2 SAMUELI 20:10 - Biblía Axweesantá Hhohho' ar Mungú 2004

¹⁰ Ala Amasa paángadá' Yoabu i kon gaa ariiká. Naagáy, Yoabu guruú Amasa guri muút ar paángadá', waqátuuwós niri tsee/áy ti'iít, iri gwaá'. Yoabu muttá tsare a ki/iká. Kár, Yoabu nee hhiyaawós Abishai tana kumiít Sheba garmoó Bikri kuwa ya/ati alkon.

2 SAMUELI 20:10 Iomraidhean Croise

IIMU/UUNGW 4:8

Kaini hhiyaawós Abeli guri báy, «Góh, a baraá qaymór kawaán.» Tawa baraá qaymór i hardáh, Kaini Abeli guri hara/akuút, guri gaás.

2 SAMUELI 2:23

Ala Asaheli ina sií'. Gawaá adoorihe Abneri guri gura' muút ar kaakaa/amoduú alaá lawaala, nee lawaalaarí iri amór daanduú Asahelír ti'ít. Asaheli iri yaamií huú', iri didár kilií gwaá'. Muu sleémeero didá' Asaheli i gwaá' kawa áy, tana sihhiít tari qartlamiít.

2 SAMUELI 20:9

Yoabu, Amasa guri báy, «Xáy, hhiyaaeé', a saayaaúta?» Yoabu daamór Amasa gari óh ar dakós oo doó /iyáy, baré kúto gun ma'asár wa slaa'.

2 SAMUELI 3:27

Abneri niwa kií/ Hebroni, Yoabu guna ar bihhií suruúk dír afkú do' kuwa áy adór kwaáo' axweesantá tar suufi in deer. Nee inós tawa didií sihhiít, Yoabu guruú Abneri guri muút. Abneri iri gwaá', asma Abneri Asaheli, hhiyoó Yoabu, guna gaás.

1 QOM'I 12:2

Kuká' awa tlahhoó Benyamini tlahhayduú Saulo. Inooín maheeri tlaqutuuwo ngi ló'wa baaliyá' nee tlaa/e tlaqutuuwo ar dákw doó /iyáy nee oo doó basayhe.

YEREMIA 41:2

Ishmaeli garmoó Netania nee mukós kuduú mibaangw Gedalia garmoó Ahikamu garmoó Shafani nguri gaasiyé' ar paánga. Gedaliawí an kudá' taa tsawaár aáng nee waawutmoó Babuloni as tawa ga/aawusmoó yaamu.

FAARO 35:20

«Tam sleeme hee kuqá' bur ngwa gurúr sií' guri gin/iís, laqaá guri giír, guri geeleéhh ar garka,

HAR'OHUUSE 3:15

Ala qoomár xoorór Israeli AAKOÓ MUNGÚ nguwa i /á/, gina iiárií qaás, heé gi tuú/ guri sláy. Heewí an Ehudi, garmoó Gera, heé dawa bás, oo tlahhoó Benyamini. Looarka wake xoorór Israeli Ehudi guri ya/áp as ohme ngiwa huwi amór waawutmo Egloni oo Moabu.

HAR'OHUUSE 3:21

Ehudi ar dakós oo doó basayhe paángarós ngina duúx bihhaá doó /iyáy wa alé, Egloni guri gura' muút.

1 SAMUELI 26:8

Abishai Daudi guri báy, «Laarí Mungú wakusmoowók ngwaa gawaá dabaawók i qaás. Gím lakiít aníng u muttá wákií hhe'eés ar lawaala nguri huwísh, muttá tsare a ki/aaká.»