2 SAMUELI 18:5 - Biblía Axweesantá Hhohho' ar Mungú 2004

⁵ Waawutmo kaangwí guri oó' dír Yoabu nee Abishai nee Itai, «As daanduú aníng, áx garmaasíng ta bay Absalomu fur'ár tsa' ti hube'.» Kaangwí waawutmo aa oó' daanduú Absalomuwo dír geeraharuuseerós ar slaqwara, muu sleémeero guri axaás.

2 SAMUELI 18:5 Iomraidhean Croise

2 SAMUELI 16:11

Slám waawutmo Daudi Abishai nee sagadiyuuseerós sleémeero giri báy, «Barnaxes na/ay'eé' oo kilá' slafingw'eé' gun slakaat, xáy, heé tlahhoó Benyamini mi máy? Kuungá' mawaak, aníng i lu'usi, asma AAKOÓ MUNGÚ gwaa adoosíng báy, aníng iwa lu'usi.

2 SAMUELI 17:14

Absalomu dinkwa nee múk Israeli sleémeero tari oó', «Kángw Hushai, heé Arki, i ganaa' ta oo Ahitofeliwo.» Axweesantá Ahitofeli kana sií', asma AAKOÓ MUNGÚ axweesantadá' hho' ar Ahitofeli gana sií', as kahhó' AAKOÓ MUNGÚ Absalomu nguwa tlaákwí tleehhi.

2 SAMUELI 18:12

Ala heedaádá' Yoabu guri báy, «Tam parhheemaá kumuú wák awa muqslidár peésa kingi gawaá dakw'eé' haniisi, dakw'eé' u tleesaaká gawaá garmoó waawutmo. Asma ana axaasaán qoomár waawutmo kuúng nee Abishai nee Itaiwo nuwa báy, ‹Garmaadá' Absalomu xuumaak as aníng.›

2 SAMUELI 19:1

Yoabu kuri báy, «Waawutmo i /aa/amín nee i tsuunqumiis as gwa'arár Absalomu.»

WARA'AMI 103:13

Adoodá' baabá na/iiwós ngir gurtlatlay, an adoodá' AAKOÓ MUNGÚ mukdá' ngu ilaiwawa/á' ngur gurtlaatlay.

Luka 23:34

Yesu iri oó', «Baabá, inooín gurtlaweek, asma ar i tlehhiitiya' ngi xuiaaká.» Tlabaawós kiri kilooín qasmiís ar loohír tsawdo.