2 SAMUELI 17:23 - Biblía Axweesantá Hhohho' ar Mungú 2004

²³ Ahitofeli ngiwa ár adór axweesantós kara kaángwí sií', iri tsa/án gawaá daqwaywós, iri waátl amór do', baraá gixsarós. Iwa hardáh muruú dír do'ós guri qoomeés. Tari tarereé', iri gwaá'. Kuri foól baraá /aantár baabuúwós.

2 SAMUELI 17:23 Iomraidhean Croise

2 SAMUELI 15:12

Qoomár Absalomu ilahhooár muruú ta tsu/i ngiwa hanmiisi, ina ya/abín baraá gixsár Gilo, as Ahitofeli kuwa ateeti, kudaádá' waawutmo Daudi gu gurbuaaiím. Aahhír Absalomu /uuru guri sleér, múk nee inós ti alkoomakoomá' iri doogín.

2 SAMUELI 15:31

Qoomaarihe, Daudi kuri báy, «Tam Ahitofeli, heé wák oo aa dee/aanuut, inós aa haraagwaá' dír Absalomu.» Ala Daudi iri firín iri oó', «AAKOÓ MUNGÚ, án kuúng u firiím, kaahír Ahitofeli i payshut.»

2 SAMUELI 16:23

Qoomaadae umuúqo /aymuú Ahitofeli aa ooi, a adór axweesantá taa oó' nee Mungú. Nee umuúqo axweesantá Ahitofeli aa ooi, Daudi nee Absalomu aqo kan iwaa/.

2 SAMUELI 17:22

Gawaá adoorihe, Daudi iri tláy, nee mukós kudá' sleémeero ti alkooma'a, tari waaraáhh gayuú yaaér Yordani. Naxés matlaatleero hee i kaahh tam oo wák oo aa alií meet oo yaaér Yordani gaa waaraahhiiká.

1 WAAWITÁ 16:18

Simri adoorí ngiwa ár adór gixsa kara harweér, iri dáh baraá doó waawutmo, do' guri asltí qaás, inós iri baraadí gwaá'.

2 WAAWITÁ 20:1

Qoomaarihe waawutmo Hesekia tiqti guna ót, iri lak gwaá', aarusmo Isaya garmoó Amos guri ii daqáy, guri báy, «AAKOÓ MUNGÚ i kaahi, ‹Do'ók amohhe'eeseek, asma kuúng a gwá', tiqtisinge kuúng a hungu/ká.› »

YOBU 31:3

Ahaá múk hota tlákw qatlo gu sleeraakáhe, nee mukdá' gadiyedaá tlakw ngi tlehhaahhitá' in hhana'aakáhe.

WARA'AMI 109:20

AAKOÓ MUNGÚ mukdaádá' aníng i sakwasleemuút tí ngi slaye', mukdaádá' muruú tlákw gu aaiím daandueene.

WARA'AMI 5:10

Mungú, kuká' hhaamiiseek! Maweek kwasleemaduuín kudá' tlakw ngi saki/iye'. Tlatlahhaseek asma tlakweemaaín kudá' yaariir. Tlatlahhaseek as kuúng ugwa si'iyé'.

WARA'AMI 55:23

Ala kuúng Mungú, inooín in /araraa'ás tay baraá bohóngw qwanaay. Múk kuunday raa/atén nee fooluuse, hotangw'ín sleeme tla/atsara ga ayká. Ala Mungú aníng kuúng u harahhiíf.

AXWEESANOÓ SAGALOOA 16:18

Heé hhitiruút in ala daaraa/uut, nee dee/aanu in giirín dír hee ira huuiiká.

AXWEESANOÓ SAGALOOA 19:3

Hee bira hhitiruút as daktu'uumarós, Aluuwo in ooi, kaangwí oo AAKOÓ MUNGÚ,

ISAYA 38:1

Deeloodae waawutmo Hesekia tiqti guri eér, gwa'ara gari nakaá/. Aarusmo Isaya garmoó Amos iri amoorós káy, guri báy, «AAKOÓ MUNGÚ i kaahi, kuúng gwa'araro a pa/ká, gimáy kángw do'ók qoomeeseek.»

Matayo 27:5

Peésaadá' gari kwaáhh baraá Doó Mungú, iri tláy, tiri tareereé'.