2 SAMUELI 21:9 - Biblía Axweesantá Hhohho' ar Mungú 2004

⁹ Na/iiká' faanqw awa daaqaay Daudi gina haniís dír múk Gibeoni, inooín kiri tareereín gawaá tlooma, dír geeraá AAKOÓ MUNGÚ i ale. Sleémeero faanqwmaawo, nari qoomár wák qatliyé'. Na/iiká, kina tsuú/ qoomár bu'úngw geera oo shayiri.

2 SAMUELI 21:9 Iomraidhean Croise

2 SAMUELI 21:6

Gim daxta, múk faanqw baraá na/iiwós awa daaqaywo, amoorén i haniisang, atén i tsu/aán kiwa tareereiimaan dír geeraá AAKOÓ MUNGÚ wa ale, gawaá tloomár Gibeár Saulo, kudá' taa tsawaár nee AAKOÓ MUNGÚ.» Waawutmo iri oó', «Muksíng ngu haniís.»

2 SAMUELI 6:17

Naagáy sandakmoó AAKOÓ MUNGÚ kuri dahaás baraá heéma tidá' Daudi aa siíhh. Daudi ilahhooár da/a nee ilahhooár wayda gari haniís dír geeraá AAKOÓ MUNGÚ.

2 SAMUELI 6:21

Daudi Mikali gari báy, «Aníng a dír geeraá AAKOÓ MUNGÚ i dirií', kudá' aníng iga tsawaar kitángw baabuúwók wa ale, nee múk do'ose, as iwa qaasi tawa heé úr daanduú múk Israeli wa ale, múk AAKOÓ MUNGÚ. Gawaá adoorihe aníng an ni/iím dír geeraá AAKOÓ MUNGÚ wa ale.

TI'INAANGW 20:5

Kuúng slaqsi'iidá' mi i tumbarara'amitaar, laqaá mi sluufmisuú awaar, asma anuú AAKOÓ MUNGÚ, Munguúwók, a Mungú da/tá koóm, kudá' li/oó tlakweemaá xwayliité tidá' aníng i ahhiit gu dír na/ii'ín buú' tam ay nángw sagaáwa tám laqaá ay tsiyáhh.

TI'INAANGW 9:31

(Kitaáni nee angaánoó shayiíriro tluwaydá' gaa ló'wa hhitín, asma qoomaadae angaánoó shayiíri aa hamaár nee kitaáni i baraá /ayór i dirí'.

TI'INAANGW 9:32

Ala angaáno nee daa'awtá hatlae naa hhitiruti'iiká asma ki ninakw.)

FAARO 25:4

AAKOÓ MUNGÚ Mose guri báy, «Geeraharuusér Israeli sleémeero ar tlaweek, ki tarereiín tlaatla/ángw alé dír geeraaeé', as kahhó' muner'eé' iwa tsauur daanduú múk Israeliwo.»

DABE 21:22

«Barnaxes hee dakuúsár gwa'arár wa hariim gaa tleéhh, kuri gaás, tuuaarós ka tarereei gawaá xa'ano.

RUTI 1:22

Adoorí an adór Naomi nira kí/ baraá ayaá Moabú wá alé dinkwa nee Ruti, harér garmaawós, dasír xoorór Moabu. Niwa hardihiyé' gixsár Betilehemu a qoomár bu'úngw angaánoó shayiíri iwa iimu/u/un.

1 SAMUELI 15:33

Ala Samueli iri oó', «Adoodá' paángarók na/aá /ameena ngira hhaamís, adoorí an adór panmoó aayoorók ir meetiiká tla/ángw /ameenaaro.» Naagáy Samueli Agagi guri sikín geeraá AAKOÓ MUNGÚ wa alé baraá Gilgali.