2 SAMUELI 20:23 - Biblía Axweesantá Hhohho' ar Mungú 2004

²³ Qoomaarihe Yoabu a geeraharusmoó úr oo slaqwaruuse sleémeero ar Israeli. Benaya, garmoó Yehoyada, a heé úr oo múk Kereti nee múk Peleti.

2 SAMUELI 20:23 Iomraidhean Croise

2 SAMUELI 20:7

Abishai iri tláy dinkwa nee Yoabu, nee múk Kereti, nee múk Peleti, nee miguuse sleémeero. Kuká' sleémeero tana Yerusalemúrí tláy, as Sheba garmoó Bikri kuwa ya/ati eeharahari.

2 SAMUELI 23:20

Benaya, garmoó Yehoyada, oo Kabse'elír daáhh, a migusmoó slaqwara. Muruú yaariír guna tleéhh oo waa/oo/amo. Miguusér tsár gana tsuú/ ar yaamaá Moabu. Baalarka wake qoomár tsaaqwaro ina dáh baraá bohoongw, diraangw guri gaás.

2 SAMUELI 8:15

Gawaá adoorihe Daudi iri waawuti'ín daanduú múk Israeli sleémeero, gari ara hhe'eés adór mukós sleémeero kur gan'amií tlehhiiti adoodá' kus hariím.

1 WAAWITÁ 1:7

Inós nee Yoabu garmoó Seruya nee kaahamusmoó Mungú Abiatari tana axweés. Inooín Adonia nguna eehariyé' nguri alee/iisiyé'.

1 WAAWITÁ 1:8

Ala kaahamusmo Sadoki, nee Benaya garmoó Yehoyada, nee aarusmo Natani, nee Shimei, nee Rei, nee xuumuusér Daudi, mukwí a dinkwaarooká nee Adonia.

1 WAAWITÁ 4:1

Waawutmo Solomon yaamaá Israeli sleémeero gina sawaawuti'ín.

2 WAAWITÁ 11:4

Ala kurkú faanqw iwa xáy Yehoyada muu guri ya/aáw amór geeraharuuseedár slaqwaruuse nee amór hhay Kari, nee amór xuumuuse, gari ateét baraá doó AAKOÓ MUNGÚ, gari lo'ór /aymiís baraá doó AAKOÓ MUNGÚ wa ale, Yoashi garmaaduú waawutmo Ahasia guri laqán dir'íní ale.