2 SAMUELI 22:2 - Biblía Axweesantá Hhohho' ar Mungú 2004

² «AAKOÓ MUNGÚ a tlaa/ar'eé', a koo/ir'eé' ar gawit nee a ba/amusmooeé'.

2 SAMUELI 22:2 Iomraidhean Croise

2 SAMUELI 22:32

«A heemá oo adór Mungú, aqo har AAKOÓ MUNGUÚHEÉKE? A heemá oo adór tlaa/ár amohhooa, aqo har Munguúréneéke?

2 SAMUELI 22:33

Munguúwí an dír gawit ar guway'eé', loohir'eé' gaa amohhe'eés.

2 SAMUELI 23:3

Munguú múk Israeli iri oó', tlaa/ár múk Israeli ina beér, ‹Hee bar muu ngwa sawaawuti'ín ar gan'amu, baraá waawuti'iimarose bar Mungú ngwa ilaiwaá/,

WARA'AMI 144:2

AAKOÓ MUNGÚ an tlaa/ar'eé', baqmor'eé' nee gweerusmooeé', dír nahhaatar'eé' nee dír guway'eé', dír naa harahhiíf as kawa saxmaár. Xoordu ngina iialooatís amor'eé' i ale.

WARA'AMI 31:3

Kuúng a tlaa/ár án i baaq nee koo/ír gawit. Aníng kuúng in geerahát nee in de'eén ar adoodá' ngira ó'.

WARA'AMI 42:9

Mungú, tlaa/ar'eé' un baw, «Asma milá misa gunqaarés? Asma milá mas taamberuús ar tsuunqumis, wakusmo iwa baramaanuusi?»

WARA'AMI 71:3

Kuúng dir'eene masók a tlaa/ár ni gogoow nee baqmór'eé', nee adór koo/ír gawit ar aníng i ba/amis, asma an tlaa/ar'eé' nee baqmór'eé'.

WARA'AMI 91:2

inós in dír AAKOÓ MUNGÚ í ooi, «Kuúng an dír guway'eé', nee koo/ir'eé' ar gawit, Munguúeé' kudá' ni harahhiif.»

AXWEESANOÓ SAGALOOA 18:10

Umuú AAKOÓ MUNGÚ a koo/ír gawit, Heé hota ganaá' gun i goow, kuri saxamaár,

Matayo 16:18

Ala aníng kuúng u baw, kuúng a Petro, gidaabárós a tlaa/a. Gawaá tlaa/arihe aníng mukdá' iga haratlintii' u gawdeemiís. Tam gwa'ara sleeme muk'eé' kwí gu aleesleeraaká arba/ato.

DABE 32:4

Inós a tlaa/a, gadiyeérós gár kawa /aár i káhh lohduuwós sleémeero i ganaaiyá'. Inós a Munguú inkihhím nee ku dakuús wásl, inós ku hhoó' nee i ganaa'.

1 SAMUELI 2:2

«Munguú hatlá' oo hhoohhoó' adór AAKOÓ MUNGÚ wa alé i kaahh. Asma oo hatlá' oo adór kuúng i kaakaahh, tam tlaa/ár adór Munguúrén i káhh.

1 SAMUELI 23:25

Naagáy Saulo nee mukós Daudi kuri leelehhtuú áy, ala muu Daudi guri adoorí báy. Daudi iri tláy iri nahhaát baraá mar'ír tlaa/a tidár baraá xatsaá Maoni, iri amoodá' wa hoót. Saulo kaangwí nguwa axaás, Daudi guna eehár baraá xaanxayduú xatsaá Maoni.

1 SAMUELI 24:2

Saulo nee slaqwaruuseerós ar kume tám, ar ta tsawaár baraá yaamaá Israeliro, tari tláy Daudi kuri leelehhtuú áy, nee mukós kwihe baraá tla/uudá' tsagna i hot.