2 SAMUELI 16:9 - Biblía Axweesantá Hhohho' ar Mungú 2004

⁹ Kár Abishai garmoó Seruya, waawutmo guri báy, «Aakooeé' waawutámo, a gár milá kuúng tuwa lu'umisi nee seeoó aa gwaa'? Áx, ya/aám, aníng a amoorós káw, sagós ngu tsaát.»

2 SAMUELI 16:9 Iomraidhean Croise

2 SAMUELI 19:21

Kár, Abishai, garmoó Seruya, iri oó', «Xáy, i ganá'ke Shimei kuwa gaasi. Asma inós heé AAKOÓ MUNGÚ aa tsawaár guri sliík ar di/i, guna lu'ús?»

2 SAMUELI 19:22

Ala Daudi iri oó', «Daaqoó Seruya, gár aníng nee kuungá' i káhh. Asma milá misti adór wakuuser'eé' tlehhá' laarí? Xáy, hee kun gaási baraá Israeliwo laarí? Ahaá, aníng ti xuaakáhe adór tar waawutmoó Israeli deelór laarihe?»

2 SAMUELI 3:30

Yoabu nee hhiyaawós Abishai Abneri nguna gaasír, asma Abneri hhiyaaín Asaheli guna gaás baraá slaqwarár wa alé, qoomár slaqwara iwa baraá Gibeonírí diri'.

2 SAMUELI 3:8

Abneri ina kángw kilá' wa buúhh as axweesantá Ishbosheti, iri oó', «Xáy ka xu', aníng Saulo u sakí/a? Xáy ka xu', aníng múk Yuda un sagadiyuúsa? Qayteek, aníng ilaiwa/ame ana tleéhh bartá múk Saulo wa ale, baabuúwók, nee hhaeewós nee mulqerose. Slám kuúng ugwa haniisiiká dabaá Daudií alé ay laarí. Tam adoorihe, laarí án kuúng iwa ga/eer a tlakusmo as /ameeni.

2 SAMUELI 9:8

Mefibosheti iri tumbarara'aát iri oó', «Aníng a slaqás nee seeoó aa gwaa', asma milá mis adoorír sagedaawimít?»

TI'INAANGW 22:28

«Mungú mu /ooslimaar, tam geeraharusmoowók mu lu'usaar.

Luka 9:54

Eeharuuseerós Yakobo nee Yohane adoorí kawa ár, kuna báy, «Aáko, a slá'a asla kawa ateetaan, niwa gawaá doorí wa /et, as mukwí nguwa qwaares.»

Tlehhema'aá ya/Abuuse 23:5

Paulo iri oó', «Hhaee'eé', inós adór tar kaahamusmoó úr oo Mungú aníng aga xuiiká. Asma kaa gooín, ‹Geeraharusmoó mukók mu muruú tlákw babawaar.› »

1 Petro 2:17

Muu sleémeero ilaiwawa/aak. Hhae sla'asla'aak, Mungú ilaiwawa/aak. Waawutmo ilaiwa/ame ti hanise'.

1 SAMUELI 24:14

Hám kuúng waawutmoó Israeli heé ta slakat as kuwa gaasár wa sla' a heemá? Gár ta slakat a seeoó aa gwaái, laqaá kwasimo?