2 SAMUELI 19:21 - Biblía Axweesantá Hhohho' ar Mungú 2004

²¹ Kár, Abishai, garmoó Seruya, iri oó', «Xáy, i ganá'ke Shimei kuwa gaasi. Asma inós heé AAKOÓ MUNGÚ aa tsawaár guri sliík ar di/i, guna lu'ús?»

2 SAMUELI 19:21 Iomraidhean Croise

2 SAMUELI 16:13

Waawutmo Daudi nee mukós tari kumiít aaiiwo, Shemei ina kumamiít nguwa eeharaahari, bartaqae gu tlaa/ér tlaquut, nee teeri ngiwa gáwtí kwakwaahhi as waawutmo Daudi. Shimei ina hi'iimiít ar gawaá tlaaqarmoó tlooma amoodá' waawutmo Daudi i kay.

2 SAMUELI 16:5

Qoomár Daudi iwa hardáh Bahurimu, heeko wák nina hardáh oo baraá gixsár daáh, oo tlahhoó Saulo. Umuuwós a Shimei garmoó Gera. Shimei iwa amór Daudi kay, guri loohi lu'umaamís.

2 SAMUELI 16:9

Kár Abishai garmoó Seruya, waawutmo guri báy, «Aakooeé' waawutámo, a gár milá kuúng tuwa lu'umisi nee seeoó aa gwaa'? Áx, ya/aám, aníng a amoorós káw, sagós ngu tsaát.»

WARA'AMI 84:9

Aakoó Mungú, kuúng baqmoorén i qaytsiteek, waawutmoodá' kuúng taa tsawát i qaytsiteek.

TI'INAANGW 22:28

«Mungú mu /ooslimaar, tam geeraharusmoowók mu lu'usaar.

WA/AA/I 4:20

Kuduú iimu/úngw slafingwrén, kudá' taa iimbalaáx ar di/i nee AAKOÓ MUNGÚ, nguna baa'ar'ín ar oohiyé', kudá' tawa kaahaan, «Baraá xuumarose atén a tla/ángw xoordu un wa hootaán.»

1 SAMUELI 24:6

Daudi mukós guri báy, «Aasla'áy, AAKOÓ MUNGÚ dakw'eé' ngu pa/asi, gár tlaakw mawa tleéhh gawaá aakooeé' kwí taa iimbalaáx nee AAKOÓ MUNGÚ. Dakw'eé' muwa looloqoós gawaá heé AAKOÓ MUNGÚ aa iimbalaáx ar di/i.»

1 SAMUELI 26:9

Ala Daudi Abishai guri báy, «Inós mu gaasaar, asma heé taa tsawaár nee AAKOÓ MUNGÚ, guri iimbalaáx ar di/i, heé gu qiítl looloqosaro a heemá iri dakuúsár konká»