2 SAMUELI 19:23 - Biblía Axweesantá Hhohho' ar Mungú 2004

²³ Waawutmo Shimei guri báy, «Kuúng tu gaasiiká.» Waawutmo lo'o gari /aáy as Shimei.

2 SAMUELI 19:23 Iomraidhean Croise

2 SAMUELI 16:10

Ala waawutmo iri oó', «Xáy, gaarí a milá ar baraá tla/ángw aníng nee kuungá' daaqoó Serúya? Barnaxes AAKOÓ MUNGÚ inós gwa báy, ‹Daudi lu'usek, heé gu yaahaás a heemá oo gu báw, asma milá adoorí mara tléhh?› »

2 SAMUELI 19:24

Mefibosheti, garmoó nángw Saulo, ina daqáy baraá al'awér waawutmo Daudi. Iimír baalaadá' iwa Yerusalemúr wa tláy, ngar wa kií/ ar saxareema, iimidae Mefibosheti ya'aawós gaa baloó hamaatliiká, tam daamoórós gaa deeqwiiká, nee inqwaruwós gwa gaárií xuiiká hhuntsaro.

1 WAAWITÁ 2:37

Asma bál bara ti'ít yaaér Kidroni kay waaráhh, ka xú' a gwá', nee dakuusasíng a tók.»

1 WAAWITÁ 2:46

Naagáy waawutmo hara'aya gari oó' dír Benaya garmoó Yehoyada. Inós iri tláy Shimei guri slaáhh, guri gaás. Waawuti'iimár Solomon iri gawduúr.

Ebrania 6:16

Hee barnaxes lo'o ga huuw, lo'oodá' gan huuw ar umuú kudá' úr oo inós gu baá/. Gawaá adoorihe kaangaani sleémeero dír muko gár ga tsaat a lo'o.

1 SAMUELI 11:13

Ala Saulo iri oó', «Heé laarí ta gaasi i kaahh, asma laarí AAKOÓ MUNGÚ múk Israeli ngwaa tuú/.»

1 SAMUELI 28:10

Saulo lo'o gari /aáy, ar umuú AAKOÓ MUNGÚ, iri oó', «Ar adór AAKOÓ MUNGÚ ir daadeér, kiíng slahhtá ta sleer as daanduú kaangwí i káhh.»

1 SAMUELI 30:15

Daudi heé aáng guri yaahaás, «Xáy aníng i laalaqása amór daqtidá'.» Garmaadá' guri báy, «Bar lo'o aga /ák ar umuú Mungú as aníng iwa gaská, sleeme i baraá dabaá aakooeénií qaská, daqaní u huúw.»