2 SAMUELI 19:9 - Biblía Axweesantá Hhohho' ar Mungú 2004

⁹ Tlahha'aá Israeli sleémeero tari kilooín alwarqayé' gilaawo iwa kaahiya', «Waawutmo Daudi atén tina tuú/ baraá dabaá wakuuseerén wa ale, tina ba/amís baraá dabaá múk Filistir wa ale. Ala hamí aa tlatlaáhh baraá ayko as Absalomu.

2 SAMUELI 19:9 Iomraidhean Croise

2 SAMUELI 15:14

Naagáy, Daudi sagadiyuuserós tidár baraá gixsár Yerualemu gari báy, «Tlawaaré' a guwaán! Bar adooriheeká, Absalomu kuwa kwírhhitaan u aslawanká. Gaanslar tlaware', mitiwa tsuú/, tari hhaamiis baraá gixsaro ar paangadu.»

2 SAMUELI 18:17

Absalomu kurír tláy kuri kwaáhh baraá bohóngw úr oo baraá gara. Bohongwdá' kuri tlaa/aá yaariír i burumbuúr. Múk Israeli sleémeero tari goów, umuúqo heewo amór do'ós.

2 SAMUELI 19:10

Slám Absalomu kudá' naa slikaán ar di/i as tawa waawutmoorén, hamí kwa gaás baraá slaqwarár wa ale. Asma waáy, hamí loohír Daudi kur ki/san tawa waawutmo mas axweesanaaká?»

2 SAMUELI 19:40

Waawutmo ina kumiít ay Gileadi. Kimhamu nee inós tina alkomkaakoné'. Muu sleémeero oo Yuda nee tlaqtá múk Israeli ta waawutmoó haydoohamiis.

2 SAMUELI 22:44

«Kuúng aníng ina tú/ baraá slaqwaraadár muk'eene, ina waawutmoó xoorduú wa qás. Múk ni xuaaká iri sagadiyuús.

2 SAMUELI 5:20

Naagáy, Daudi iri hardáh dír ta bay Ba'al-perasimu, didae múk Filisti guri baál. Aluuwo iri oó', «AAKOÓ MUNGÚ wakuuser'eé' gana haraahuúw geeraaeé wá ale, adór alwuór ma'aay ar aa gaanslár waarahh.» Gawaá adoorihe didá' ka bay Ba'al-perasimu

WARA'AMI 18:43

Iga ba/amís dír mukdá' aa dee/aanuuti. Iri waawutmoó xoordu tléhh, múk ni xuaaká iri sagadiyuús.

TI'INAANGW 32:24

Aníng inooín ngiri báw, ‹Umuúqo heewo oo sahaábu gu koóm ngu haniisi.› Naagáy ngway hanisiyé', aníng nguri baraá ásltí kwaáhh, damaárí niri baraadá' wa ti'ít.»

1 SAMUELI 17:50

Adoorí an adoodá' Daudi Goliati ngura arbaá/ ar tlaa/ano nee kuukumayi. Daudi Goliati guna tsaxaár guri gaás, ala slám Daudi i paángár konká gawaá dakose.

1 SAMUELI 18:25

Saulo iri oó', «Daudi kaangwí bawaak, ‹Gár waawutmo i slai kitángw gwaduú dasiirose a tuumboó hhawaataá tsiiruú wák awa Filisti, as li/ayduú wakuusér waawutmo nguwa bui.› » Adoorí an adoodá' Saulo aa qoomeés as kahhó' Daudi kuwa gaasi nee múk Filisti.

1 SAMUELI 19:5

Asma slafiingós guna tsaxwaá /aymiís qoomár Goliati nguwa gaás, AAKOÓ MUNGÚ múk Israeli sleémeero guna arba/atír urií haniís. Kuúng gaarií aga aán, kari saqwalaalá/. Ahaá waáy miti har tlakweemár eér, as tseerér Dauduú xaslxaansli wásl kawa ku'us, asma kuwa tawo gaasár wa sla'?»