2 SAMUELI 17:8 - Biblía Axweesantá Hhohho' ar Mungú 2004

⁸ Hushai iri kumiít axweesanto, «Kuúng a xú' adór baabuúwók nee mukose tar miguuse, nee adór tara qa/imiít buhhtaawo, adór makiito'oodá' ta bay dúbu ar qaa' ar taa na/ii hayóh baraá darmuú wa ale. Slám male ale kuúng baabuúwók un xú' adór tar miguusmoó slaqwarár baál. Inós xweeraawo i qaqtaatinká dinkwa nee mukós ay matlaatle.

2 SAMUELI 17:8 Iomraidhean Croise

2 SAMUELI 15:18

Sagadiyuuse sleémeero ar waawutmo, múk Kereti sleémeero, nee múk Peleti sleémeero, dinkwa nee múk Giti tsiire lahhoó' oo nee waawutmo Daudi ti alkoomá', gixsár Gaátír wa ale, inooín tari tláy dinkwa nee inós, tari geeraawós i waaraáhh.

2 SAMUELI 17:9

Hamí aa nahhaát baraá mar'ír wák yaameerihe, laqaá tam amór hatlae. Daudi bira haratláy slaqwaraaro, bar muu kwaa tsuú/, umuúqo heé tsu/utaarí gaa geerií axaasi naxes in ooi ‹Múk yaariír oo taa tsuú/ oo bartá Absalomu.›

2 SAMUELI 23:16

Mukduú miguusér Daudi tamaawo tana ti'iít, tari tseegiís ar baraá tla/eeraá xafaaduú slaqwaruusér Filisti, ma'aay kiri hheék baraá hhalangwduú Betilehemu, kuduú dír afkú gixsa, kingiri huúw amór Daudi. Ala Daudi ma'aydá' gina sií' wahto. Giri yaamií ku'uús as tawa ilahhooár i haniisi dír AAKOÓ MUNGÚ.

2 SAMUELI 23:18

Abishai, hhiyoó Yoabu, garmoó Seruya, inós a geeraharusmoó miguuseedá' mibeeraá tám, inós lawaala gana ar slaáqw, múk tsiire tám guri tsuú/, kuri harafaár amór bartá miguuseedá' tám.

2 WAAWITÁ 2:24

Elisha giri xuuxuú', giri lu'ús ar umuú AAKOÓ MUNGÚ, makaá tsár awa /ameena awa ta bay duúbu, niri ti'iitiyé' baraá sla/atá wa ale, daaqayduú mibeeri tsiyáhh nee tsár kuri karslamiís.

AXWEESANOÓ SAGALOOA 17:12

Tsiní bár hee nee duúbuú /ameeni oo ta na/ii hayóh ta doogiyé', ta tiwa doogiia nee daktani baraá daktu'uumár i alé.

AXWEESANOÓ SAGALOOA 28:15

Geeraharusmoó tlaákw bar narkuute gaa geerahaár a adór dirángw /oroótl nee dubú giliím.

ESEKIELI 19:2

Xáy, aayoorók a dirángw adoomá baraá tla/ángw direeraá hatlae. Ina hót baraá tla/eeraá direeraá batláy wa ale, na/iiwós giri /aymís.

DANIELI 7:5

«Naxés makiito'ór hatlá' ar tsár ngiri ár. Inós a adór duúbu, inós kaa sihhitís ar ya'aá alu. Afkose gweehhaamaá tám gaa kíhh. Aforka iri ó', ‹Gimáy, fu'unaá yaariir /ayeek qoomoó ta asleesleer.›

HOSEA 13:8

Aníng nun hara/akumiít adór dúbuú taa na/ii hayóh, nuri da/eewe karslamiís, nuri /aáy adór diraangw, nuri tlaqaqaát adór makiito'ór sla/a.

HAR'OHUUSE 18:25

Múk Dani nguri bayé', «Afoorók tisíng makawa axamiís baraá tla/angwrene, múk buhhtaá koóm muwa i hardáh, kuúng turi af'oh dinkwa nee múk do'ók sleémeero.»

1 SAMUELI 16:18

Heé wák baraá tla/ángw mukduú sagadiyuuseerose iri oó', «Án garmaako wák oo doó Yese ugwa ár, oo gixsár Betilehemu. Inós daa'aangw gu xuu' slahhto ar gidaandoori. Garmaawí a pihhusmo, nee a migusmoó slaqwara, axweesanoó sagalooa an gaarós, a heé hhoohhoó', AAKOÓ MUNGÚ nee inós a dinkwa.»

1 SAMUELI 17:50

Adoorí an adoodá' Daudi Goliati ngura arbaá/ ar tlaa/ano nee kuukumayi. Daudi Goliati guna tsaxaár guri gaás, ala slám Daudi i paángár konká gawaá dakose.

1 SAMUELI 23:23

Umuú dír iqo nahhmamiti tsawtsawusaak, kawa xua', kangwsíng ngu ooár eerá' dir'eé', ma dakuusara'. Án nee kuungá' ti koomaán, slám bir baraá ayaawí kaahh, aníng u leelehhahhiít baraá tla/ángw múk kumér yaariir ar Yudawo.»