2 SAMUELI 18:28 - Biblía Axweesantá Hhohho' ar Mungú 2004

²⁸ Ahima'asi waawutmo guri báy ar afór ur, «Mura' sleémeero i qón.» Iri xupuú' dír geeraá waawutmo, iri tumbarara'aát nee iri oó', «Nee AAKOÓ MUNGÚ, Munguúwók i xirfuuti, kudá' kuúng ugwa tuu/ dír mukdá' dabaaín gaa tleesi gawaawók i ale, aakooeé' waawutámo.»

2 SAMUELI 18:28 Iomraidhean Croise

IIMU/UUNGW 14:20

Munguú Gáwtí dirií' i xirfuuti, kudá' wakuuseerók ngaa gawaá dabaawók i qaás.» Nee Abramu baraá umuúqo muruú mibaango gár wák gari haniís dír Melkisedeki.

IIMU/UUNGW 24:27

Iri oó', «I xirfuuti AAKOÓ MUNGÚ, Munguú aakooeé' Abrahamu, kudá' hhooeemaawós nee inkihhimuuwose gaa gunqareesiiká dír aakooeene. Án bartaeene AAKOÓ MUNGÚ ina geerahaár ay dír múk aakooeé'.»

2 SAMUELI 1:2

Bál tám iwa xeér, heeko wák oo amoodár kitángw slaqwaruusér Saulo i dirií', ina hardáh dír Daudi. Iri tumbarara'aát geeraá Daudi, guri xirfayeemiís. Heewí tlabaawós kinga feehhamamiís, nee sagós i teerír kón.

2 SAMUELI 14:4

/Ameenidár Tekoa iri daqeér amór waawutmo iri gurúr qát yaamií ale dír geeraá waawutmo, iri tumbarara'át, guri beér, «Aá waawútmo, aníng alee/iisáng!»

2 SAMUELI 22:27

Dír kudá' taa hheehhe'eesi tin laqaán tuwa hhoohhoó', dír kudaá tlakuuseero tin laqaán tuwa saga gawít.

2 QOM'I 20:26

Bál tsiyahhe tari burumburiít baraá xatstá ta bay Beraka, AAKOÓ MUNGÚ ngway didá' wa sluufisiyé', didá' kari báy xatstá Beraka tam ay laarí.

WARA'AMI 115:1

A ateneeká, AAKOÓ MUNGÚ, a ateneeká, ala kuúng kilók na xirfuút, as sla'aarirók ar warqawaaká nee inkihhimuwók.

WARA'AMI 124:6

AAKOÓ MUNGÚ i xirfuuti, asma atén tiwa haniisiiká gawaá dabaaín i alé.

WARA'AMI 31:8

Kuúng wakuuser'eé' aga pa/ángwií haniská oo iwa ot, iri qás dír wayduú koom.

TI'INAANGW 18:10

Yetro iri oó', «AAKOÓ MUNGÚ i xirfuuti as kuungá' nuwa wangexwaár baraá lawaali'iimár Farao wa ale, nee dír múk Misriro.

1 SAMUELI 17:46

Laarí AAKOÓ MUNGÚ kuúng u baraá dabaaeé' qaas. Laarír kilae un yaamií daáhh, uri isa tsaát, tuaá slawtá slaqwara ar xoorór Filisti gwarsuú doori gari /aay, nee makaá sla/a, as kahhó' xoordu sleémeero ngiwa tsaahhiya' adór Munguú múk Israeli ir deér.

1 SAMUELI 24:18

Laarí ngaa laqama hhe'és adór kuúng tur hhoó' dir'eene. Laatí qoomár AAKOÓ MUNGÚ aníng iwa dabaawók i qaás án kuúng iga gaská.

1 SAMUELI 25:23

Abigaili, Daudi nguwa hhoó aán, ina gaanslár awét gawaá daanduú daqwaywose, ina xupú' dír geeraá Daudi, giti gari yaamúr ót.

1 SAMUELI 26:8

Abishai Daudi guri báy, «Laarí Mungú wakusmoowók ngwaa gawaá dabaawók i qaás. Gím lakiít aníng u muttá wákií hhe'eés ar lawaala nguri huwísh, muttá tsare a ki/aaká.»