2 SAMUELI 18:9 - Biblía Axweesantá Hhohho' ar Mungú 2004

⁹ Absalomu, wayshamoówós guri i tsa/án, tari doogiyé' nee sagadiyuusér Daudi qoomár wayshamó iwa waarahhi ar guruú xa'anooko úr oo ta/eewi. Ságw Absalomu kuri óh nee halmír xa'anoodá'. Absalomu iri gawaadií alén, i tarereamiit gawaá xa'anoó wa ale. Ala wayshamoowós iri geerií kumiít.

2 SAMUELI 18:9 Iomraidhean Croise

2 SAMUELI 13:29

Sagadiyuusér Absalomu adoodá' nga báy, kana tleéhh dír Amnoni. Naagáy daaqayduú hatlá' oo waawutmo umuúqo heewo wayshamoówós guri i tsa/án, tari goów.

2 SAMUELI 14:26

Umuú alhhe'esoó kurko se'eengós gun tlaqaqaat as kuwa iló'. Se'eengós burngwa tsát, iloeemaá se'engwdá' a adór kílo tsár, bara alqoomés nee qoomayduú doó waawutmo.

2 SAMUELI 17:23

Ahitofeli ngiwa ár adór axweesantós kara kaángwí sií', iri tsa/án gawaá daqwaywós, iri waátl amór do', baraá gixsarós. Iwa hardáh muruú dír do'ós guri qoomeés. Tari tarereé', iri gwaá'. Kuri foól baraá /aantár baabuúwós.

2 SAMUELI 18:10

Heeko Absalomu iwa tarereamiti guna ár, kaangw guri oó' dír Yoabu, iri oó', «Absalomu ngwa ár i tarere'amiit gawaá halmír ta/eewír wa ale.»

2 SAMUELI 18:14

Yoabu guri báy, «Aníng gár nis dirók tí wa hhaawahhaaw i káhh.» Yoabu lawlaá ninakw tám giri dakósí óh, iri tláy, Absalomu guri muuná muút, qoomaarihe Absalomu i slafíngwí kaahh gawaá halmidár ta/eewiro.

2 SAMUELI 18:8

Slaqwaraadá' aya sleémeero guri aleetsatát, nee múk yaariír iri qaátl baraá gara ta kudá' taa tsuú/ ar paánga ba/a baraá slaqwarár wa ale.

YOBU 31:3

Ahaá múk hota tlákw qatlo gu sleeraakáhe, nee mukdá' gadiyedaá tlakw ngi tlehhaahhitá' in hhana'aakáhe.

AXWEESANOÓ SAGALOOA 20:20

Heé baabuúwós nee aayooro gi lu'umís, slafiingós in slapiit adór tsaa'asi bira gwá' baraá giwtír ma/amiro.

AXWEESANOÓ SAGALOOA 30:17

Heé baabuúwós gu niqiím Nee heé aayiirós iialooesaro ga waaqaseseém Heé adoorí xwaa'arór baraá xatsa gu ila' tu/uún Nee kuri /aay nee gwares.

YEREMIA 48:44

Heé dae tlaqa gwa ilagoow in /eet baraá bohoongw, heé naa baraá bohóngw wa ti'iit tsaaxweeli gun ót. Aníng muruuwí ngu huúw dír múk Moabu, kurkú muxtar'ín bira xeér. Anuú AAKOÓ MUNGÚ tí ngina oó'.

Matayo 27:5

Peésaadá' gari kwaáhh baraá Doó Mungú, iri tláy, tiri tareereé'.

Marko 7:10

Asma Mose ina oó', ‹Baabuúwók nee aayoorók ilaiwawa/eek.› Iri male oó', ‹Heé baabuúwós gu /ooslisliím laqaá aayo, gár kuwa hariím a gwa'ara.›

Galatia 3:13

Kristo atén tina tuú/ baraá lo'oodár hara'ayaaro, qoomár lo'oorén tidá' inósuú kilá' ngiwa gagaár. Asma kaa gooín, «Umuúqo heewo oo taa gawaá xa'anií kikií' kwaa lu'ús.»

DABE 21:23

Tuuarós makawa máy iwa gawaá xa'anoó wa gu' xweeraawo, ala aqo an folá' baalaadár kilá'. Asma umuúqo heé taa tarereé' gawaá xa'ano a heé taa lu'ús nee Mungú, nee kuungá' yaamu mi meeta gaasara', kudá' tinda haniís nee AAKOÓ MUNGÚ, Munguúhúng, as tawa aalirhúng.»

DABE 27:16

«Umuúqo heewo oo baabuúwós, laqaá aayoorós waaqaqaá', kwaa lu'ús.» ‹Nee muu sleémeero ta ooi, Amin.»

DABE 27:20

«Umuúqo heé aa qaat nee harér baabuúwós, kwaa lu'ús.» «Nee muu sleémeero ta ooi, Amin.»