2 SAMUELI 18:3 - Biblía Axweesantá Hhohho' ar Mungú 2004

³ Ala muu guri báy, «Kuúng a daqeeraaká. Asma atén bar aga guwaán, ti gaárií xuiaaká. Nee barnaxes atén taa tla/a tsaát tsu/utaaro, sleeme i daawiitiaaká as atén. Ala kuúng a heé afhhamít, tam múk kumér mibaangw ba/a baraá ateékae. Gár hhoo' a kuúng an mét baraá gixsa, nee ale/isayrén ngun baraá gixsár wa ya/abít.»

2 SAMUELI 18:3 Iomraidhean Croise

2 SAMUELI 10:11

Yoabu, Abishai guri báy, «Gám, barnaxes aníng tir ba/abaa/ /uuruwo, nee múk Aramu, daqaní kuúng haratla/a ngu eér as aníng iwa ale/iisár eer. Ala bar múk Amoni kuúng ur ba/abaa/ /uuruwo, aníng haratla/a ngu áw as kuúng uwa /iis.

2 SAMUELI 17:2

Qoomár bira slaaqaát nee bira mune sií', aníng un de'ee tsaát, muu sleémeero kudá' dinkwárí dirií' nee inós tari goow. Aníng waawutmo kilós nguri slaáhh.

2 SAMUELI 21:17

Ala Abishai garmoó Seruya, ina tláy as Daudi nguwa alee/iisi. Abishai heedaáduú múk Filisti guri slaáhh guri gaás. Muu lo'o gari geeraá Daudi wa /aáy, tari oó', «Atén nee kuúng ti alkoomanaaká baraá slaqwaraaro. Bar adooriheeká tsaa'astá waawuti'iima a gás baraá Israeliro.»

1 WAAWITÁ 22:31

Waawutmoó Aramu slaqwaruusér mibeeri tám nee tsár, tidá' aa sihhit ar gaardaá ta uuruxun, giri hara'ayín, iri oó', «Kuungá' ma slaqwaara' nee heé hatlá', ku úr laqaá ku niiná, ala aqo har waawutmoó Israeli kilós.»

WA/AA/I 4:20

Kuduú iimu/úngw slafingwrén, kudá' taa iimbalaáx ar di/i nee AAKOÓ MUNGÚ, nguna baa'ar'ín ar oohiyé', kudá' tawa kaahaan, «Baraá xuumarose atén a tla/ángw xoordu un wa hootaán.»

SEKARIA 13:7

AAKOÓ MUNGÚ Aleesleemusmo i kaahi, «Tláw kiíng paánga, gawaá daanduú de'eemusmooeé', kudá' aluueé' nga haar, de'eemusmo slahheek as kahhó' bee/aangw iwa diyaa/ati, aníng niri warqáw amór mukdá' liitlakwén.

1 SAMUELI 18:7

/Ameenadá' ina bará/, bahh'alé i dá', tooka i ilaohiín slám ta hara ni/ín, ta kaahi, «Saulo kume gana tsuú/, nee Daudi kumér mibaangw gana tsuú/.»