2 SAMUELI 18:17 - Biblía Axweesantá Hhohho' ar Mungú 2004

¹⁷ Absalomu kurír tláy kuri kwaáhh baraá bohóngw úr oo baraá gara. Bohongwdá' kuri tlaa/aá yaariír i burumbuúr. Múk Israeli sleémeero tari goów, umuúqo heewo amór do'ós.

2 SAMUELI 18:17 Iomraidhean Croise

2 SAMUELI 19:5

Yoabu iri dáh baraá doó waawutmo, guri báy, «Laarí taa mureekés ataá sagadiyuuseerók sleémeero, ateeká' slafiingók ngwa tu/aan, nee slafíngw na/iiwók awa daaqaay, nee slafíngw na/iiwók awa dasu, nee slafíngw /ameenaarók, nee slafíngw /ameenaarók tidá' quturmo wasle.

2 SAMUELI 19:8

Naagáy waawutmo nari tláy, iri iwiít dirós tidár dír afkú gixsa. Muu sleémeero ngiwa axaás adór waawutmo ir dír afkú gixsa, inooín sleémeero tari amoorós káy. Qoomaarihe múk Israeli sleémeero taa qaroó goów, umuúqo heewo amór do'ós.

2 SAMUELI 19:9

Tlahha'aá Israeli sleémeero tari kilooín alwarqayé' gilaawo iwa kaahiya', «Waawutmo Daudi atén tina tuú/ baraá dabaá wakuuseerén wa ale, tina ba/amís baraá dabaá múk Filistir wa ale. Ala hamí aa tlatlaáhh baraá ayko as Absalomu.

2 SAMUELI 20:1

Heeko wák i daadeer oo al/aymusmoó oo ló'wa tlaákw baraá yaamaá Gilgaliro. Umuuwós a Sheba, garmoó Bikri, heé tlahhoó Benyamini. Sheba tarumbeéta gana ufaáhh, iri oó', «Daudi nee atén gaa a milá. Garmoó Yese gár kuwa koomaan i káhh. Kuungá' múk Israeli, umuú heewo i ki/i amór heémarós.»

2 SAMUELI 20:22

/Ameenidá' muu sleémeero oo baraá gixsa guna i daqeér ar sagalooarós. Sheba garmoó Bikri kuri sagaa tsaát, kuri guruú tsee/ií kwaáhh amór Yoabu. Gawaá adoorihe Yoabu tarumbeéta gari ufaáhh, mukós guri diyaá/ baraá gixsarír Abeliro, umuú heewo iri waátl amór do'ós. Yoabu iri kií/ amór waawutmo Daudi, baraá gixsár Yerusalemu.

2 WAAWITÁ 14:12

Múk Yuda kuri baál nee múk Israeli, umuú hee iri waátl amór do'ós.

2 WAAWITÁ 8:21

Gawaá adoorihe, Yoram iri tláy nee gaarduuwós sleémeero ay Sairi. Qoomár xweeraawo inós nee geeraharuusér slaqwaruuserós nee gaarduine tari haratláy amór múk Edomu kudá' inooín gaa harweer, ala slaqwaruuseerós iri ta'aaiín amór maray'ín.

AXWEESANOÓ SAGALOOA 10:7

Múk gan'amuú koóm bur inslasleér a tsuuqa, ala umuú heé tlaákw a adór gár aa dix.

DABE 21:20

Xwayliteedá' bariisér gixsa ngi beer, ‹Garmaarén kwí ku iawásl, nee ku saga gawít, atén gár ngu babawaan ga iialooeemisiiká, inós a hhehhusmo nee xufutusmo.›

DABE 21:21

Daqaní múk baraá gixsadá' garmaawí ku tlaquuti ar tlaa/e ay dír i gwaai. Adoorí an adoodá' tlakweema kir hingeesa' baraá tla/angwhunge. Umuú hee baraá yaamaá Israeliwo oo adoorí gaa axaas iri da'ayuut.

YOSHUA 10:27

Qoomár tsiindi iwa darat, Yoshua iri oó', «Tu'uuqá' aweerisaak ki kwahhá' baraá mar'idá' nay nahhaatiyé'.» Mukdá' adoodá' Yoshua ngaa báy kari tleéhh. Tlaa/aá uren kay qaás gawaá afkú mar'idá'. Tlaa/eedá' i didá' tam ay laarí.

YOSHUA 7:26

Inooín ufuú tlaa/e ngway gawaawósií burumburiyé'. Ufuduú tlaa/e i deer tam ay laarí. Aluuwo AAKOÓ MUNGÚ mune gay guú/. Nee didaádá' kari báy xatstá Akori tam ay laarí.

YOSHUA 8:29

Inós waawutmoó Ai guri tarereé' gawaá xa'ano ay tsiindo. Nee qoomár tsiindi iwa darat, Yoshua muu guna báy, «Slaqwtós hingeesaak gawaá xa'anoowo, ka kwahhá' afkú gixsa.» Naagáy tlaa/e kay gawaá tuuadií burumbuúr adór ufa, tam ay laarí ufuudá' i deer.

1 SAMUELI 4:10

Múk Filisti iri slaáqw nee xoorór Israeli, xoorór Israeli kari baál, umuú heewo iri goów amór do'ós, múk yaariír kuri hhaamiís, baraá xoorór Israeliro slaqwaruusér taa daáhh a kume mibeeri tám ar ya'ár hi'iimiit baraá slaqwaraaro.