2 SAMUELI 2:12 - Biblía Axweesantá Hhohho' ar Mungú 2004

¹² Abneri garmoó Neri, dinkwa nee sagadiyuusér Ishbosheti, garmoó Saulo, tana Mahanaimúr wa tláy ay Gibeoni.

2 SAMUELI 2:12 Iomraidhean Croise

IIMU/UUNGW 32:2

Yakobo ngiwa ár, iri oó', «Gaarí a slawtá múk Mungú.» Didá' gari báy Mahanaimu.

2 SAMUELI 17:14

Absalomu dinkwa nee múk Israeli sleémeero tari oó', «Kángw Hushai, heé Arki, i ganaa' ta oo Ahitofeliwo.» Axweesantá Ahitofeli kana sií', asma AAKOÓ MUNGÚ axweesantadá' hho' ar Ahitofeli gana sií', as kahhó' AAKOÓ MUNGÚ Absalomu nguwa tlaákwí tleehhi.

2 SAMUELI 2:8

Abneri garmoó Neri, geeraharusmoó slawtá slaqwara ar Saulo, Ishbosheti garmoó Saulo guna leéhh, guri huúw ay Mahanaimu.

YOSHUA 10:12

Baldá' AAKOÓ MUNGÚ múk Israeli guri baalírí haniís daanduú múk Amoriwo. Yoshua iri sihhiít dír geeraá múk Israeli, AAKOÓ MUNGÚ guri firín iri oó', «Tsee/amá, kuúng sihhiít gawaá Gibeoni, sláhhaangw, kuúng sihhiít baraá xatstá Aiyaloni.»

YOSHUA 10:2

Kaangwí de'ér ur gari huúw baraá Yerusalemuro, asma gixsár Gibeoni a gixsár iiatleer baraá gixsadaá taa sawaawuti'ii'ín nee waawitá. Slám gixsár Gibeoni ka ur ta ar Aiwo, nee hhawaataá gixsár Gibeoni sleémeero a miguusér slaqwara.

YOSHUA 10:4

Iri oó', «Qwalaasaré', án alee/iisár awaaré', múk Gibeoni ui haratlawaán, asma inooín al'axweesantá wayda nga kaahiyé' nee Yoshua nee múk Israeli.»

YOSHUA 18:25

Ar hatlá' a Gibeoni nee Rama, nee Be'eroti.

YOSHUA 9:3

Ala yaamuloouusér gixsár Gibeoni kangwdá' Yoshua aa tleéhh baraá gixsadaá Yeriko nee Airo kuwa axaás,

1 SAMUELI 17:9

Barnaxes iga arbaá/, iri gaás, daqaní atén a sagadiyuuserhúng. Ala barnaxes aníng ugwa arbaá/ nguri gaás, daqaní kuungá' a sagadiyuuseerén, atén tiri sagadiyusá'.»