumiitanaaká, tam yaamu ni warqaqay'a, tam tlom'i binda diingitiyé' nay huuiyá' baraá iltá tlawi,

WARA'AMI 46:7

AAKOÓ MUNGÚ Aleesleemusmo an dinkwa nee atén. Munguú Yakobo a dír guwayrén.

WARA'AMI 5:12

AAKOÓ MUNGÚ, kuúng kudaádá' hota ganaa'á' in tsúq. In báq ar hhooeemawók adór gaamboót.

WARA'AMI 55:9

Aáko, tlakuuse amoqwaareeseek, tsifrir'ín hhitimeek, asma gár naa ár a tlaahhír ur nee gila baraá gixsaro.

WARA'AMI 59:16

Ala aníng /uuruuwók u daa'ángw wa óh matlaatleero. Sla'aarirók ar warqawaaká an daa'ángw wa óh ar qwala/. Asma kuúng an baqmor'eé', nee dír ni goow baalaadár slahh'amko.

WARA'AMI 61:3

Asma kuúng an dír guway'eé', baqmór /uuruú koom, ar wakusmooeé' iwa slayká.

WARA'AMI 71:7

Aníng adór ni dirii' a adór gár mureewasl dír múk yaariire, ala kuúng an dír gawit ar guway'eé'.

WARA'AMI 72:14

Slafingw'ín gu tuu/ dír malguuseero, dír ilaawose slafingw'ín a gár slahhaa'.

WARA'AMI 84:11

Asma AAKOÓ Munguúrén an gwa/aateema nee an adór gaamboót, AAKOÓ MUNGÚ gurhhooa nee xirif gi kón. Inós ku hhoó' dír mukdaáduú gan'amuú kooma.

WARA'AMI 84:9

Aakoó Mungú, kuúng baqmoorén i qaytsiteek, waawutmoodá' kuúng taa tsawát i qaytsiteek.

WARA'AMI 86:14

Mungú, múk sage gawdén aníng iga harmagaáhh, mukwí tlákw oo aa barti'ín ay, i slafingw'eé' leelehhiit. Slám Aáko, kuúng u iiárií qamina'aaká.

WARA'AMI 9:10

Kudá' kuúng u xuá' u harahhifiyá', asma kuúng, AAKOÓ MUNGÚ, kudá' kuúng u leelehhiitá' iga meeriiká.

WARA'AMI 9:9

AAKOÓ MUNGÚ an baqmoó dír kudá' ta hara/untsina, an baqmór'ín qoomár slahh'amuuwo.

TI'INAANGW 15:2

AAKOÓ MUNGÚ an /uuruueé' nee an daa'angw'eé'. Inós ina ba/amar'eé' tleehhiít. Inós an Munguúeé', aníng un diidi'iís. Inós an Munguú baabuúeé', aníng un xirfayeés.

AXWEESANOÓ SAGALOOA 18:10

Umuú AAKOÓ MUNGÚ a koo/ír gawit, Heé hota ganaá' gun i goow, kuri saxamaár,

AXWEESANOÓ SAGALOOA 30:5

Umuúqo /aymuú Mungú aa ooi kwaa alqaytsiít. Inós a gaamboót dír mukdá' inós gu i gogoowa.

ISAYA 12:2

Ga/aawaak, Mungú an ba/amar'eé', inós un harahhiíf, sleeme a da'ayumitaaká. Asma AAKOÓ MUNGÚ an /uuruueé' nee daa'angw'eé', inós an ba/amusmooeé'.»

ISAYA 32:2

Umuúqo heewo tari adór dír tay gogoowi qoomár fur'aaro. Tari adór dír tay nahhat qoomár tluwoó dukto. Umuú heewo tari adór yaaér ma'aá koom ar baraá yaamaá kaahaar, tari adór mahhatír tlaa/ár yaangariir ar baraá xaanxaay.

ISAYA 45:21

Kangwsíng ooare' ar gwa/aateema ti dinkwaárí hara'ayinde'. A heemá heé kaangwí naa ti'imiit gwa geerií oo'? Heé muruuwí ngwaa geerií alki/iit a heemá? Xáy, aqo aníngeéke AAKOÓ MUNGÚ? Munguú hatlá' i kaahh aqo har aníng kilooeé'. Munguú ganaá' nee oo ba/amusmo oo hatlá' i kaahh aqo har aníng kilooé'.

YEREMIA 16:19

Aá AAKOÓ MUNGÚ, kuúng an /uuruueé', nee koo/ir'eé' ar gawit, kuúng an dír guway'eé' qoomár slahh'amuwo! Xoordaá badu sleémeero awa yaamu nin amoorók i hardihiyá' tawa kaahi, «Baabi'iirén gár taa aál i káhh, aqo har munguaá lama, muruú tawo oo slaasláwár koomaaká.

YEREMIA 16:9

Asma AAKOÓ MUNGÚ Aleesleemusmo, Munguú Israeli, i kaahi, «Ga/aawaak aníng afór qwala/ nee ar bara/ a qwaareés baraá yaamuukae, tam qwal/uú ni/imár /ayla. Tí kuungaákaá slafá' a aandá' ilaahunge.

Luka 1:47

nee qeeruueé' in Munguú saqwalalaa/, Ba/amusmooeé',

Luka 1:69

Ba/amusmoorén oo /uuruú koóm ngwa sláy baraá tlahhoó lawaalmoowós Daudi wa ale,

Luka 1:71

tiwa ba/amisi dír wakuuseerene nee baraá dabaá kudá' sleémeero atén ti ahhiita'a.

DABE 32:37

Aluuwo Mungú in ooi, «Munguihúng kudá' taa i gobé' i amoomá? Tlaa/arhúng tidá' tay nahhaté' gaálaay?

DABE 32:4

Inós a tlaa/a, gadiyeérós gár kawa /aár i káhh lohduuwós sleémeero i ganaaiyá'. Inós a Munguú inkihhím nee ku dakuús wásl, inós ku hhoó' nee i ganaa'.

DABE 33:29

Kuungaá Israeli a múk amohhoó', múk adór kuungá' a gaalá? Múk taa ba/amís nee AAKOÓ MUNGÚ. Inós an gaambórhúng ar alee/isaay, nee paángarhúng ar baali. Wakuuserhúng ni dirhúng i hardát ar ilaiwa/ame, kuungá' kiri yaamuií naka/aruurá'.»

Tito 3:4

Ala qoomár hhooeemaá Mungú Ba/amusmoorén kiwa geehhooeés, nee sla'aarirós,

Tito 3:6

oo yaariír, kudá' naa atén i ku'uús, ar loohír Yesu Kristo, Ba/amusmoorén.

Ebrania 2:13

Nee i malé kaahi, «Aníng Mungú un haratlintií'.» Nee malé alé i kaahi, «Aníng a diirí dirií' dinkwa nee na/iidá' Mungú naa aníng i haniís.»

1 SAMUELI 2:1

Hana iri firiín, iri ó', «Muunaáeé' i qwalalaa/ dír AAKOÓ MUNGUHE, AAKOÓ MUNGÚ un xirfayeemiís kuduú /uuruueé', aníng wakuuser'eé' ngari waaqaseém. Asma ba/amar'eé' ngiwa saqwalalaa/.

1 SAMUELI 2:2

«Munguú hatlá' oo hhoohhoó' adór AAKOÓ MUNGÚ wa alé i kaahh. Asma oo hatlá' oo adór kuúng i kaakaahh, tam tlaa/ár adór Munguúrén i káhh.