2 SAMUELI 20:21 - Biblía Axweesantá Hhohho' ar Mungú 2004

²¹ Adoosíng taa ó' a loeeká! Ala heeko wák oo yaamaá tlom'aá Efraimu gi daáhh, oo ta bay Sheba, garmoó Bikri, inós waawutmo Daudi nguwa aahhi gan slaa'. Heewí amor'eénií duuxare'. Daqaní aníng a tláw baraá gixsarhunge.» /Ameenidá' Yoabu guri beér, «Sagós kuungu kwaahh amoorók ar gawaá ságw koo/i.»

2 SAMUELI 20:21 Iomraidhean Croise

2 SAMUELI 20:1

Heeko wák i daadeer oo al/aymusmoó oo ló'wa tlaákw baraá yaamaá Gilgaliro. Umuuwós a Sheba, garmoó Bikri, heé tlahhoó Benyamini. Sheba tarumbeéta gana ufaáhh, iri oó', «Daudi nee atén gaa a milá. Garmoó Yese gár kuwa koomaan i káhh. Kuungá' múk Israeli, umuú heewo i ki/i amór heémarós.»

2 SAMUELI 20:2

Múk Israeli sleémeero Daudi kuri geexáy, Sheba garmoó Bikri kuri eehár, ala múk Yuda Daudi kuri eehár ar inkihhimu, iimír yaaér Yordani ay gixsár Yerusalemu.

2 SAMUELI 20:20

Yoabu gari mu/aywaáts iri oó', «Baraá slafingw'eene inslawoó hhaamisa, laqaá hhita, u baloó koomaaká.

2 SAMUELI 23:18

Abishai, hhiyoó Yoabu, garmoó Seruya, inós a geeraharusmoó miguuseedá' mibeeraá tám, inós lawaala gana ar slaáqw, múk tsiire tám guri tsuú/, kuri harafaár amór bartá miguuseedá' tám.

1 WAAWITÁ 11:26

Yeroboamu garmoó Nebati, heé tlahhoó Efraimu oo yaamaá Sereda, inós a sagadiyusmoó waawutmo Solomon. Aayoorós a kwaalo'o, tidá' ta bay Serua. Yeroboamu sleeme ina dee/anuút dír waawutmoowo.

2 WAAWITÁ 10:7

Naagáy mukdá' urén oo gixsa barwito'oodá' ngiwa slayé', daaqaydá' mibeeri faanqw oo waawutmo kuri uhín kuri ise tlaáq sleémeerowo. Sageedá' kari qaás baraá lakwaantáy, kari huúw amór Yehu kuduú Yesre'elír i dirií'.

2 WAAWITÁ 5:22

Gehasi iri oó', «Gár tlaakw i káhh. Ala aakooeé' iga ya/aáw, kuúng uwa baw, dahaayér tsár gaa sláy, eeharuusér tsár ar aaruuse ar amór yaamaá tlom'aá Efraimu daahh. Inós gana slaá' kuwa qeer parhheemaá kume tame awa muqslár peésa, nee tlabaá tsár awa tar ti'imiiti bál deelór ure.»

YEREMIA 4:15

Afór ya/abuusér baraá gixsár Danír daahh i gawaá tlom'aá Efraimú wa kángw tlákw alki/ít.

YEREMIA 50:19

Múk Israeli u ki/ís baraá qawtanti'ín, nee angamír'ín kari gawaá tloomár Karmeli nee Bashanír wa de'én, muruú /aymár bu'uút nguri slayá' gawaá tlom'aá Efraimu nee Gileadiro.»

YOSHUA 24:33

Aluuwo tam Eleasari garmoó Aroni sleeme iri gwaá'. Kuri foól baraá gixsár Gibea, tidá' taa garmaawós Finehasí haniís. Gixsarí i baraá tlom'aá yaamaá Efraímúrí dirí'.

HAR'OHUUSE 2:9

Inooín ngway fooliyé' dír digmuú aalirós baraá Timnat-heresi, baraá yaamaá tlom'i awa Efraimu, bihhaá /iya awa tloomár Ga'ashi.

HAR'OHUUSE 7:24

Gideoni iri ya/abín ay yaamuudaá tlom'i awa Efraimu iwa kaahi, «Qwalaasé' /akumitaré' as nee múk Midiani tawa slaqwaan. Wa/aamedár ma'aay kay hhekiiti hayoohare' tam ay Bet-bara nee yaaér Yordaniro sleeme.» Naagáy múk Efraimu sleémeero kuri dinkwárí ateét, wa/aamedár ma'aay ki hhekiiti ngiri hayoohiyé' ay amoodár Bet-bara tam ay yaaér Yordani sleeme.

HAR'OHUUSE 9:55

Múk Israeli ngiwa ár Abimeleki aa gwaá', tay tláy, umuú heewo iri waátl amór do'ós.

1 SAMUELI 24:6

Daudi mukós guri báy, «Aasla'áy, AAKOÓ MUNGÚ dakw'eé' ngu pa/asi, gár tlaakw mawa tleéhh gawaá aakooeé' kwí taa iimbalaáx nee AAKOÓ MUNGÚ. Dakw'eé' muwa looloqoós gawaá heé AAKOÓ MUNGÚ aa iimbalaáx ar di/i.»

1 SAMUELI 26:9

Ala Daudi Abishai guri báy, «Inós mu gaasaar, asma heé taa tsawaár nee AAKOÓ MUNGÚ, guri iimbalaáx ar di/i, heé gu qiítl looloqosaro a heemá iri dakuúsár konká»