2 SAMUELI 21:20 - Biblía Axweesantá Hhohho' ar Mungú 2004

²⁰ Aluuwo slaqwara nari malé ti'ít baraá yaamaá Gatiro. Baraá ayaadae heeko wák i deer, ku xatl-hhoó'. Umuú dako ditsa' ngi kon lahhoó', nee ditsaá ya'aawós a lahhoó' umuúqo yaaeero, ditsaawós sleémeero a mibeeri tsár nee tsiyáhh. Heewí oo xwaylár mukdá' dirén, tledaadét.

2 SAMUELI 21:20 Iomraidhean Croise

2 SAMUELI 21:16

Heeko wák ku bay, Ishbibenobu, inós a heé wák baraá mukdá' tledaadét direne. Inós lawaalarós ar muqslír sirdaa/aat ga kón, ilooeemawo a kílo tám nee tlaqi. Paángarós ar /aben ga kón, inós Daudi guna iiár gaasaro.

2 SAMUELI 21:18

Alaá tihe, slaqwara nari male ti'ít nee múk Filisti amór yaamaá Gobur wa ale. Amoodae Sibekai heé xoorór Hushati oo ta bay Safu guri gaás, inós a heé xwaylár mukdá' tledaadét dirén.

2 SAMUELI 21:21

Qoomár múk Israeli nguwa niqmisi, kuri gaás nee Yonatan garmoó Shimei, hhiyoó Daudi.

1 QOM'I 20:6

Slaqwararkar hatlá' ina malé ti'ít dír yaamaá Gatiro. Didae heeko wák i deer oo yangariír oo ditsa' lahhoó' umuúqo dako nee umuúqo yaaeero. Inós ditsaawós a mibeeri tsár nee tsiyáhh. Inós sleeme oo xwaylár mukdá' tledaadét dirén.