2 SAMUELI 20:1 - Biblía Axweesantá Hhohho' ar Mungú 2004

¹ Heeko wák i daadeer oo al/aymusmoó oo ló'wa tlaákw baraá yaamaá Gilgaliro. Umuuwós a Sheba, garmoó Bikri, heé tlahhoó Benyamini. Sheba tarumbeéta gana ufaáhh, iri oó', «Daudi nee atén gaa a milá. Garmoó Yese gár kuwa koomaan i káhh. Kuungá' múk Israeli, umuú heewo i ki/i amór heémarós.»

2 SAMUELI 20:1 Iomraidhean Croise

IIMU/UUNGW 46:21

Daaqoó Benyamini a Bela, nee Bekeri, nee Asbeli, nee Gera, nee Na'amani, nee Ehi, nee Roshi, nee Mupimu, nee Hupimu nee Ardi.

2 SAMUELI 15:10

Ala laatí, Absalomu muu guna qawti ya/aáw baraá tlahh'aá Israeli sleémeero, tari oó', «Kuungá' afór tarumbeéta bara sa axasé', daqaní ta oa', ‹Absalomu a waawutmoó Hebroni.› »

2 SAMUELI 16:11

Slám waawutmo Daudi Abishai nee sagadiyuuseerós sleémeero giri báy, «Barnaxes na/ay'eé' oo kilá' slafingw'eé' gun slakaat, xáy, heé tlahhoó Benyamini mi máy? Kuungá' mawaak, aníng i lu'usi, asma AAKOÓ MUNGÚ gwaa adoosíng báy, aníng iwa lu'usi.

2 SAMUELI 16:7

Shimei Daudi nguwa lu'umisi iri oó', «Tláw koroóq, tláw kororoqoót, kuúng a tsu/uutusmo, nee heé gaa wásl.

2 SAMUELI 18:17

Absalomu kurír tláy kuri kwaáhh baraá bohóngw úr oo baraá gara. Bohongwdá' kuri tlaa/aá yaariír i burumbuúr. Múk Israeli sleémeero tari goów, umuúqo heewo amór do'ós.

2 SAMUELI 20:2

Múk Israeli sleémeero Daudi kuri geexáy, Sheba garmoó Bikri kuri eehár, ala múk Yuda Daudi kuri eehár ar inkihhimu, iimír yaaér Yordani ay gixsár Yerusalemu.

2 SAMUELI 20:22

/Ameenidá' muu sleémeero oo baraá gixsa guna i daqeér ar sagalooarós. Sheba garmoó Bikri kuri sagaa tsaát, kuri guruú tsee/ií kwaáhh amór Yoabu. Gawaá adoorihe Yoabu tarumbeéta gari ufaáhh, mukós guri diyaá/ baraá gixsarír Abeliro, umuú heewo iri waátl amór do'ós. Yoabu iri kií/ amór waawutmo Daudi, baraá gixsár Yerusalemu.

2 SAMUELI 23:6

Ala kudá' sleémeero Mungú ngwa ilaiwawa/ii'iiká, a adór laqayaá taa kwaáhh, asma taatahhár daba' ngi ya/ana'aaká.

1 WAAWITÁ 12:16

Ala muu sleémeero oo Israeli ngiwa axaás adór waawutmo ngira gaárí xuiiká, ngway bayé', «Atén nee doó Daudi alqaati a koomanaaká, gár ta koomaan dír garmoó Yesewo i káhh. Kuungá' múk Israeli, umuú heewo i watli amór do'ós i ale. Kuúng Daudi, do'ók kilók amohhe'emiseek.» Naagáy múk Israeli iri waátl sleémeero amór maray'íní ale.

1 WAAWITÁ 21:10

Daqaní múk tsár oo gu lamtí tsaát ku sleerá', oo gu báw, ‹Kuúng waawutmo nee Mungú iga /ooslisliín.› Daqaní ku tsee/í duxá', ku tlaa/ér tlaqutá', i gwaai.»

2 QOM'I 10:16

Múk Israeli kawa tsaáhh adór waawutmo ngira gaárí xuiiká, nguri mu/aywatsiyé', «Dinku'uumár atén nee doó Daudi a milá? Aalír ta koomaán i káhh dír garmoó Yesewo. Aá múk Israeli, umuú heewo i watli amór do'ós. Aá Daudi, do'ók kilók Ga/aaweek.» Múk Israeli iri waátl amór maray'ín.

2 QOM'I 10:6

Aluuwo Rehoboamu hara'aya gari leéhh dír bariiseedár hara'ayuusér baabuúwós, qoomár baabuúwós iwa slafi, gari báy, «Xáy, kuungá' ma katá', mukwí mu báw?»

WARA'AMI 17:13

AAKOÓ MUNGÚ, sihhiít, harahi'iiteek as kiwa dahh. Án ba/amisáng dír heé tlaakwe ar paángarók.

WARA'AMI 34:19

Slahh'amuú heé gan'amuú koóm ku yaariír, ala AAKOÓ MUNGÚ gu tuu/ baraá tí sleémeero.

AXWEESANOÓ SAGALOOA 25:8

Muruú ilaawoge taa aán, mu gaanslár huwaar baraá kwasleema, Aluuwo gár ta tlehh iri qwát, qoomár inslaawmoowók bura mureekeés.

AXWEESANOÓ SAGALOOA 26:21

Adoodá' asla ir dogaagiin as migír nee xaawo An adór gilusmo gila ngir dukaakin.

Marko 3:24

Nee waawuti'iima birti kilós tlaampa'aamís, waawuti'iimadá' sihhiita ga aleesleeraaká.

Luka 19:14

Ala múk baraá yaamuuwós heedaádá' kuna ló'wa aáhh, muu kuri ya/aáw kuwa eehari amoodá' inós i kay, nee tawa ooi, ‹Heewí u sla'aanaaká atén tiwa sawaawuti'i'in.›

Luka 19:27

Ala wakuuser'eé' tidá' diirí huwaare', tidá' aníng iga si' ngiwa sawaawuti'ii'iim. Nee ki dír geeraaeé' wa tsu/á'.› »

Yohana 13:8

Petro iri oó', «Kuúng ya'aaeé' i baloó hamtlaká.» Yesu iri oó', «Án bar ya'aawók i hamaatlaaká, án nee kuúng alqaati i káhh.»

DABE 13:13

adór múk barawaslén baraá tla/angwhunge, yaamuuloouusér gixsarka ngira qwaareés, tawa kaahi, ‹Gusé', munguaá hatlá' i sluufmisuú awaán.› Kudá' handá' kuungá' iga geerií xui'iiká,

HAR'OHUUSE 19:22

Qoomár tawa qwalaala/i, múk gixsadá' oo barawaslén doó heedaádá' nguna harweeriyé' bihhe sleémeero, nay ateetiyé' baraá do', tay axweés nee aakoó do' loó', kway báy, «Heedaádá' naa do'ógií qatuú ay, tsee/í duuxang as kahhó' nee atén tawa fuquusaan.»

HAR'OHUUSE 3:27

Iwa hardáh baraá yaamaá tlom'aá Efraimuwo, tarumbeéta gari ufaáhh. Ehudi xoorór Israeli gari geerahaár, niri al'aweeriyé' gawaá tloomár wa ale.

RUTI 2:3

Ruti iri tleér baraá qamu, iri alaá múk bu'uúm wá hi'iimít, balángw taa gixáy guna sleemís. Laatí qaymór aa harati'ít a qaymór Boasi, kuduú tlahhoó Elimeleki.

1 SAMUELI 13:2

Saulo múk kumér tám oo Israeli guna tsawaár, baraá tla/angw'ine múk kumér tsár ta dinkwa nee Saulo, baraadaá Mikmashiro, nee baraá yaamuudaá tlom'i awa Beteli, nee múk kumuú wák ta dinkwa nee Yonatan baraá Gibeár Benyaminiro. Mukdá' aa meet guna watlís, umuúqo heewo iwa ki/i baraá heémarós.

1 SAMUELI 2:12

Daaqoó Eli a múk iia waslén, AAKOÓ MUNGÚ ngu gaárií xuiaaká,

1 SAMUELI 30:22

Baraá mukdá' sleémeero nee Daudi taa alkoni'i múk barawasluuse oo tlakuuse i deer, tari oó', «Mukwí u qawanaaká baraá muruurén kwí naa haasaáng wa huwaani, as tiwa alkoomaniiká nee atén.» Tlaaway'ín nee na/ii'ín kiri ar tláy.