2 SAMUELI 18:21 - Biblía Axweesantá Hhohho' ar Mungú 2004

²¹ Yoabu heé wák oo yaamaá Kushi guri báy, «Kuúng, tláw amór waawutmo, kaangwí ooeek dír waawutmo, adór kura aán.» Heedaáduú Kushi iri xupuú' ar ilaiwa/ame dír geeraá Yoabu, iri tláy ar ti'iingw.

2 SAMUELI 18:21 Iomraidhean Croise

2 SAMUELI 18:20

Yoabu guri báy, «Laarí kaangwí kuúng u ooár eeraaká. Baalár hatlae un ooár eér. Ala laarí u ooár eeraaká tam gár niina, asma garmoó waawutmo aa gwaá'.»

2 SAMUELI 18:22

Aluuwo Ahima'asi, garmoó Sadoki, Yoabu guri male báy, «A gaarooká, áx kuúng ya/aám aníng heequú Kushi u alta'aaím!» Yoabu guri báy, «Gaa a milá, garmaaeé', baré a ta'aimtá slá'? Kuúng gár ta sleer gawaá kangwsíng ta ooár eera!»

2 SAMUELI 18:23

Ahima'asi guri báy, «A gaarooká, aníng a ta'aaím.» Naagáy Yoabu guri báy, «Gimáy ta'aaím.» Ahima'asi iri ta'aín ar loohír xaanxaay, iri giirín dír heedaáduú Kushiro.

2 SAMUELI 18:31

Heedaáduú Kushi nari hardáh, iri oó', «Kángw hhó' ngwa huúw amoorók, aakooeé' waawutámo! Asma AAKOÓ MUNGÚ kuúng laarír kilá' ugwa tuú/ dír /uuruduú mukdá' daber'ín gaa tleesi gawaá kuúng.»