2 SAMUELI 17:9 - Biblía Axweesantá Hhohho' ar Mungú 2004

⁹ Hamí aa nahhaát baraá mar'ír wák yaameerihe, laqaá tam amór hatlae. Daudi bira haratláy slaqwaraaro, bar muu kwaa tsuú/, umuúqo heé tsu/utaarí gaa geerií axaasi naxes in ooi ‹Múk yaariír oo taa tsuú/ oo bartá Absalomu.›

2 SAMUELI 17:9 Iomraidhean Croise

2 SAMUELI 17:10

Mukók bar adoorí ngaa axaás, tam mukók kudá' gur'e gawdén adór direeri, tari hirqimiit de'eero. Asma múk Israeli sleémeero ga xuu' adór baabuúwók tar migusmo, nee mukdaádá' sleémeero oo dinkwa nee inós a múk ilakaaharén.

2 SAMUELI 17:8

Hushai iri kumiít axweesanto, «Kuúng a xú' adór baabuúwók nee mukose tar miguuse, nee adór tara qa/imiít buhhtaawo, adór makiito'oodá' ta bay dúbu ar qaa' ar taa na/ii hayóh baraá darmuú wa ale. Slám male ale kuúng baabuúwók un xú' adór tar miguusmoó slaqwarár baál. Inós xweeraawo i qaqtaatinká dinkwa nee mukós ay matlaatle.

YEREMIA 41:9

Hhalangwdá' Ishmaeli tuaá mukdá' ngay kwakwaáhh ku ló'wa úr. Hhalangwdá' kuna foól nee waawutmo as tiwa xun dír Ba'asha waawutmoó Israeliro. Ishmaeli garmoó Netania hhalangwdá' guri dalaá/ tuaá mukdá' aa tsu/i.

YOSHUA 7:5

Múk Israeli kuri guús nee mukduú gixsár Ai dír afkú gixsár wa ale ay /etángw Shebarimu. Múk mibeeri tám nee lahhoó' oo Israeli kuri tsuú/. Múk Israeli gur'e ma'aay ngiri dalaa/iyé'.

YOSHUA 8:6

Inooín daqaní taqo ooi, ‹Múk Israeli aa geeraarén wa goów.› Inooín niqo aluurén wa ta'aainá', nee atén daqaní inooín ir puruutsaán iisaapoó gixsaro.

1 SAMUELI 22:1

Daudi iri tláy ar gaanslaay ay amór mar'idár Adulamu. Hhaeewós nee múk tlahhoó baabuúwós kaangwí kuwa axaás tari amoodí aweér, ay didá' inós i dirii'i.

1 SAMUELI 23:22

Tlawsé' looeemaá diisíng aa i nahhaát slawaare', nee heé ngwaa ar disinge, asma kinga oó' adór inós tar heé ádtlákw.

1 SAMUELI 24:3

Saulo iwa baraá aaií dirii'i, ina hardáh dír mar'irka wák tseew bihhaá slumaá bee/aangw, ina dáh baraá mar'idá' as iwa sla/tá slahhtá ay, Daudi nee mukós taa iwiít baraá guruuduú mar'i oo baraaqií saáw.