2 SAMUELI 18:14 - Biblía Axweesantá Hhohho' ar Mungú 2004

¹⁴ Yoabu guri báy, «Aníng gár nis dirók tí wa hhaawahhaaw i káhh.» Yoabu lawlaá ninakw tám giri dakósí óh, iri tláy, Absalomu guri muuná muút, qoomaarihe Absalomu i slafíngwí kaahh gawaá halmidár ta/eewiro.

2 SAMUELI 18:14 Iomraidhean Croise

2 SAMUELI 12:10

Gawaá adoorihe, as kuúng aníng iwa waaqá', nee harér Uria, heé xoorór Hiti, kari tók tléhh, dákw muu tsu/uta i hhooayká baraá múk do'oge.›

2 SAMUELI 14:30

Naagáy Absalomu sagadiyuuserós gari báy, «Ga/awaak, qaymór Yoabu ar angaánoó shayiíri ka bihhaá te'eeni tseew. Tlawé', da/aak ar asla.» Gawaá adoorihe sagadiyuusér Absalomu qaymoodár Yoabu gari dá/ ar asla.

2 SAMUELI 18:15

Aluuwo masoombár mibaangw ar xosluudaá slaqwara awa Yoabu gi loohamaamiis, iri hardát Absalomu guri harwét, kuri muxaaxín kuri huwísh gaasaro.

2 SAMUELI 18:5

Waawutmo kaangwí guri oó' dír Yoabu nee Abishai nee Itai, «As daanduú aníng, áx garmaasíng ta bay Absalomu fur'ár tsa' ti hube'.» Kaangwí waawutmo aa oó' daanduú Absalomuwo dír geeraharuuseerós ar slaqwara, muu sleémeero guri axaás.

2 SAMUELI 19:1

Yoabu kuri báy, «Waawutmo i /aa/amín nee i tsuunqumiis as gwa'arár Absalomu.»

2 SAMUELI 19:11

Waawutmo Daudi muu guri ya/aáw amór kaahamuusér Mungú, Sadoki nee Abiatari i kaahi, «Bariisér tlahhoó Yuda ka beera', ‹Asma waáy, kuungá' mas múk alhhe'eesaay waawutmo kuwa ki/isa' amór do'ós? Asma ya/abtór múk Israeli sleémeero naa hardát dír anuú waawutmo.

YOBU 20:5

Heé tlaákw ga tsaahh qwal/uuwós tawa oo har qoomár niina, nee bar/uú múk aa qwaar oo har afiqoomár ló'wá niina.

WARA'AMI 37:35

Heé tlaákw una ár adór ir ló'wa xaraasli. Tina tsaafiís adór haleemaá xaa'aá miereési ar gawaá tloomár Lebanoni.

WARA'AMI 45:5

Waawutámo, maheeriwók i xaraasliyá', munér wakuuseerók ngin tlaquutiyá', muu nguri daraahhiyá' geeraawók i ale.

Matayo 12:40

Asma adoodá' Yona ira baraá guruú siyó wa hoót deelo tám, tlaatla/aangw nee xweeraawo, tam Garmoó Hee sleeme in baraá guruú yaamuú wa hoot.

1 Tesalonike 5:3

Qoomaadá' tawa kaahi, «Wayda i deer nee amohhooa,» qoomaadá' an tidár hhitiru'uuma nuwa hhaawis, adoodá' /ameenír tsiiháy asltá xwayla ngir i hardaraarat. Ala guway ku aleeslayká.

HAR'OHUUSE 4:21

Ala Yaeli, harér Heberi kiki'ír heéma kar kik'aain gana taatáhh nee yuúnduwo. Inós Sisera guri haratseegís, kiki'idá' gari sláhh gawaá gitsee/aá Sisera iri yaamií kiki'iín, asma Sisera qoomaadae ina slar/aát gu'uteero as slaaqamaaye, Sisera iri didár kilií gwaá'.

HAR'OHUUSE 5:26

Ina tlangarereeít kiki'ír heéma gari taatáhh, ar dakós oo doó /iyayhe yuúnduú kareeramo guri ót. Eeít, kiki'idá' gari sláhh gawaá gitsee/a, gway saga ma/afuúr.

HAR'OHUUSE 5:31

«Aá AAKOÓ MUNGÚ, wakuuseerók sleémeero i hhaan. Ala mulqeerók masók i gwa/át adór tsee/amá qoomár bindi tsirariihh.» Yaamu wayda nguri slayé' har afiqoomár kureerí mibeeri tsiyahhe.