2 SAMUELI 21:16 - Biblía Axweesantá Hhohho' ar Mungú 2004

¹⁶ Heeko wák ku bay, Ishbibenobu, inós a heé wák baraá mukdá' tledaadét direne. Inós lawaalarós ar muqslír sirdaa/aat ga kón, ilooeemawo a kílo tám nee tlaqi. Paángarós ar /aben ga kón, inós Daudi guna iiár gaasaro.

2 SAMUELI 21:16 Iomraidhean Croise

IIMU/UUNGW 14:5

Nee kurkú mibaá nee tsiyahhe Kedorlaomeri nina hardáh dinkwa nee waawitaádá' nee inós ti koomá', múk Refaimu kuri baál baraá Ashterot-karnaimu, nee múk Susi kuri baá/ baraá yaamaá Hamuwo, nee múk Emi kuri baál baraá xatstá Shafe-kiriataimuwo.

IIMU/UUNGW 6:4

De'emudaádae múk ló'wa tlét i deer baraá yaamuwo. Nee tam aluuwo sleeme i deer. Mukwí an xwaylár daaqoó Mungú nee dasú muu. Inooín a pihhuuseedár aáng, nee a múk xirfuú koóm.

2 SAMUELI 21:18

Alaá tihe, slaqwara nari male ti'ít nee múk Filisti amór yaamaá Gobur wa ale. Amoodae Sibekai heé xoorór Hushati oo ta bay Safu guri gaás, inós a heé xwaylár mukdá' tledaadét dirén.

2 SAMUELI 21:20

Aluuwo slaqwara nari malé ti'ít baraá yaamaá Gatiro. Baraá ayaadae heeko wák i deer, ku xatl-hhoó'. Umuú dako ditsa' ngi kon lahhoó', nee ditsaá ya'aawós a lahhoó' umuúqo yaaeero, ditsaawós sleémeero a mibeeri tsár nee tsiyáhh. Heewí oo xwaylár mukdá' dirén, tledaadét.

2 SAMUELI 21:22

Mukwí tlahhay'ín a xwaylár mukdá' dirén, tledaadét yaamaá Gati, Daudi nee sagadiyuuseerós mukwí kuna tsuú/.

2 SAMUELI 5:18

Múk Filisti iri hardáh, xatstá Refaimu gana al tsiyayaxaát.

FAARO 13:22

Tana tláy ay Negebu, tari hardáh ay gixsár Hebroni. Tlahhoó Anaki in baraadá' hoot, inooín án múk Ahimani nee múk Sheshai nee múk Talmai. (Gixsár Hebroni kana geerií qaro tleéhh kureeri faanqw dír gixsár Soaniro tidár yaamaá Misri.)

FAARO 13:28

Ala yaamuloouuser'ín an múk ló'wa /uureemaá koóm, nee gixsaduuín ki gawden. Kina tleéhh ar koo/ír gawit nee ki diren. Slamí amoodae xwaylár Anaki ana araán.

DABE 1:28

Ahaá waáy, gár tas baraá yaamuudá' kawaan? Asma gur'eerén ma'aay ngaa dalaa/iyé', as kangwdá' mukdá' naa atén báy, tawa kaahi, múk amoodá' ku ló'wa dirén, slám ku tlét ta atene, nee gixsaduuín ki ló'wa diren nee koo/i ka ló'wa tlerantleer ay gawaá doori. Slám ta kaahi, mukwí dirén a kuduú xwaylár Anaki una araán.

DABE 2:10

«Aáng yaamuukaá Ari múk yaariír gina hoót oo /uureemaá koóm, oo ta bay múk Emi, slám a múk tlét adór mukduú Anaki.

DABE 2:11

Mukuú adór múk Anaki, inooín sleeme kina xuú' tawa múk Refai, ala múk Moabu, mukwí umuú ngur ateetina' a múk Emi.

DABE 2:21

Inooín an múk ló'wa yaariír oo /uuruú koóm nee múk tledaadét adór múk Anaki. Ala AAKOÓ MUNGÚ mukwí guna hhaamiís qoomár múk Amori iwa hardáh yaamuudá' kiri hayóh, niri baraadá' wa hootiyé' kitangw'ín wa ale.

DABE 3:11

«Waawutmo Ogu an heé alhhe'eesáy oo múk Refai. Sandakmoowós kuna tleéhh ar muqsli, tlenaangós a miíta tsiyáhh, nee bihheero a tsaxwaá miíta tsár, qoomoó alhotaariro. Sandakmoodá' tam ay hamí i deer baraá gixsár Raba ar múk Amoni.

DABE 9:2

Múk baraá yaamuudá' hoót ku ló'wa tlét, nee i ló'wa /uureemaá koná'. A xwaylár Anaki, kudá' kuungá' ta xua' nee kangw'ín taa axasé', ‹Xáy, heé nee mukduú Anaki ti tlampa'aasá' a heemá?›

YOSHUA 11:22

Hee tumu wák oo tlahhoó Anaki oo aa meet baraá yaamaá Israeli i kaahh, awa niinár tawo dír ni meetiyé' a amór Gasa, nee Gati nee Ashdodi.

YOSHUA 15:14

Kalebu tlahh'aá tám awa hhay Anaki gina tlatlahhaás baraadá' wa alé. Inooín an kuká': Hhay Sheshai nee hhay Ahimani, nee hhay Talmai.

1 SAMUELI 17:7

Harmahoó lawaalarós yangareemaawo a adór xa'anoó ta inqwarúr tlehhaahhiti, nee tsitsihhír lawaaladá' iiloeemawós a kílo faanqw. Gaamboórós heé hatlá' gan loohiis geeraawós wa ale.