2 SAMUELI 21:14 - Biblía Axweesantá Hhohho' ar Mungú 2004

¹⁴ Aluuwo Daudi nee mukós fadaá Saulo nee garmaawós Yonatan kina foól baraá yaamaá Benyamini, amór Sela, baraá /aantár Kishi baabuú Saulo. Umuuqo gár waawutmo aa ooi kana tleéhh. Alaá kaangwihe, Mungú firór kángw yaamuuín gari iiári qaás.

2 SAMUELI 21:14 Iomraidhean Croise

2 SAMUELI 21:13

Naagáy, Daudi fadaá Saulo nee Yonatan garmaawós ngina watlís. Aluuwo fadaá mukdá' faanqw taa tareereín kiri burumbuúr.

2 SAMUELI 24:25

Daudi AAKOÓ MUNGÚ guri kitángw ilahhooárií tleéhh didár afeenidár balaangw muxta. Ilahhooár da/a gari haniís, nee ilahhooár wayduwo. Naagáy AAKOÓ MUNGÚ firoorí gari ya/án as yaamu, nee oohaseeyidár tiqtír pu/i ar múk Israeli gwa ot, gari har'óh.

2 SAMUELI 3:32

Abneri kuna foól baraá Hebroni, nee waawutmo Daudi tsuunqusmo guri tseé' bihhaá /aantár wa ale. Muk hatlá' sleémeero adoodá' gana tleéhh.

2 SAMUELI 4:12

Daudi masoombarós gari ádbáy, inooín mukdá' kuri tsuú/. Mukdá' kuri daba' tlaánq nee ya'aawo, kiri tareereín gawaá xa'ano, dír bihhaá tlahhsár ma'aay baraá Hebroni. Ala ságw Ishbosheti kuna ar tláy, kuri foól baraá /aantár Abneri baraá Hebroni.

YONA 1:15

Naagáy Yona kuri óh, kuri kwaáhh baraá tláwtí alé, nee tlawi iri tsék.

SEKARIA 6:8

Naxés aníng iri ateét, iri báy, «Ga/aaweek, farsuudá' aa yaamaá bihhaá /iikú xuu', buhhtaá Aakoó Mungú ngaa tsaeesiyé' amór yaamaá /iikó.»

FAARO 25:13

Án alqadoorí an tleéhh nee inós nee xwaylarós adór tar kaahamuusér Mungú ay kureeraá kureér, asma inós sla'aari nguna tliwí/ daanduú Munguúwose, múk Israeli guri haraki/isár i tleéhh.› »

FAARO 25:8

nee heé aáng oo Israeli guri aluúwaá eehár ay baraá heéma, tsaraawo giri gur'e dinkwárí muút ar lawaala, hhawaatuduú Israeli nee /ameenidae. Tiqtidár pu/i ar múk Israeli gwa hhaamiis iri fák.

YOSHUA 18:28

nee Sela, nee Ha-elefu, nee Yebusi, tidá' ta hara babay Yerusalemu, nee Gibea nee Kiriat-yearimu. Gixsaduuká' kaa haniís dinkwaaro a mibaá nee tsiyáhh. Ayeemooká' sleémeero an kudá' taa haniís dír tlahhoó Benyamini nee múk do'ós.

YOSHUA 7:26

Inooín ufuú tlaa/e ngway gawaawósií burumburiyé'. Ufuduú tlaa/e i deer tam ay laarí. Aluuwo AAKOÓ MUNGÚ mune gay guú/. Nee didaádá' kari báy xatstá Akori tam ay laarí.

1 SAMUELI 10:2

hamí bara diirí wa tleér, ti dogá' nee hhawaataá tsár dír iisaapoó /aantár Raheli, didár Selsa baraá yaamaá Benyamini. Inooín turi bay, daqwaayeedá' taa leelehhtuú eeré' kaa sláy. Hamí baabuúwók guruuwós in hamiis as kuúng, i kaahi, ‹Adór ni laaq daanduú garmaaeene?›