2 SAMUELI 18:24 - Biblía Axweesantá Hhohho' ar Mungú 2004

²⁴ Qoomaarihe Daudi aa iwiít dír tla/ángw afér tsár ar gixsa. Xuumusmoó afkú do' ina tsa/án gawaá koo/i ay afiqoomár afkú do'. Naxés iwa qaytsiít, heé wák guna ár i ti'ii'ín.

2 SAMUELI 18:24 Iomraidhean Croise

2 SAMUELI 13:34

Ala Absalomu aa qaroó goów. Garmaaduú baalaqaasír xuuma iwa qaytsiít gár aa ár a daqtá yaariir ar muu gana ár amór geetuú tlooma, ta baraá loohír iintlaaxw ar Horonaimu.

2 SAMUELI 18:23

Ahima'asi guri báy, «A gaarooká, aníng a ta'aaím.» Naagáy Yoabu guri báy, «Gimáy ta'aaím.» Ahima'asi iri ta'aín ar loohír xaanxaay, iri giirín dír heedaáduú Kushiro.

2 SAMUELI 18:25

Xuumusmoodá' iri tseé', waawutmo guri kaangwí báy. Waawutmo iri oó', «Bar kilós, kángw i kon i deer.» Heé aáng nari tseewawúy.

2 SAMUELI 18:4

Waawutmo giri báy, «Umuúqo gár kuungá' taa hhooeemaá wa aandé', ngi tleéhh.» Waawutmo iri bihhií sihhiít dír afkú do', slaqwaruuseerós iri warhhaahhát, tidár tsiire nee kumeero.

2 SAMUELI 19:8

Naagáy waawutmo nari tláy, iri iwiít dirós tidár dír afkú gixsa. Muu sleémeero ngiwa axaás adór waawutmo ir dír afkú gixsa, inooín sleémeero tari amoorós káy. Qoomaarihe múk Israeli sleémeero taa qaroó goów, umuúqo heewo amór do'ós.

1 SAMUELI 4:13

Iwa hardáh naxés, Eli aa iwiít gawaá kitaangós dír afaá loohi, i daamarán, asma muunaáwós ina amooqwaár, daaraxaay gway áy as de'ér sandakmoó alqadór AAKOÓ MUNGÚ. Nee heedaádá' iwa dáh baraá gixsa, kaangw guri oó' muu sleémeero iri tsuunqumiís.