2 SAMUELI 17:14 - Biblía Axweesantá Hhohho' ar Mungú 2004

¹⁴ Absalomu dinkwa nee múk Israeli sleémeero tari oó', «Kángw Hushai, heé Arki, i ganaa' ta oo Ahitofeliwo.» Axweesantá Ahitofeli kana sií', asma AAKOÓ MUNGÚ axweesantadá' hho' ar Ahitofeli gana sií', as kahhó' AAKOÓ MUNGÚ Absalomu nguwa tlaákwí tleehhi.

2 SAMUELI 17:14 Iomraidhean Croise

IIMU/UUNGW 32:28

Heedaádá' iri oó', «Kuúng tu malé bayká Yakobo, ala tun bay Israeli, asma nee Mungú tina /ootsité', nee muu sleeme, kiri arbá/.»

2 SAMUELI 15:31

Qoomaarihe, Daudi kuri báy, «Tam Ahitofeli, heé wák oo aa dee/aanuut, inós aa haraagwaá' dír Absalomu.» Ala Daudi iri firín iri oó', «AAKOÓ MUNGÚ, án kuúng u firiím, kaahír Ahitofeli i payshut.»

2 SAMUELI 15:34

Ala bara kí/ ay Yerusalemu, Absalomu ku beer, ‹Waawutámo, aníng a sagadiyusmoowók, adoodá' aáng tar sagadiyusmoó baabuúwók.› Naagáy, adoorí an adór kaahír Ahitofeli kar warqes as aníng.

2 SAMUELI 16:23

Qoomaadae umuúqo /aymuú Ahitofeli aa ooi, a adór axweesantá taa oó' nee Mungú. Nee umuúqo axweesantá Ahitofeli aa ooi, Daudi nee Absalomu aqo kan iwaa/.

2 QOM'I 10:15

Gawaá adoorihe, waawutmo mukwí gwaa iiárií qaasiiká, asma gaarí ar dákw Mungú as axweesantá AAKOÓ MUNGÚ tidá' aa oó' dír Yeroboamu garmoó Nebati ar loohír Ahiya oo Shilo iwa bo/.

2 QOM'I 10:8

Ala Rehoboamu hara'ayadár bariise gana waaqaá', iri tláy masoombár qartós gari yaahaás, tidaádár hara'ayuuseerós.

2 QOM'I 25:16

Ala qoomár heé Mungú axweesantí ngiwa hhe'eesiiká, waawutmo Amasia guri báy, «Xasliít kuúng, a xaylá kuúng tuwa hara'ayusmoó waawutmoó wa qaás? Hamí an slá'a tuwa gaasi?» Aarusmoodá' iri xasliít, iri malé oó', «Aníng a xuú' adór Mungú ngira ístí tsaát kuúng uwa hhaamiis as adoorí taa tléhh, slamí hamí hara'ayar'eé' aga sí'.»

2 QOM'I 25:20

Ala waawutmo Amasia adoorí gaa iiárií qaasiiká, kaangwí amór i dahhi a amór Mungú, asma Mungú daanduuwose ina tsabín nguwa haniisi gawaá dabaá wakuuseerós, asma inós munguaá múk Edomu gina harahhifiít.

NEHEMIA 4:15

Ala wakuuseerén ngiwa axás adór axweesantaín ngira tsaahhaán, nee adór Mungú axweesantaín ngira xwaranxwaár, atén sleémeero niri ki/aán baraá tlehhmuú koo/i, umuúqo heewo iri kumiít nee gadiyeérós.

YOBU 12:17

Hara'ayuuse gan máy iwa /aankwetsúr hi'iimit Har'ohuuse gari daktu'uu'úy.

WARA'AMI 9:15

Xoordu naa /eetiyé' baraá baudá' naa fooliyé'. Tsaaxweelay'ín kudá' naa qaasiyé' ya'aaín gaa ohín.

WARA'AMI 9:16

AAKOÓ MUNGÚ taa geehhoeés, sakwasleemarós gaa boo/eés, tlakuuse gaa óh ar gadiyér dabaaín.

TI'INAANGW 9:16

Ala aníng nuna slafíngwí máw as /uuruueé' nguwa laqaam, nee umuueé' kuwa alki/iiti baraá yaamu sleémeerowo.

AXWEESANOÓ SAGALOOA 19:21

Muu muruú yaariír gun mak qoomaamees, Ala gár tleehharuut a tidá' AAKOÓ MUNGÚ aa ya/án.

AXWEESANOÓ SAGALOOA 21:30

Sagalooa i káhh tam tsaahha i káhh sleeme, laqaá tam gurbua i káhh sleeme ar ta tleehhi a dimbé nee tidá' AAKOÓ MUNGÚ i slai.

ISAYA 8:10

Áx ti kiloohúng hara'ayiinde' ala nuqo gaa wa bu'ká. Tam ado a qoomeesa'a, ala ar ya/aam i káhh. Asma Mungú i dinkwa nee atén.

WA/AA/I 3:37

Heé gaa ga oó' iri tleehharút a heemá bar Aako gaa ooiiká?

AMOS 9:3

Inooín tam ta nahhmituú aya gawaá tsitsantá tloomár Karmeli, in gawaadá' wa kwarkwaár, tam naa nahhaatiyé' baraá iltá tlawi as ngiwa araaká, dayshamo un ya/aáw amoodá' i ale as ngiwa baraadá' wa /ur/uri.

Luka 16:8

«Saayusmoodá' inkihhimu wásl taa daqaari'iimár i saayín, kuri xirfayeés nee daqaarmoowós, asma fuqurangwdá' aa tleéhh. Asma múk baraá yaamuuká' ta fuqurángw kón baraá slafingw'ine, ta mukduú baraá gwa/aateemaawo.

1 Korinto 3:19

Asma sagalooár muu a daktu'uuma dír Munguhe. Asma Gooi i kat, «Mungú múk sageeloén gu ohaahín baraá al/aymar'ine.»

DABE 2:30

«Ala Sihoni waawutmoó Heshboni ina sií' tawa baraá tla/ángw yaamuuwós ar waarahhaan. Asma AAKOÓ MUNGÚ, Munguúhúng guna sagagawdeés, nee guna muuná gawdeés, as atén kuwa baalaan, nee yaamuuwós kiwa hayohaan, kuká' hamí laarí ta /ayaan.

YOSHUA 11:20

Adoorí an adór AAKOÓ MUNGÚ kilós aa slaá'. Mukduú xoordaá hatlá' guna mune gawdeés as kahhó' nee inooín tawa slaqwi. Ina tsabín kiwa gurtlayká, ala masók kin qororo'oos, ar adór AAKOÓ MUNGÚ ngira hara'ayín dír Mose.