2 SAMUELI 21:22 - Biblía Axweesantá Hhohho' ar Mungú 2004

²² Mukwí tlahhay'ín a xwaylár mukdá' dirén, tledaadét yaamaá Gati, Daudi nee sagadiyuuseerós mukwí kuna tsuú/.

2 SAMUELI 21:22 Iomraidhean Croise

2 SAMUELI 21:16

Heeko wák ku bay, Ishbibenobu, inós a heé wák baraá mukdá' tledaadét direne. Inós lawaalarós ar muqslír sirdaa/aat ga kón, ilooeemawo a kílo tám nee tlaqi. Paángarós ar /aben ga kón, inós Daudi guna iiár gaasaro.

2 SAMUELI 21:21

Qoomár múk Israeli nguwa niqmisi, kuri gaás nee Yonatan garmoó Shimei, hhiyoó Daudi.

1 QOM'I 20:8

Mukwí Daudi nee sagadiyuuseerós taa tsuú/ a xwaylár mukdá' tleedaadét dirén oo yaamaá Gati.

WARA'AMI 108:13

Mungú bir bartarén atén arba/ati a slawaán. Inós wakuuseerén ga yaamií kalaa/.

WARA'AMI 118:15

Iiárií qaasaak, afór qwala/ ar múk naa baalin, baraá heemaduudaá múk ganaa'a, «AAKOÓ MUNGÚ ar /uuruwose muruú waa/oo/amo gwaa tleéhh!

WARA'AMI 60:12

Mungú bir bartarén i dirii', atén a baalimaán, asma Mungú wakuuseerén ga yaamaá harakalaa/.

DAHARUSMO 9:11

Aníng ana malé ár barakaá yaamuwo, múk arba/ati ga slasláw baraá ti'iingo, a kudá' gu baalaaká. Baraá slaqwaraaro múk balaaliím a kudá' /uuruú koomaaká. Múk muruú /aymár koóm a kudá' sagaloeneeká, laqaá daqaare a múk fuqureraá koomaaká, laqaá daharusmo a geeraharusmowooká. Ala umuú heewo gitsee/a gi kón nee qoomaaro.

YEREMIA 9:23

AAKOÓ MUNGÚ i kaahi, «Heé sagaloó' mitiwa xirfayeemiís as sagalooarós, heé /uuruú koóm mitiwa xirfayeemiís as /uuruuwós, heé daqaarmo mitiwa xirfayeés as daqaari'iimarós.

Rumi 8:31

Ala ma ooaán gawaá daanduú tihe? Mungú bir bartarén i dirii', heé atén ti tlaampa'aás a heemá?

Rumi 8:37

Ala baraá muruuwí sleémeerowo arba/ati a ló'wa slawaán ar kudá' atén taa slaa'.

YOSHUA 14:12

Hamí daxta kuúng un firiím, yaamukaá tlom'i aníng i haniisang ar adoodá' AAKOÓ MUNGÚ ngira oó' baalaadae. Kuúng a xú' baalaadae múk Anaki baraaká' gana hoót, slám koo/ír gixsadu ka gawit. Barnaxes AAKOÓ MUNGÚ a dinkwa nee aníng, mukwí uqo tlatlahhaás ar adoodá' AAKOÓ MUNGÚ ngira oó'.»