2 SAMUELI 18:2 - Biblía Axweesantá Hhohho' ar Mungú 2004

² Daudi slaqwaruuseerós gana qasiís baraá daqooroó tám, giri ya/aáw baraá slaqwara. Daqtá geera geeraharusmooín a Yoabu, daqtá tsár geeraharusmooín a Abishai, garmoó Seruya, hhiyoó Yoabu, nee daqtá tám ar Itai heé Giti. Waawutmo Daudi sleémeero giri báy, «Aníng nee kuungá' tin alkoomaán.»

2 SAMUELI 18:2 Iomraidhean Croise

2 SAMUELI 17:11

Gár aníng ni oo' a tí, múk Israeli sleémeero amoorók ti burumbut, iimír Danír wa oohang ay Be'er-sheba, ayaá basa, masók ki yaariir adór hhasángw afaá tlawtá wa ale, nee kuúnguú kilá' ta daqeér baraá slaqwara.

2 SAMUELI 21:17

Ala Abishai garmoó Seruya, ina tláy as Daudi nguwa alee/iisi. Abishai heedaáduú múk Filisti guri slaáhh guri gaás. Muu lo'o gari geeraá Daudi wa /aáy, tari oó', «Atén nee kuúng ti alkoomanaaká baraá slaqwaraaro. Bar adooriheeká tsaa'astá waawuti'iima a gás baraá Israeliro.»

2 SAMUELI 23:18

Abishai, hhiyoó Yoabu, garmoó Seruya, inós a geeraharusmoó miguuseedá' mibeeraá tám, inós lawaala gana ar slaáqw, múk tsiire tám guri tsuú/, kuri harafaár amór bartá miguuseedá' tám.

2 SAMUELI 8:16

Yoabu garmoó Seruya a geeraharusmoó úr oo múk slaqwara. Yehoshafati garmoó Ahiludi, a heé gooír muruú inslaslángw wa hariím ga amohhe'eemiís.

1 WAAWITÁ 2:28

Kaangwí iri hardáh dír Yoabu, asma Yoabu aáng Adonia guna aleekalaá/, tam Absalomu gwaa eehariikahe. Yoabu iri goów baraá Heémár AAKOÓ MUNGÚ, xareemiidá' kitángw ilahhooa giri óh.

WARA'AMI 3:6

Wakuusér kumér kúm a da'ayuumitaaká, tidá' aníng iga harwet bihhe sleémeerowo.

HAR'OHUUSE 7:16

Inós mukduú tsiire tám guri qasiís baraá daqooroó tám i ale, umuúqo heewo guri tarumbeétár i haniís nee sirwír niina ar kaahaar ar gura tsaa'astá koom.

HAR'OHUUSE 7:19

Gideoni nee múk tsiiru tari bihhaaqá' i hardáh awa xafoó múk Midiani qoomár xweeraá dakingo, qoomár xuumuuse tiwa warqeská. Naagáy tarumbeetadu ngiri ufaahhiyé' nee sirwaydá' ta kon kuri yaamúr slaáhh.

HAR'OHUUSE 9:43

Abimeleki mukós guna ar tláy, gway qasiís baraá daqooroó tám, iri giirór áy baraá qamu. Muu nguwa ár naa ti'iít baraá gixsaro, inós ina ti'iít iri nahhaát, muu gway tsuú/.

1 SAMUELI 11:11

Naxés matloowose Saulo muu guna qasiís baraá daqooroó tám i ale. Looaytleér matlaatleero múk Amoni kuri gaanslár tsitsiíhh muxtaaro baraá xafay'íní ale ay qoomár /ameetleemu, aluuwo múk aa meet iri tsiyaayaxaát, tam múk afi tsár sleeme kwaa dinkwárí mayká.