2 SAMUELI 2:6 - Biblía Axweesantá Hhohho' ar Mungú 2004

⁶ AAKOÓ MUNGÚ kuungá' nu sla'aarír warqawaaká i laqan nee inkihhimu. Nee aníng sleeme kuungá' nu hhooeemií tleéhh, as kangwdá' taa tlehhé'.

2 SAMUELI 2:6 Iomraidhean Croise

2 SAMUELI 10:2

Waawutmo Daudi iri oó', «Hanuni garmoó Nashashi u hhooeemií tleéhh, adoodá' baabuúwós naa aníng i tleéhh.» Daudi ya/abuuse gari ya/aáw amór Hanuni, as kuwa qaytsuú ay, asma baabuúwós iwa kahhuút. Ya/abuuseedár Daudi iwa hardát baraá yaamaá Amoni,

2 SAMUELI 15:20

Kuúng lat'aáng /abene nina amoorí hardát. Xáy, laarí un taambeerúr áwa dinkwa nee atene? Ga/aaweek, an tláw, amór ni kaw a xuaaká? Kií/ amór do', dinkwa nee hhaeewók. AAKOÓ MUNGÚ hhoeemawós ngi dirógi laqan nee sla'aarirós ar warqawaaká.»

2 SAMUELI 2:7

Ala gimsé', /atlé', miguuse tleehhité', Saulo aakoohúng aa kahhuút, nee múk Yuda aníng iga iimbalaáx ar di/i as tawa waawutmooín.»

2 SAMUELI 9:3

Waawutmo guri yaahaás, «Xáy, heé aa meet i deéro baraá xwaylár Saulowo? Bir deer geera a slaá' nguwa hhoeemaá Mungú i tleehh.» Siba guri mu/aywaáts, «Garmoó Yonatan i deer, ala inós aa sol'omiít ya'a' tsaraawo.»

2 SAMUELI 9:7

Daudi guri báy, «Ma da'ayumiitaar. Aníng kuúng u hhoeemií tleéhh, as Yonatan baabuúwók. Yaamuudá' sleémeero awa aakoowók Saulo ngi amoorogí ki/ís. Aníng nee kuúng an dinkwár wa al/ayimaán daqisleém.»

WARA'AMI 57:3

alee/isaywós ngu gawaá doorií wá huuw iri ba/amis, kudá' aníng i hhitár wa slaá' nguwa mureekeesi. Mungú sla'aarirós ar warqawaaká nee inkihhimuuwose ngi laqán!

TI'INAANGW 34:6

AAKOÓ MUNGÚ iri waaraáhh ar dír geeraá Mose, iri malé oó', «Aníng a AAKOÓ MUNGÚ, a AAKOÓ MUNGÚ, a Munguú gurtleemuuwo haáts nee oo gurhhoó', aníng ti inslahheeká buhhtaawo, nee a haáts sla'aarír warqawaakahe nee inkihhimuwo.

AXWEESANOÓ SAGALOOA 14:22

Áx mukdá' tlakweemaá eeharahár taqo dakuusikáhe, Ala mukdá' hhooeemaá eeharahár gár ta laqan a sla'aari nee inkihhimuuín.

Matayo 10:16

«Qaytsité', án kuungá' nu adór bee/ángw wa ya/aáw baraá tla/ángw tawer, gawaá adoorihe masók tundun sageloén adór dayshe, slám masók tundun tsaén adór hhooka.

Matayo 5:44

Ala án nu baw, wakuuserhúng sla'aak, nee kudá' kuungá' nu slahh'eemiisá' aleefiririimaak,

Matayo 5:7

Múk amohhoó' a kudá' gurtleemuú koóm, asma inooín Mungú gi gurtláy.

YOSHUA 2:14

Siitsawuuseedá' Rahabu gari beér, «Gár kiíng i slaw atén ti sleer bar kiíng kangwrén kwí ugwa duxuundiiká. Bál AAKOÓ MUNGÚ yaamuuká' birnga aténí haniís, atén kiíng i hhooeemií tleehhaán ar inkihhimu.»

RUTI 1:8

Ala Naomi loohiro tlaawoó daaqaywós tsaraawo giri beér, «Kuungá' ki/é' umuú heewo amór aayírós. Nee AAKOÓ MUNGÚ nu hhooeemií tleehhi adoodá' kuungá' taa tlehhé' dír hhawaateehúng qoomár iwa slafiya', nee dir'eene sleeme.