2 SAMUELI 21:7 - Biblía Axweesantá Hhohho' ar Mungú 2004

⁷ Ala waawutmo Mefibosheti, garmoó Yonatan guri tuú/ asma lo'oodá' Daudi nee Yonatan garmoó Saulo taa /aáy as mulqi'iima. Inooínaaká' tsaraawo lo'oorí ngina /ayiyé' ar umuú AAKOÓ MUNGÚ.

2 SAMUELI 21:7 Iomraidhean Croise

2 SAMUELI 16:4

Waawutmo Daudi Siba guri báy, «Axáy, muruduú Mefibosheti hamí a kók.» Siba guri báy, «Na'amamís aakooeé' waawútmo, án kuúng u firiím, aníng hhooeemáy tleehháng umuúqo daqto.»

2 SAMUELI 19:25

Naagáy, qoomár iwa Yerusaleémú wa tláy, iwa waawutmoó al'áy, waawutmo guri yaahaás, «Xáy Mefibosheéti, asma milá mista alkoomaniiká nee kuúng?»

2 SAMUELI 4:4

Yonatan garmoó Saulo, na/oó garma gu kón oo ya'aawós naa sol'omitiye'. Na/aywí ku bay Mefibosheti. Kureriwós a kooán qoomár kángw gwa'arár Saulo nee Yonatan kawa axaás baraá Yesre'eliro. Qoomaarihe umtuso'ór na/aywí ngiwa axás adór Saulo nee Yonatan kira tsuú/ amoodár Yesre'eliro, Mefibosheti guri taatáhh, guri ar góp. Ala qoomár iwa ti'ii'iin ar gaanslaay, na/aywí guri sláx, ya'aá na/aywí niri sol'omiitiyé'.

2 SAMUELI 9:1

Baalarka wake Daudi ina yaahaás, «Xáy, heé aa meet i deéro baraá xwaylár Saulowo? Barnaxes i deer geeraawo a slaá, nguwa hhooeemáy tleehh as Yonatan.»

2 SAMUELI 9:10

Kuúng nee na/iiwoge nee lawaalér do'oge qamaá Mefibosheti in doslá', nee nángw naangoó aakoowók un balángwí huwahubá', as kahhó' muruú /ayma nguwa kon daqisleém. Ala inós nee aníng an al/ayimaán daqisleém.» Qoomaarihe Siba na/ii ngi kon mibaá nee kooán, awa daaqaay, nee lawaale a mibeeri tsár.

2 SAMUELI 9:6

Naagáy, Mefibosheti garmoó Yonatan, nángw naangoó Saulo, iri amór waawutmo Daudi káy. Mefibosheti iri qaát ar gura' dír geeraá waawutmo Daudi, guri i tumbarara'aát. Daudi guri ateét, «Mefiboshéti.» Inós iri ooín, «Oóy! Anuú lawaalmoowók a diirí.»

2 SAMUELI 9:7

Daudi guri báy, «Ma da'ayumiitaar. Aníng kuúng u hhoeemií tleéhh, as Yonatan baabuúwók. Yaamuudá' sleémeero awa aakoowók Saulo ngi amoorogí ki/ís. Aníng nee kuúng an dinkwár wa al/ayimaán daqisleém.»

DAHARUSMO 8:2

Hara'ayár waawutmo iiloeseek, asma al'axweesantadá' lo'o kawa húp ar umuú Mungú.

1 SAMUELI 18:3

As Yonatan Daudi nguwa gurií baá/, nee inooín alqadór tawa mulqe ngiri tleehhiyé'.

1 SAMUELI 20:12

Yonatan Daudi guri báy, «AAKOÓ MUNGÚ, Munguú múk Israeli, masók a lamabu'usmoorén, matlo qoomár adór tihe, laqaá balooqa, qaytsiít án baabuúeé' u yaahaás. Axweesantós barka hho' daanduuwoge aníng ngi qo oó'.

1 SAMUELI 20:15

múk dooeé' mu mawaar kuwa hhooeemií tlehh ay kureerisleém. Nee tam bar AAKOÓ MUNGÚ wakuuseerók gaa hhaamiís sleémeero baraakaá yaamuwo,

1 SAMUELI 20:17

Wa'aá hatlae Yonatan Daudi guri báy, «Lo'o /ayeek kuúng bar aníng iqo ló'wa slá'.» Asma inós guna slaá' adór hhiintluwósuú kilá'.

1 SAMUELI 20:42

Aluuwo Yonatan Daudi guri báy, «Tláw ar wayda. Aníng nee kuúng al'axweesani aga qaroó qaasaán ar umuú AAKOÓ MUNGÚ, kari lo'ór wa /ayaán, AAKOÓ MUNGÚ a lamabu'usmo tla/angwrene ay kureerisleém, nee tam baraá xwaylár nangw'eé' nee xwaylár naangoge sleeme, ay kureeraá kureér,» Daudi iri sihhiít iri tláy, Yonatan iri kií/ baraá gixsa.

1 SAMUELI 20:8

Gawaá adoorihe, sagadiyusmoowók hhooeemií tleehheek, asma kuúng anuú sagadiyusmoowók iga baraá alqadór AAKOÓ MUNGÚ i dahás. Ala bar aníng a tlakweemaá koóm, kuúnguú kilá' án na gaasáng, asma gár is ala hup dír geeraá baabuúwók a milá?»

1 SAMUELI 23:18

Nee kukaaká' tsaraawo nari al'axweesiyé' geeraá AAKOÓ MUNGÚ wa ale. Daudi iri hoót Horeshír wa ale, nee Yonatan iri waátl amór do'ós.

1 SAMUELI 24:22

Daudi lo'oodá' gari dír geeraá Saulo wa /aáy, Saulo iri waátl amór do'ós. Ala Daudi nee mukós tari kií/ baraá koo/idá' gawit.