2 SAMUELI 21:10 - Biblía Axweesantá Hhohho' ar Mungú 2004

¹⁰ Rispa, dasír Aia, tlabaá angamia gina taatáhh, giri hháf gawaá tlaa/a. Iri didá' wa hotaatiín iimír iimu/úngw bu'uungw, ay qoomár tluwaay i tlubaabin iri xeér, nee tu'u giri i tluúw. Qoomaarí sleémeero makaá sla/a nee gwarsuwo gin gusaasiín, xweera nee tlaatla/ango, as tu'uká, mikiwa kwatiít.

2 SAMUELI 21:10 Iomraidhean Croise

IIMU/UUNGW 40:19

Alaá deelo tame Farao sagók gu tsaat, nee slaqwtók kari tareree' gawaá xa'ano, nee gwares fu'unaywók giri /aay.»

2 SAMUELI 21:11

Daudi kaangwí nguwa axaás, oo Rispa aa tléhh, dasír Aia, hareedá' quturmo wasl ar Saulo,

2 SAMUELI 3:7

Saulo /ameenirós tooka wák ar quturmo wasl ga kón, umuuwós a Rispa, dasír Aya. Qoomarkaro, Ishbosheti Abneri guri báy, «Asma milá masa qaté' nee /ameenidár baabuúeé'?»

1 WAAWITÁ 21:27

Alaá Ahabu adoorí ngiwa axaás, tlabaawós gina feehhamiís, guniya gana tsiít, iri gwaawín, iri guniyadúr guú' nee iri hi'iimiít ar gurhaami amorqá' nee tiqae.

YEREMIA 14:22

Xáy, munguaá lama awa xoordaá hatlá' tluwaay ngu huwiía? Laqaá tlaangú duuxaro ngu aleesláy'a? Xáy, aqo kuungeekáhe AAKOÓ MUNGÚ, Munguúrén? Atén kuúng un harahhifaán, asma kuúng tí sleémeero ana tléhh.

ESEKIELI 39:4

Kuúng a gwá' gawaá tlom'aá Israeli, kuúng dinkwa nee slaqwaruuseerók sleémeero nee xoordaá dinkwa nee kuúng. Aníng slaqooín in haniís as kiwa /ayi nee tsir/ór gawaá doori ar umuú kalaywo nee makaá xaraaslá'.

HOSEA 6:3

Atén AAKOÓ MUNGÚ ku xuaán nee ta kumiitaán kuwa xuaan, hardahamuuwós i pa/iiká adór matlaatle. Inós tin adór tluwáy wá i hardah, adór tluwoó laweei yaamu ngir i tlubaabin.

Yoeli 1:18

Qaytsiít adór hikwa ir aahhamina'! Daqtá hikwa i tambeerús, asma gitso i káhh. Tam daqtá bee/aangw iri slahhá' sleeme.

Yoeli 2:23

«Qwalalaa/é', kuungá' múk Siyoni, AAKOÓ MUNGÚ, Munguúhúng saqwalala/aak, asma inós kuungá' nuna tluwoó buhareé i haniís ar afi qoomoó ganaá'. Tluwoó yaariír in tluuw, tluwoó buhaare, nee tluwoó saxi, adoodár kureeraá geera.

SEKARIA 10:1

AAKOÓ MUNGÚ firimaak tluwoó buhareewo, AAKOÓ MUNGÚ an kudá' tluwoó kwarara/a ngu haahuúw, inós an kudá' baafoó tluwaay gu múk i hanmaamiís nee balángw baraá qamu gu hamareés as muu sleémeero.

DABE 11:14

Kuungá' bar adoorí aga tlehhé', daqaní inós tluwaay ngu haniis baraá yaamuuhúng qoomaadá' hariima, tluwoó saxi, nee tluwoó buhaare, kuungá' balangwhúng kuri bu'uundá', nee difaái nee di/tahunge.

DABE 21:13

Nee tlabaawós kudá' kawa haasaáng wa huúw ngi warqes, nee i dír do'ók wa hot, har afiqoomár slahhángw wake, as iwa tsuunqumis as baabuúwós nee aayorós. Aluudae kuúng nee inós ta alqatá', kuúng tari hhawatuwós nee inós tari hareerók.

DABE 21:22

«Barnaxes hee dakuúsár gwa'arár wa hariim gaa tleéhh, kuri gaás, tuuaarós ka tarereei gawaá xa'ano.

DABE 21:23

Tuuarós makawa máy iwa gawaá xa'anoó wa gu' xweeraawo, ala aqo an folá' baalaadár kilá'. Asma umuúqo heé taa tarereé' gawaá xa'ano a heé taa lu'ús nee Mungú, nee kuungá' yaamu mi meeta gaasara', kudá' tinda haniís nee AAKOÓ MUNGÚ, Munguúhúng, as tawa aalirhúng.»

1 SAMUELI 17:44

Migusmooduú Filisti Daudi guri báy, «Qwaláng amoorií surukang, slaqwtók laarí a gwaresuú gawaá doorií haniís nee makaá sla/a.»

1 SAMUELI 17:46

Laarí AAKOÓ MUNGÚ kuúng u baraá dabaaeé' qaas. Laarír kilae un yaamií daáhh, uri isa tsaát, tuaá slawtá slaqwara ar xoorór Filisti gwarsuú doori gari /aay, nee makaá sla/a, as kahhó' xoordu sleémeero ngiwa tsaahhiya' adór Munguú múk Israeli ir deér.