2 SAMUELI 16:7 - Biblía Axweesantá Hhohho' ar Mungú 2004

⁷ Shimei Daudi nguwa lu'umisi iri oó', «Tláw koroóq, tláw kororoqoót, kuúng a tsu/uutusmo, nee heé gaa wásl.

2 SAMUELI 16:7 Iomraidhean Croise

2 SAMUELI 12:9

Aníng a AAKOÓ MUNGÚ, asma milá axweesante'eé' masa waaqá', tlakweemaá adór kuká' kari dír ilaaeé' wa tléhh? Uria heé xoorór Hiti kuri gás ar paánga, harerós kari tók tléhh, inós kuri hanís baraá dabaá múk Amoni as kuwa gaasi.

2 SAMUELI 16:6

Daudi nee sagadiyuuserose giri tlaquút ar tlaa/e. Múk hatlá' sleémeero nee miguuseero Daudi kuna harweér bihhaá doó /iiyáy nee bihhaá doó basayhe.

2 SAMUELI 19:21

Kár, Abishai, garmoó Seruya, iri oó', «Xáy, i ganá'ke Shimei kuwa gaasi. Asma inós heé AAKOÓ MUNGÚ aa tsawaár guri sliík ar di/i, guna lu'ús?»

2 SAMUELI 20:1

Heeko wák i daadeer oo al/aymusmoó oo ló'wa tlaákw baraá yaamaá Gilgaliro. Umuuwós a Sheba, garmoó Bikri, heé tlahhoó Benyamini. Sheba tarumbeéta gana ufaáhh, iri oó', «Daudi nee atén gaa a milá. Garmoó Yese gár kuwa koomaan i káhh. Kuungá' múk Israeli, umuú heewo i ki/i amór heémarós.»

2 SAMUELI 3:37

Gawaá adoorihe baalaadae múk Israeli sleémeero kari tsaáhh adór waawutmo Daudi adoodá' ngira slaiika Abneri garmoó Neri kuwa gaás.

1 WAAWITÁ 21:10

Daqaní múk tsár oo gu lamtí tsaát ku sleerá', oo gu báw, ‹Kuúng waawutmo nee Mungú iga /ooslisliín.› Daqaní ku tsee/í duxá', ku tlaa/ér tlaqutá', i gwaai.»

1 WAAWITÁ 21:13

Mukdaádá' tsár oo lamuuse iri iwiít Naboti nguri ilií duxuné', muu nguri bayé', «Naboti Mungú nee waawutmo gaa /ooslislín.» Naboti kuri duúx tsee/aá gixsárí ale, kuri tlaquút ar tlaa/e, kway gaás.

WARA'AMI 3:2

Múk yaariír barta axwees daandueene ta kaahi, «Alee/isaywós i kaahh dír Munguhe.»

WARA'AMI 5:6

Lamuuse sleémeero a hhaamís. In ahhít kudá' tsu/utár muu ngi sla'á' nee awa al/aymuuse.

WARA'AMI 51:14

Aá Mungú, Mungú ba/amusmooeé', ba/amisáng tseerdaá muu miwa ku'umiís, tsifrangw'eene adoodá' ira ba/amís an daá'.

WARA'AMI 55:3

Asma afór wakusmo ar dae tlaaq aga axaás, nee múk tlákw baramaaniro iga slahh'eés. Asma aníng in baraá slahh'amkwí dahamisiyá' ar tlakweemaaín, nee in i qa/iimitiyá' buhhtaawo iri aahhiyá'.

WARA'AMI 55:4

Muunaáeé' i slahhahhaa', daér gwa'ara iga eér.

DABE 13:13

adór múk barawaslén baraá tla/angwhunge, yaamuuloouusér gixsarka ngira qwaareés, tawa kaahi, ‹Gusé', munguaá hatlá' i sluufmisuú awaán.› Kudá' handá' kuungá' iga geerií xui'iiká,

1 SAMUELI 2:12

Daaqoó Eli a múk iia waslén, AAKOÓ MUNGÚ ngu gaárií xuiaaká,

1 SAMUELI 25:17

Hám daxta kiíng kaangwí na alqaytsiteek, nee adór tleehhamooro ta alesleer na tleehheek. Asma gár tlaakw kaa tsabín daanduú aakoó doorene nee daanduú doorene. Nabali a heé tlaákw, tam heé axweesantá dirós ga qiítl i kaahh.»