2 SAMUELI 21:6 - Biblía Axweesantá Hhohho' ar Mungú 2004

⁶ Gim daxta, múk faanqw baraá na/iiwós awa daaqaywo, amoorén i haniisang, atén i tsu/aán kiwa tareereiimaan dír geeraá AAKOÓ MUNGÚ wa ale, gawaá tloomár Gibeár Saulo, kudá' taa tsawaár nee AAKOÓ MUNGÚ.» Waawutmo iri oó', «Muksíng ngu haniís.»

2 SAMUELI 21:6 Iomraidhean Croise

IIMU/UUNGW 40:19

Alaá deelo tame Farao sagók gu tsaat, nee slaqwtók kari tareree' gawaá xa'ano, nee gwares fu'unaywók giri /aay.»

IIMU/UUNGW 40:22

Ala heedá' úr oo múk mikaáte ga tlehhaahhiít kuna tarereé', adoodá' Yosefu ngira alki/iít.

2 SAMUELI 17:23

Ahitofeli ngiwa ár adór axweesantós kara kaángwí sií', iri tsa/án gawaá daqwaywós, iri waátl amór do', baraá gixsarós. Iwa hardáh muruú dír do'ós guri qoomeés. Tari tarereé', iri gwaá'. Kuri foól baraá /aantár baabuúwós.

2 SAMUELI 18:10

Heeko Absalomu iwa tarereamiti guna ár, kaangw guri oó' dír Yoabu, iri oó', «Absalomu ngwa ár i tarere'amiit gawaá halmír ta/eewír wa ale.»

2 SAMUELI 19:28

Asma múk doó aakooeé' sleémeero gár niwa hariné' aqo tsu/uta dír geeraawoge, aakooeé' waawutámo. Ala anuú sagadiyusmoowók ina qás dinkwa nee mukdá' /ayiím gawaá meésarók wa ale. Xáy, gan'amuú ni koom i deéro tam oo niiná, tam oo uwa i /aa/amiim, waawutámo?»

1 QOM'I 12:3

Geeraharusmooín oo úr a Ahieseri, nee aluuwo tay Yoashi, inooínaká' tsaraawo a daaqoó Shema'a kuduú gixsár Gibea, nee Yesieli nee Peleti daaqoó Asmaweti, nee Beraka nee Yehu kudaá Anatoti,

ESRA 6:11

Slamí an malé kah, barnaxes hee /aymuuwí gwaa warqeés, waaqaasi ka duuxi baraá do'ós wa alé, ka inós ar muti nee waaqaasi ka sihhtisi, inós i gawaadá' wa tarereamiti, nee do'ós ku ufuú xwaansláy tleehhi.

ESTA 9:10

Mukwí an daaqoó mibaangw oo Hamani garmoó Hamedata, wakusmoó múk Yahudi, ala muruuín kwaa haasaáng wa hayohiiká.

Matayo 27:5

Peésaadá' gari kwaáhh baraá Doó Mungú, iri tláy, tiri tareereé'.

Tlehhema'aá ya/Abuuse 13:21

Slám aluudae múk Israeli Mungú guri firín as waawutmo kuwa slay. Nee Mungú Saulo guri haniís, garmoó Kishi, heé tlahhoó Benyamini. Inós giri sawaawuti'ín kureeri mibeeri tsiyahhe.

DABE 21:22

«Barnaxes hee dakuúsár gwa'arár wa hariim gaa tleéhh, kuri gaás, tuuaarós ka tarereei gawaá xa'ano.

YOSHUA 10:26

Aluuwo Yoshua waawitaádá' guri tsuú/, nee gway tareereín gawaá xaa'aá kooán i alé, slaqooín nay gawaadá' wa tarereamiitiyé' ay tsiindo.

YOSHUA 8:29

Inós waawutmoó Ai guri tarereé' gawaá xa'ano ay tsiindo. Nee qoomár tsiindi iwa darat, Yoshua muu guna báy, «Slaqwtós hingeesaak gawaá xa'anoowo, ka kwahhá' afkú gixsa.» Naagáy tlaa/e kay gawaá tuuadií burumbuúr adór ufa, tam ay laarí ufuudá' i deer.

1 SAMUELI 10:1

Naagáy Samueli chupiito'ór di/i gari óh, gari tsiririxiís gawaá ságw Saulo, guri ma'aás, iri oó', «AAKOÓ MUNGÚ ugwa iimbalaáx ar di/i, as tawa geeraharusmoó mukós oo Israeli, nee kuwa ba/amis baraá dabaá wakuuser'ín wa ale. Layár kuúng kar tsahh adór AAKOÓ MUNGÚ ura di/tár iimbalaáx tawa geeraharusmo daanduú aalirose a tí,

1 SAMUELI 10:24

Samueli muu sleémeero guri báy, «Heewí taa tsawaár nee AAKOÓ MUNGÚ u ga/eerá'a, inós nee heé slaqmís i kaahh baraá muu sleémeero.» Naxés muu sleémeero kuri ilaaóh ar afór tsimaahhi, ta kaahi, «Waawutmo sagós fur'a ngu laaleer.»

1 SAMUELI 10:26

Saulo iri waátl Gibea amoodár do'ós dinkwa nee slawtá slaqwaruuse, tidá' Mungú aa mune kwatiít.

1 SAMUELI 11:4

Ya/abuusér aáng iri hardát ay Gibeár Saulo, axweesanaywí kuri oó' baraá iaá muu sleémeero, tari tsuunquumiís ar /aa/aá yaariir.

1 SAMUELI 24:21

Áx daxta hamí, lo'o /ayeék ar umuú AAKOÓ MUNGÚ, yaeemir'eé' kawa qwaareská baraá guruú doó baabuúeene.»

1 SAMUELI 24:22

Daudi lo'oodá' gari dír geeraá Saulo wa /aáy, Saulo iri waátl amór do'ós. Ala Daudi nee mukós tari kií/ baraá koo/idá' gawit.