2 SAMUELI 21:17 - Biblía Axweesantá Hhohho' ar Mungú 2004

¹⁷ Ala Abishai garmoó Seruya, ina tláy as Daudi nguwa alee/iisi. Abishai heedaáduú múk Filisti guri slaáhh guri gaás. Muu lo'o gari geeraá Daudi wa /aáy, tari oó', «Atén nee kuúng ti alkoomanaaká baraá slaqwaraaro. Bar adooriheeká tsaa'astá waawuti'iima a gás baraá Israeliro.»

2 SAMUELI 21:17 Iomraidhean Croise

2 SAMUELI 14:7

Hám daxta, múk doorén sleémeero aníng iga sakií/, anír sagadiyuuso'oorók. Gár ta slai a garmaadá' aa tsu/uut. Un dir'íní laqaám kuwa gaasi, as hhiyawós nguwa gaás. Hamí, kuú alutmo kun gaasaárí axwees. Adoorí barka tleéhh daqaní oo ni harahhiif i kaahh, oo dir'eé' meét. Nee daqaní doó hhawaatu'eé' aa qwaár baraá yaamuwo.»

2 SAMUELI 18:2

Daudi slaqwaruuseerós gana qasiís baraá daqooroó tám, giri ya/aáw baraá slaqwara. Daqtá geera geeraharusmooín a Yoabu, daqtá tsár geeraharusmooín a Abishai, garmoó Seruya, hhiyoó Yoabu, nee daqtá tám ar Itai heé Giti. Waawutmo Daudi sleémeero giri báy, «Aníng nee kuungá' tin alkoomaán.»

2 SAMUELI 18:3

Ala muu guri báy, «Kuúng a daqeeraaká. Asma atén bar aga guwaán, ti gaárií xuiaaká. Nee barnaxes atén taa tla/a tsaát tsu/utaaro, sleeme i daawiitiaaká as atén. Ala kuúng a heé afhhamít, tam múk kumér mibaangw ba/a baraá ateékae. Gár hhoo' a kuúng an mét baraá gixsa, nee ale/isayrén ngun baraá gixsár wa ya/abít.»

2 SAMUELI 22:19

Ina i haratlayé' qoomár niwa baraá slahh'amayeérí dirií', ala AAKOÓ MUNGÚ an baqamór'eé'.

2 SAMUELI 22:29

AAKOÓ MUNGÚ, kuúng a tsaa'aste'eé', Munguúeé', kudá' giwtir'eé' ga hingemiís.

1 WAAWITÁ 11:36

Garmaawós kwí Solomon, aníng u tlahhoó wák i haniís, asma qooma sleémeero xwaylár sagadiyusmooeé' Daudi tlahhaywí nguwa sawaawuti'iin baraakaá Yerusalemúr wa alé, nee inós masók a gwa/aateema baraá gixsár Yerusalemu ar aníng naa tsawaár as tawa dír aníng tiwa sluufmiisi.

1 WAAWITÁ 15:4

Tam adoorihe, as Daudiwo, AAKOÓ MUNGÚ Abiya ngway garmií haniís oo waawuti'iím kitangós wa ale, as inós iwa gwa/aateema tleehhiti baraá Yerusalemuro nee gixsár Yerusalemu ngiwa gawdeesi.

WARA'AMI 132:17

Baraadae oo wák baraá xwaylár Daudiwo un waawutmoó úr tleéhh, tsaa'asi a amohhe'eés as kwe'eé' kwí naa iimbalaáx.

WARA'AMI 144:10

Kuúng an kudaádá' baali ga hanmiís dír waawitá. Kuúng sagadiyusmoowók Daudi una ba/amís.

WARA'AMI 46:1

Mungú a dír guwayrén nee an /uuruurén adoorí atén aga araán, baraá slahh'aamuurene inós atén tina alee/iís.

YEREMIA 40:15

Naagáy Yohanani garmoó Karea iri axweés nee Gedalia ar naaqo amór Mispa wa alé, guri báy, «Xaa ya/aám, án Ishmaeli garmoó Netania ngu gaás, nee tí hee tumu wák mingiwa xuú'. Ahaá waáy, inós kuúng gár us gaasi a milá, nee múk yaariír kwí oo Yahudi aa burumburiit gár is diya/aati nee paanaywí oo Yuda kus hhaamisi?»

Yohana 5:35

Yohane a tsaa'asi tidá' tsaa'amiis nee ar gwa/aat. Nee kuungá' gwa/aateemaadá' ina slaé', kay sa qwalaala/é' ar har qoomár niina.