2 SAMUELI 17:10 - Biblía Axweesantá Hhohho' ar Mungú 2004

¹⁰ Mukók bar adoorí ngaa axaás, tam mukók kudá' gur'e gawdén adór direeri, tari hirqimiit de'eero. Asma múk Israeli sleémeero ga xuu' adór baabuúwók tar migusmo, nee mukdaádá' sleémeero oo dinkwa nee inós a múk ilakaaharén.

2 SAMUELI 17:10 Iomraidhean Croise

IIMU/UUNGW 49:9

Yuda a adór na/oó diraangw. Makiito'oorók biringa ót, an kí/ baraá mar'i. An yaamií qát, tiri adór dirángw wa aldúx, adór dirángw /ameeni, heé qiítl a heemá naxwto.

2 SAMUELI 1:23

«Saulo nee Yonatan a sla'aarusér taa ló'wa sla' baraá hotaaine, tam qoomár slafiingw nee qoomár gwa'araro taa paraatli'iiká, inslahhemaawo a adór gwares, eeít, ta /uureemaá kón adór direeri.

2 SAMUELI 17:9

Hamí aa nahhaát baraá mar'ír wák yaameerihe, laqaá tam amór hatlae. Daudi bira haratláy slaqwaraaro, bar muu kwaa tsuú/, umuúqo heé tsu/utaarí gaa geerií axaasi naxes in ooi ‹Múk yaariír oo taa tsuú/ oo bartá Absalomu.›

2 SAMUELI 23:20

Benaya, garmoó Yehoyada, oo Kabse'elír daáhh, a migusmoó slaqwara. Muruú yaariír guna tleéhh oo waa/oo/amo. Miguusér tsár gana tsuú/ ar yaamaá Moabu. Baalarka wake qoomár tsaaqwaro ina dáh baraá bohoongw, diraangw guri gaás.

WARA'AMI 89:19

Kuúng iimír aange sagadiyuuseerók ana baraá iigu'utúr beér, «Slamángw waawuti'iima ugwa haniís dír heé wák oo pihh'uumár koóm, ugwa xirfayeés kudá' aníng naa tsawaár baraá tla/ángw múk wa ale.

TI'INAANGW 15:15

Múk urén oo Edomu aa amoqwaár, geeraharuusér Moabu ina daaráx. Muu sleémeero oo baraá Kana'anír hoót, gur'er'ín ma'aay ngaa dalaa/iyé'.

AXWEESANOÓ SAGALOOA 28:1

Múk tlákw tan tawo goow tam heé gi gusisiím i kahhi, Ala múk hota ganaá' ta diiqiiká adór direeri.

DAA'AANGW 3:7

Ga/aaweek, kitángw Solomon kur loohisi. Inós kwa gagaár ar kitaangós oo waawuti'iima, kwa harweér nee xuumuusér mibeeri lahhoó', múk /uuruú koóm oo Israeli.

ISAYA 13:7

Gawaá adoorihe dabaá muu nari tsatiitiyá', nee gur'ér muu ma'aay ngay dalaa/iyá'.

ISAYA 19:1

Kaangwí a iigu'utuú Mungú aa laqán daanduú yaamaá Misriro. «Ga/aaweek, AAKOÓ MUNGÚ aa tsa/án gawaá huunkír inslaahh, i amór yaamaá Misrír káy, slaqsi'iidá' munguaá Misri niri dír geeraawós wá daaraxaatiyá', Gur'ér múk Misri ma'aay ngay dal/aná'.

ESEKIELI 21:15

Gawaá adoorihe awa yaariir naa diqiya' tsatiitiyé' nari huuhu'uné'. Afkú paánga dír afér maray'ín sleémeero gaa qwiiri/itís adór mankari, kaa qwiiri/itís as tsu/uta.

DABE 1:28

Ahaá waáy, gár tas baraá yaamuudá' kawaan? Asma gur'eerén ma'aay ngaa dalaa/iyé', as kangwdá' mukdá' naa atén báy, tawa kaahi, múk amoodá' ku ló'wa dirén, slám ku tlét ta atene, nee gixsaduuín ki ló'wa diren nee koo/i ka ló'wa tlerantleer ay gawaá doori. Slám ta kaahi, mukwí dirén a kuduú xwaylár Anaki una araán.

Ebrania 11:34

aslaá xaraaslá' kiri tsuú/, nee slám inooín tana ba/án paangadaá xaraasla'a as mikiwa tsuú/. Inooín a múk slaqootlakwén, aluuwo /uuru nguri slayé' as haratlintaao. Tari slaqwaruusér xaraasl tleehhiít, slaqwaruusér hooma kari gusiisín.

1 SAMUELI 16:18

Heé wák baraá tla/ángw mukduú sagadiyuuseerose iri oó', «Án garmaako wák oo doó Yese ugwa ár, oo gixsár Betilehemu. Inós daa'aangw gu xuu' slahhto ar gidaandoori. Garmaawí a pihhusmo, nee a migusmoó slaqwara, axweesanoó sagalooa an gaarós, a heé hhoohhoó', AAKOÓ MUNGÚ nee inós a dinkwa.»

1 SAMUELI 18:17

Saulo Daudi guri báy, «Aníng kuúng u iimbalaáx ar dasir'eé' tí ur ta bay Merabu, ala daberií tsár ka xú', kuúng masók a migusmoó slaqwara ga kángw kilá' wa xuú', nee ilaiwa/ame, bartá AAKOÓ MUNGÚ an wa sláqw.» Saulo ngiwa xui ar loohirihe slaqwaruusér Filisti Daudi guqo gás, asma Saulo ina baraá muunaáwósí oó', «Tlehhmuú adór kwí muwa tleéhh dabaaeene ala i tlehharuuti ar dabaá múk Filisti.»