2 SAMUELI 20:15 - Biblía Axweesantá Hhohho' ar Mungú 2004

¹⁵ Muu sleémeero dinkwa nee Yoabuwo tana tláy, Sheba kuri /amatseék baraá gixsár Abeli ar Bet-ma'aka. Ufe kari tleéhh, kari dalaá/, kari harweér ar gixsa, koo/ír aáng kari male iimu/ún fe/ituwo as kawa yaamií dahhi.

2 SAMUELI 20:15 Iomraidhean Croise

2 SAMUELI 20:14

Sheba ina waaraáhh ar baraá tla/eeraá tlahh'aá múk Israeli sleémeero, ay gixsár Abeli tay Bet-ma'aka. Muu sleémeero oo tlahhoó Bikri tari burumburiít, kuri eehár.

1 WAAWITÁ 15:20

Waawutmo Ben-hadadi adoorí waawutmo Asa i slai gari ya/án, slaqwaruuseerós gari ya/aáw as gixsadaá yaamaá Israeli kiwa i haraatlay. Inooín gixsadaá Iyoni nee Dani nee Abel-bet-ma'aka nee Kinerotiro nee yaamaá Naftaliwo sleémeero kiri hayóh.

2 WAAWITÁ 15:29

Qoomár waawuti'iimár Peka oo Israeliro, waawutmo Tiglat-pileseri oo Ashuru gixsadaá Iyoni, nee Abel-bet-ma'aka, nee Yanoa, nee Kadeshi nee Hasori dinkwa nee yaamaá Gileadiro, nee Galilayaro nee yaamu sleémeero awa Naftaliwo gina hayóh. Múk yaamuudá' guna haasaáng wá ar tláy ay Ashuru.

2 WAAWITÁ 19:32

«Gawaá adoorihe, AAKOÓ MUNGÚ tí gana oó' daanduú waawutmoó Ashuruwo, iwa kaahi, ‹Inós i baloó dahiiká baraá gixsarí, laqaá mahaangw gu tsaxaariiká, laqaá ni hardihiiká ar gaamboót, laqaá gixsarí ga harweeriiká.›

DAHARUSMO 9:14

Gixsarka niina i deer ar múk niiná gu koom. Waawutmooko /uuruú koóm gixsadá' gari harweér ar slaqwaruuseerós adór kar haradahi ngari tleehhiyé'.

ISAYA 37:33

«Gawaá adoorihe AAKOÓ MUNGÚ daanduú waawutmoó Ashuruwo i kaahi, ‹Waawutmoodá' i baloó baraá gixsárí dahiiká, tam mahaangw gu baraakií tsaxaariiká, sleeme ni dír gixsarí tseewuyká ar gaambu.

YEREMIA 32:24

«Ga/aaweek, múk Kaldayo gixsa gaa harweér ar ufér hhape, as kawa haraadahi nee kawa hayoohi, asma mukwí kuna baraá dabaá múk Kaldayo i qaás ar slaqwara nee giyeé nee tiqtír pu/i. Tidá' kuúng taa kát, ga/aaweek, naa hardát nee ilaawoge aga aán.

YEREMIA 33:4

Asma anuú AAKOÓ MUNGÚ, Munguú Israeli, a kah daanduú maraá gixsár Yerusalemuro nee maraá waawituú Yudawo, marayká' kina feé/ as kahhó' kiwa ufér hhapérár tlehha', as tiwa xuunda' nee mukdá' slaáqw oo gixsa ngaa harweer.

YEREMIA 6:6

AAKOÓ MUNGÚ Aleesleemusmo i kaahi, «Xaaiwós tsataak, koo/ír Yerusalemu ka hhapeérí ki/isá' bihhe sleémeero. Gixsarí i hariín kawa sakwasleemuti, asma gár aa hats baraawose a /ayta.

ESEKIELI 4:2

Laqaameek, adór kara harweér. Slaqsoó koo/irós nee slumtós bihhaawósí gooimeek, slumaá slaqwaruuse bihhaawós i tleehheek, nee gufteeraá gixsa kar fe/iiti.

Luka 19:43

Asma deelo i hardát ar wakuuseerók iwa slúmtí tlehh, nee tiwa harweeri nee tiwa harasaapi bihhe sleémeerowo,