2 SAMUELI 18:18 - Biblía Axweesantá Hhohho' ar Mungú 2004

¹⁸ Qoomaadá' Absalomu iwa slafi, uhmo guna tleéhh, guri sihhtís baraá Xatstá Waawutmo, asma ina oó', «Aníng na/oó garma u koomaaká oo tlahhay'eé' gu tleés as tiwa inslaslay.» Uhmoowí guri umií tsaát ku bay, «Uhmoó Absalomu» ay laarí.

2 SAMUELI 18:18 Iomraidhean Croise

IIMU/UUNGW 11:4

Tari oó', «Gimsé', gixsarén a tleehhaán, nee baraá gixsarihe doó tleér u tleehhaán, oo tsitsinirós gawaá doorí hardah, nee tawa iiatleeruwaan, as mawa diya/ataán baraá yaamu sleémeero.»

IIMU/UUNGW 11:9

Gawaá adoorihe umuú gixsadá' kuri báy Babuloni, asma didá' an dír Mungú tsifrír yaamu sleémeero ngiwa qasmiís. Nee iimír didae AAKOÓ MUNGÚ muu guri diyayaá/ gawaá daanduú yaamu sleémeero.

IIMU/UUNGW 14:17

Abramu Kedorlaomeri nguwa baál nee waawitaádá' nee inós ti alkoomá', waawutmoó Sodoma nina tláy as Abramu nguwa al'ay amór xatstá Shafe, nee an xatstá ta bay xatstá Waawutmo.

2 SAMUELI 14:27

Absalomu na/aá daaqaay ngaa laqwaál tám, nee dasír wák. Umuú dasidá' a Tamari, inós a /ameenír kángw kilá' wa hhoohhoo'.

WARA'AMI 109:13

Xwaylarós sleémeero i qororo'ot, umuuwós ku gunqareesi nee qartá itlaw.

WARA'AMI 49:11

/Aantuuín an dír hotangw'ín kureerisleém, an dír hotángw qari sleémeero, tam geeraawo yaamu ngaa kooín tleehhi'i.

ISAYA 22:16

‹Hariímaarók a milá diirihe? Heewók a heemá diirihe, tam /aantarók kari fól diirír gawaá tlooma? Dír hotaawók tari gawaá tlaa/a.

YEREMIA 22:30

AAKOÓ MUNGÚ i kaahi, «Heewí kaangwí ti gooiin tawa adór heé na/aá koomaaká, a heé gaa tleehharo ga aleeslawaaká baraá hotaawose. Asma baraá xwaylarose hee i kaahh oo kitángw waawuti'iimár Daudi gu i iwiít, nee oo xoorór Yuda ga sawaawuti'iím.»

DANIELI 4:30

Waawutmo iri oó', «Ga/aawak áx adór gixsár Babuloni i diri' uraywo, tidá' aníng naa tleéhh ar aleesleemueé', as tawa gixsár ur ar waawutmo i hooti nee ar xiríf baraá waawuti'iimar'eene.»

FAARO 32:42

Heé ta bay Noba ina haratláy baraá yaamaá Kenati nee ayeemoowose, ngiri hayóh, giri umuuwós oo kilá' ar ateét, yaamuudá' giri báy Noba.

1 SAMUELI 15:12

Samueli matlaatlér boo/e iri ti'iít amór Saulo. Samueli kuri báy, «Saulo i Karmelír daahh, ga/aaweek, gár iinslaslaangw gaa sihhtís, iri waaraáhh Gilgali.»