2 SAMUELI 2:13 - Biblía Axweesantá Hhohho' ar Mungú 2004

¹³ Yoabu sleeme, garmoó Seruya, nee sagadiyuusér Daudi tari tláy, tari doogiyé' nee Abneri nee mukdá' ti alkoomá' dír tlahhsadár ma'aay ar baraá Gibeoni. Slawtá wák ar múk slaqwara ina iwít bihhaá wák awa tlahhsa, nee ar hatlá' ina iwít bihhaáqaá hatlá'.

2 SAMUELI 2:13 Iomraidhean Croise

2 SAMUELI 2:18

Seruya daaqaay ngu kon tám, Yoabu, nee Abishai nee Asaheli. Inooín ta baraádá'. Asaheli i /akumamiit ti'iingo, a adór saaragi.

2 SAMUELI 20:23

Qoomaarihe Yoabu a geeraharusmoó úr oo slaqwaruuse sleémeero ar Israeli. Benaya, garmoó Yehoyada, a heé úr oo múk Kereti nee múk Peleti.

2 SAMUELI 20:8

Tawa hardáh dír tlaa/arka ur ar baraá yaamaá Gibeoni, Amasa nari al'awín. Yoabu naa tsiitín ar tsitayduú slaqwara. Baraá guruú tsitaywihe himuú afeetlo gu kón, oo aa paángarós ar tseék baraá afeetlo, paánga i baraá guruú qawaywós. Yoabu iwa amoorós i saáp. Paángarós iri yaamií sol'ót.

2 SAMUELI 23:24

Asaheli, hhiyoó Yoabu, a heé wák baraá miguuseedár mibeeraá tame. Miguusér hatlá' ar Daudi a tí: Elhanani, garmoó Dodo oo Betilehemu,

2 SAMUELI 8:16

Yoabu garmoó Seruya a geeraharusmoó úr oo múk slaqwara. Yehoshafati garmoó Ahiludi, a heé gooír muruú inslaslángw wa hariím ga amohhe'eemiís.

1 WAAWITÁ 1:7

Inós nee Yoabu garmoó Seruya nee kaahamusmoó Mungú Abiatari tana axweés. Inooín Adonia nguna eehariyé' nguri alee/iisiyé'.

1 WAAWITÁ 2:5

«Tam adoorihe, kuúng a xú' adoodá' Yoabu aníng iga laáq, garmoó Seruya, adór geeraharuusér tsár ar slaqwaruusér Israeli ngaa laáq, Abneri garmoó Neri nee Amasa garmoó Yeteri. Inós tseere gana ku'uús qoomár wayduuwo as marmá ngiwa bui ar qoomaadár slaqwara. Inós múk dakuús wásl guna tsuú/, án afkós nguri /aáy, asma tlehhimi'iiwós kudá' aa tleéhh iga slahh'eesiyé'.

1 QOM'I 11:6

Kár Daudi iri káh, «Heé geera oo múk Yebusi gwaa tsitsiihh ku geeraharusmoó slaqwaruusér wa qaas.» Naagáy heé geera tay Yoabu garmoó Seruya, inós kway heé úr wa qaás.

1 QOM'I 2:16

Hhaeeín awa dasu a Seruya nee Abigaili. Daaqoó Seruya a kwí tám: Abishai nee Yoabu, nee Asaheli.

1 QOM'I 27:7

Asaheli, hhiyoó Yoabu, an heé tsiyáhh oo slahhángw tsiyáhh gwaa oh, mukós a kume mibeeri tsár nee tsiyáhh, garmaawós Sabadia aluuwós gina haár.

YEREMIA 41:12

muk'ín sleémeero kuna burumbuúr, tari slaqwarár áy amór Ishmaeli. Ishmaeli kuri dír tlahhsaadá' ur ar Gibeonírí áy.

1 SAMUELI 26:6

Daudi Ahimelekiduú Hiti nee Abishai hhiyoó Yoabu garmoó Seruya giri báy, «Heé nee aníng al/eetá' amór xaftá Saulo a heemá?» Abishai iri oó', «Án nee kuúng ti koomaán.»