2 SAMUELI 21:21 - Biblía Axweesantá Hhohho' ar Mungú 2004

²¹ Qoomár múk Israeli nguwa niqmisi, kuri gaás nee Yonatan garmoó Shimei, hhiyoó Daudi.

2 SAMUELI 21:21 Iomraidhean Croise

2 SAMUELI 13:3

Ala Amnoni i mulqumoó kón, ku bay Yonadabu, garmoó Shama, hhiyoó Daudi. Yonadabu a heé kángw kilá' wa fuqurángw koóm.

2 SAMUELI 21:20

Aluuwo slaqwara nari malé ti'ít baraá yaamaá Gatiro. Baraá ayaadae heeko wák i deer, ku xatl-hhoó'. Umuú dako ditsa' ngi kon lahhoó', nee ditsaá ya'aawós a lahhoó' umuúqo yaaeero, ditsaawós sleémeero a mibeeri tsár nee tsiyáhh. Heewí oo xwaylár mukdá' dirén, tledaadét.

2 SAMUELI 21:22

Mukwí tlahhay'ín a xwaylár mukdá' dirén, tledaadét yaamaá Gati, Daudi nee sagadiyuuseerós mukwí kuna tsuú/.

2 WAAWITÁ 19:13

Xáy waawutmoó Hamati nee oo Arpadi, nee oo Sefarfaimu, nee oo Hena, nee oo Ifa, amór tay dirii'i a amá?›»

1 QOM'I 2:13

Yese garmaawós oo baris a Eliabu, oo tsár a Abinadabu, oo tám a Shimea.

1 QOM'I 27:32

Yonatan, maamoó waawutmo Daudi, inós an hara'ayusmo nee heé muruú tsatsahhaám nee a goousmo. Inós nee Yehieli garmoó Hakmoni, daaqoó waawutmo nguna intsaahhatimisiyé'.

1 SAMUELI 16:9

Yese Shama guri waarahhaás ar dír geeraá Samueli, Samueli iri male oó', «Tam kwí sleeme AAKOÓ MUNGÚ gwa tsawaariiká.»

1 SAMUELI 17:10

Heedaáduú Filisti iri kumiít axweesanoó dara/aango, «Laarír kilá' slawtá múk Israeli an slaá' heé wák amor'eé' xu'usare', oo nee aníng ti tlampa'aasá'.»

1 SAMUELI 17:3

Múk Filisti ina sihhiít gawaá tlom'aá barti'ín, nee múk Israeli ina sihhiít gawaá tloomár barti'ín, gár tla/angw'ín a tlapa.

1 SAMUELI 17:36

Anuú sagadiyusmoowók aga intsahhaám direeraá yaariir nee makaydá' ta bay duúbu tsu/utaaro. Hamí tam heeqaáquú Filisti oo taa al/utliiká, aníng aqo un adoorí laáq. Ga/aaweek inós slawtá múk Munguúdá' slaáf gan /oosliislín.»