2 SAMUELI 2:5 - Biblía Axweesantá Hhohho' ar Mungú 2004

⁵ muu guri ya/aáw amór Yabesh-gileadi, as ya/abtoorí kawa ooár ay, kiwa bay, «AAKOÓ MUNGÚ kuungá' nu tsuuqi, asma ilaiwa/amerhúng aga laqaandé' dír Saulo, aakoohúng, as kuwa folé'.

2 SAMUELI 2:5 Iomraidhean Croise

IIMU/UUNGW 14:19

Inós Abramu guna tsuúq, iri oó', «Abrámu, kuúng tu tsuuqi nee Munguú Gáwtí dirií', tleehharusmoó doori nee yaamu,

IIMU/UUNGW 14:22

Abramu waawutmoó Sodoma guri báy, «Dakw'eé' ugwa tleés amór AAKOÓ MUNGÚ, Munguú Gáwtí dirií', tleehharusmoó doori nee yaamu,

2 SAMUELI 15:20

Kuúng lat'aáng /abene nina amoorí hardát. Xáy, laarí un taambeerúr áwa dinkwa nee atene? Ga/aaweek, an tláw, amór ni kaw a xuaaká? Kií/ amór do', dinkwa nee hhaeewók. AAKOÓ MUNGÚ hhoeemawós ngi dirógi laqan nee sla'aarirós ar warqawaaká.»

2 SAMUELI 21:12

Daudi fadaá Saulo nee Yonatan garmaawós gina leéhh amór yaamuloousér Yabesh-gileadi. Faduuká' ngina fiisiyé' baraá ayaá Beti-shanír wa ale, amoodá' múk Filisti Saulo nee Yonatan ki tareereín baalaadá' Saulo nguwa gaasiyé' gawaá tloomár Gilboár i ale.

WARA'AMI 115:15

AAKOÓ MUNGÚ nu tsuuqi, oo doori nee yaamu gaa tleehh.

YOSHUA 2:14

Siitsawuuseedá' Rahabu gari beér, «Gár kiíng i slaw atén ti sleer bar kiíng kangwrén kwí ugwa duxuundiiká. Bál AAKOÓ MUNGÚ yaamuuká' birnga aténí haniís, atén kiíng i hhooeemií tleehhaán ar inkihhimu.»

HAR'OHUUSE 21:8

Ngiri slaiyé' xu'utiro, áx tlahhoó aa daqayká i deéro baraá tla/ángw tlahh'aá Israeliwo baraá dinku'uumár Misparo. Ngiri tsaahhiyé' naxés baraá dinku'uumadae heé Yabesh-gileadi tumu wák oo naa daqay i kaahh.

RUTI 1:8

Ala Naomi loohiro tlaawoó daaqaywós tsaraawo giri beér, «Kuungá' ki/é' umuú heewo amór aayírós. Nee AAKOÓ MUNGÚ nu hhooeemií tleehhi adoodá' kuungá' taa tlehhé' dír hhawaateehúng qoomár iwa slafiya', nee dir'eene sleeme.

RUTI 2:20

Naomi iri waa/ó/, harér garmaawós gari beér, «Heesíng ku tsuuqi nee AAKOÓ MUNGÚ kudá' hhooeema gi tlehhiít dír múk slaáf nee dír mukdá' aa qaatl.» Naomi iri kumít axweesanto iwa kat, «Heesíng oo tlahhayrén, slám ku guruú doorén i tseéw. Inós a heé wák oo hariím kiíng iwa aali.»

RUTI 3:10

Boasi gari báy, «Kiíng AAKOÓ MUNGÚ i tsuuqi, dasir'eé'. Asma kiíng hhooeemaá ak ur iga tléhh ta kudá' taa tlehhi dír aayír hhawaatuuwógí alé. Asma tam masoomo ugwa eehatká oo narkutmo laqaá oo daqaarmo.

1 SAMUELI 11:1

Nahashi heé Amoni, iri waatláy amór Yabesh-gileadi, gixsadá' kari harweér nee mukose, muu sleémeero oo Yabeshi Nahashi guri báy, «Al'axweesani dirén i ooang, daqaní atén kuúng u sagadiyuusaán.»

1 SAMUELI 11:9

Inooín ya/abuuseedá' naa hardat kari báy, «Múk Yabeshi-gileadi ku beera', ‹Matlo qoomár tsee/amá bira uú', ba/ama a sleerá'.› » Naagáy ya/abuuseedá' iri tleér, múk Yabeshi kuri ádbáy, inooín tari qwalaá/.

1 SAMUELI 15:13

Samueli iri daqáy amór Saulo, Saulo iri oó', «AAKOÓ MUNGÚ u tsuuqi daxta aníng hara'ayár AAKOÓ MUNGÚ aga boo/eés.»

1 SAMUELI 23:21

Saulo iri oó', «Kuungaásingá' aníng iga gurtleere' AAKOÓ MUNGÚ nu tsuuqi.

1 SAMUELI 24:19

Asma baraá hotaariro hee bar wakusmoowós ngwaa ár, xáy, guqo tawo máya iwa tlay ar amohhooa dír geeraawós wa ale? AAKOÓ MUNGÚ kuúng u hhooeemáy tleehhi, as tí kuúng naa aníng i tléhh laarí.