2 SAMUELI 2:18 - Biblía Axweesantá Hhohho' ar Mungú 2004

¹⁸ Seruya daaqaay ngu kon tám, Yoabu, nee Abishai nee Asaheli. Inooín ta baraádá'. Asaheli i /akumamiit ti'iingo, a adór saaragi.

2 SAMUELI 2:18 Iomraidhean Croise

2 SAMUELI 1:23

«Saulo nee Yonatan a sla'aarusér taa ló'wa sla' baraá hotaaine, tam qoomár slafiingw nee qoomár gwa'araro taa paraatli'iiká, inslahhemaawo a adór gwares, eeít, ta /uureemaá kón adór direeri.

2 SAMUELI 14:1

Yoabu, garmoó Seruya, gana tsaáhh adór muunuú Daudi Absalomu kilós ngura insláy.

2 SAMUELI 2:19

Asaheli Abneri guna al kón, aa bihhaá doó /iyáy qaytiiká laqaá tam awa doó basáy.

2 SAMUELI 22:34

Ya'aaeé' gina gawdeés adór kuqaá saaragi, iri qaás dír amoohhoo' ar gawa.

2 SAMUELI 23:24

Asaheli, hhiyoó Yoabu, a heé wák baraá miguuseedár mibeeraá tame. Miguusér hatlá' ar Daudi a tí: Elhanani, garmoó Dodo oo Betilehemu,

1 WAAWITÁ 2:5

«Tam adoorihe, kuúng a xú' adoodá' Yoabu aníng iga laáq, garmoó Seruya, adór geeraharuusér tsár ar slaqwaruusér Israeli ngaa laáq, Abneri garmoó Neri nee Amasa garmoó Yeteri. Inós tseere gana ku'uús qoomár wayduuwo as marmá ngiwa bui ar qoomaadár slaqwara. Inós múk dakuús wásl guna tsuú/, án afkós nguri /aáy, asma tlehhimi'iiwós kudá' aa tleéhh iga slahh'eesiyé'.

1 QOM'I 11:26

Slaqwaruusér hatlá' ar miguuse a Asaheli, hhiyoó Yoabu, nee Elhanani garmoó Dodo, kuduú Betilehemu,

1 QOM'I 12:8

Askaárír tlahhoó Gadi ar miguuse ar slaqwara gaa intsahh, kudá' naa tlaye' amór Daudi baraá koo/idá' gawit baraá darma, inooín ki ilakaaharen lawlu duqumisuuwo nee baqamór gaambuwo, gitsee/er'ín i dae tláq adór direeri, hi'iinór gawaá tlom'iiwo ki inslahh adór saaraga.

1 QOM'I 12:9

Geeraharusmooín oo úr an Eseri, nee oo tsár a Obadia, nee oo tám an Eliabu,

1 QOM'I 27:7

Asaheli, hhiyoó Yoabu, an heé tsiyáhh oo slahhángw tsiyáhh gwaa oh, mukós a kume mibeeri tsár nee tsiyáhh, garmaawós Sabadia aluuwós gina haár.

WARA'AMI 18:33

Ya'aaeé' gina adór kuqaá tlaaqati tleéhh, iri sihhitís ar amohhooa gawaá tloomárí ale.

DAHARUSMO 9:11

Aníng ana malé ár barakaá yaamuwo, múk arba/ati ga slasláw baraá ti'iingo, a kudá' gu baalaaká. Baraá slaqwaraaro múk balaaliím a kudá' /uuruú koomaaká. Múk muruú /aymár koóm a kudá' sagaloeneeká, laqaá daqaare a múk fuqureraá koomaaká, laqaá daharusmo a geeraharusmowooká. Ala umuú heewo gitsee/a gi kón nee qoomaaro.

DAA'AANGW 2:17

ay dír tsee/ama i axwaanuy nee mahheeto nay guwiyá', sla'aarusmooeé', ki/áng, kuúng a adór saaragi, kuúng a adór tsagnír batliito'o ar gawaá tloomár Betéri.

DAA'AANGW 8:14

Sla'aarusmooeé', xaáweek gaanslár ale, adór saaragi laqaá tsagnír batliito'o, tidá' gawaá tloomár mooyángw koóm i dirii'.

AMOS 2:14

Tam mukdá' ti'ii'íngw xuú' i kotsqotiiká, mukdá' /uureemaá koóm, /uureemooín in faakiyá', tam slaqwaruuse sleeme slafingw'ín gu tu/uka.

HABAKUKI 3:19

AAKOÓ MUNGÚ, kuduú Aako, an /uuruueé'. Inós diqiyaá ya'aaeé' gin gawdeemiis adór kuqaá saaragi. Aníng in alee/iis tlom'i ngiwa tsa/am. Ku haniisi dír /aylusmoó daá' ar gidaandoori.

1 SAMUELI 26:6

Daudi Ahimelekiduú Hiti nee Abishai hhiyoó Yoabu garmoó Seruya giri báy, «Heé nee aníng al/eetá' amór xaftá Saulo a heemá?» Abishai iri oó', «Án nee kuúng ti koomaán.»