2 SAMUELI 17:12 - Biblía Axweesantá Hhohho' ar Mungú 2004

¹² Atén Daudi un leelehhaán umuúqo dír i dirii'i, nguri i huuaán adór hara' ir yaamií huuhuaín. Heé meét i kaahh, inós nee mukós kudá' sleémeero dinkwárí diria'a.

2 SAMUELI 17:12 Iomraidhean Croise

1 WAAWITÁ 20:10

Ben-hadadi afo gari ya/aáw amór Ahabu iwa kaahi, «Mungui aníng i gaasiye' nee ar hatlá' ngi doogiye' gawaaeé' ale, barnaxés hhapér yaamaá Samaria taataahha ngaa bú' dír slaqwaruuser'eene.»

2 WAAWITÁ 18:23

Gimsé' daxta axweesé' nee aakooeé' waawutmoó Ashuru, daqaní aníng farasuú kume tsár ngu haniís, bar kuungá' múk faras gu i tsa/ám u koondá'.

2 WAAWITÁ 19:24

Aníng hhaleeri iga foliít, nee ma'aá ayaá hee ngiri wáh, aníng ma'aá ya'aá Misri sleémeero ngiri kahaás ar tsa/aá ya'aaer'eé'.› »

WARA'AMI 110:3

Mukók ni fi'iit bál bar nee wakuuseerók taa eeré', masoombarók ni hardát gawaá tloomadá' hhoohhoo', adór har'uú matlaatle.

OBADIA 1:3

Daara/ángw muunaáwók ina al/agín. Kiíngadá' hotaatiim baraá mar'ór tlaa/é wa alé, kiíngadá' do'ók ugwa tlehh gawaá tlooma, hanoosáy a baraá muunaáwók i kat, «Heé aníng aweeriisaro i asláw a heemá?»

MIKA 5:7

Baraá tla/ángw xoordaá yaariire panaydá' aa meet baraá múk Yakobowo tay adór har'uú amór AAKOÓ MUNGÚ daáhh, nee adór tluwoó doomu baraá gitsooro. Inooín hee ku harahhifiiká, nee muu ngu haratlinti'iaaká.

1 SAMUELI 23:23

Umuú dír iqo nahhmamiti tsawtsawusaak, kawa xua', kangwsíng ngu ooár eerá' dir'eé', ma dakuusara'. Án nee kuungá' ti koomaán, slám bir baraá ayaawí kaahh, aníng u leelehhahhiít baraá tla/ángw múk kumér yaariir ar Yudawo.»