2 SAMUELI 18:1 - Biblía Axweesantá Hhohho' ar Mungú 2004

¹ Daudi múk nee inós ti alkoomá' guri faár, guri qasmiís baraá daqooráy. Umuúqo múk kumuwo guri geeraharusmooínií qaás, nee umuúqo múk tsiiruwo guri geeraharusmooíní qaás.

2 SAMUELI 18:1 Iomraidhean Croise

TI'INAANGW 17:9

Mose Yoshua guri báy, «Tláw, hhawaate tsawaareek, ta slaqwarár eerá' amór xoorór Amaleki. Aníng matlo a tsa/ám gawaá ságw tlooma, nee hhartadár Mungú dakw'eene a koóm.»

TI'INAANGW 18:21

Ala muruú hatlá' dír kwihe, muu na leelehheek baraá tla/angw'ín wa ale, masók a múk aleesleemuú koóm, múk Mungú ilaiwawaá/, múk inkihhimuú koóm, múk slukmár /ayaaká. Waawiti'iimárí haniseek, bahh'ale múk kumuú wák ngu geeraharahariye', bahh'ale múk tsiiru, kooko múk mibeeri kooán, kuqá' múk mibaangw.

TI'INAANGW 18:25

Mose múk aleesleemú koóm baraá tla/ángw xoorór Israeliro guri tsawaár giri geeraharuusér wa qaás, barakarka a geeraharuusér múk kumuú wák gu geeraharahaar, tooka geeraharuusér múk tsiiru gu geeraharahaar, tooka geeraharuusér múk mibeeraá kooán gu geeraharahaar, tiqá' a geeraharuusér múk mibaangw.

FAARO 31:14

Mose ina buúhh amór geeraharuusér slaqwaruuse, tidá' naa baraá slaqwarár wa watl, tidá' slaqwaruusér kume nee ar tsiire gaa geerahat.

DABE 20:9

Barnaxes geeraharuuse axweesantá dír muko aa hhe'és, daqaní geeraharuusér slaqwara muu ngu geerahat.

YOSHUA 8:10

Yoshua matlaatlér boo/e iri tseewa tláy, muu guri burumbuúr, inós nee bariisér Israeli tari geeraá múk wa tláy ay amór gixsár Ai.

1 SAMUELI 22:7

Saulo sagadiyuuseerós tidá' gwaa harwet gari báy, «Iia qaasaak hamí, kuungaásingá' awa múk Benyamini, kuungá' ka xua' garmoó Yese umuúqo heewo dirhunge gu qaymoórií haniísi, laqaá nu geeraharuusér múk kumér wa qaási, laqaá qamaá sabiíbu, laqaá tawa geeraharuusér múk tsiiru?

1 SAMUELI 8:12

Inós bartaka gari qaas daanduuwós wa ale tawa geeraharuusér slaqwaruusér múk kume, nee tawa geeraharuusér slaqwaruusér múk mibeeri kooán, nee barakarka gan qaas qaymoorós ngiwa doosliya', nee balaangós nguwa bu'una' nee xoslaá slaqwara ngiwa tlehhiitiya', nee xooslaá gaarduuwose.