2 SAMUELI 16:21 - Biblía Axweesantá Hhohho' ar Mungú 2004

²¹ Ahitofeli Absalomu guri báy, «/Ameenadár baabuúwók ar quturmo wasl ar doó ga/aw, alwarqaweek. Aluuwo múk Israeli sleémeero bir ngaa axaás, adór kuúng tura buhhtís nee baabuúwók, daqaní muu sleémeero oo dinkwa nee kuúng /uuru gun sláy.»

2 SAMUELI 16:21 Iomraidhean Croise

IIMU/UUNGW 34:30

Yakobo Simeon nee Laáwi giri báy, «Iga slahh'esé' iwa heé tlaákw tlehhé' baraá tla/ángw múk ayaawihe, múk Kana'ani, nee múk Perisi. Aníng muk'eé' ku niiná, birta i burumburiít, tin muux, án nee múk dooeene tiri qwaarees.»

IIMU/UUNGW 35:22

Qoomár Israeli iwa hoót baraá yaamuudá' wa alé, Reubeni nee Bilha, /ameenír hatlá' ar baabuúwós, tari alqaát. Israeli kangwdá' guri axaás. Daaqoó Yakobo a mibaá nee tsár.

IIMU/UUNGW 38:16

Gari i daqáy, gari báy, «Aníng a slaá' nee kiíng tawa alqaataan.» Adoorihe inós gaa xuiiká adór tar harér garmaawós. Guri yaahás guri beér, «Gár ni aníng i hanis a milá bara ya/aám?»

IIMU/UUNGW 6:4

De'emudaádae múk ló'wa tlét i deer baraá yaamuwo. Nee tam aluuwo sleeme i deer. Mukwí an xwaylár daaqoó Mungú nee dasú muu. Inooín a pihhuuseedár aáng, nee a múk xirfuú koóm.

2 SAMUELI 10:6

Múk Amoni kawa tsaáhh adór Daudi kura buhhtís, múk slaqwara oo ya'ár hi'iít oo kume mibeeri tsár kuna tlaáxw amór múk Aramu wa ale, inooín a múk yaamaá Bet-rehobu, nee yaamaá Sobaro. Nee múk slaqwara oo kume mibaá nee tsár guri tlaaxw oo yaamaá Tobu, nee múk kumuú wák oo waawutmoó yaamaá Ma'aka.

2 SAMUELI 12:11

Iia qaaseek, AAKOÓ MUNGÚ i kaahi, ‹Qaytsiít, kángw tlákw ngu tleéhh baraá múk do'óguú kilá'. Tlaawaywók unar tláw dír ilaawók wa ale, nee nguri dír inslaawmoowók haniís. Inós nee tlaawaywók tari fuquus dír ilaá múk wa alé.

2 SAMUELI 13:5

Yonadabu iri oó', «Kuúng qaát gawaá qatani, ti tiqtusmoó ilaaqas. Bar baabuúwók bar kuúng ugwa neetleesi áy, kuúng harhheehhe'eeseek, ku beer. ‹Hho'or'eé' Tamari ni hardat mikaátér /aymar'eé' ngi hup, nee muruú /ayma ngu dír ilaeé' wa huuriin, as nguwa ar. Inósár kilá' án i /aymis ar dabaawós.› »

2 SAMUELI 15:16

Naagáy, waawutmo iri tláy dinkwa nee múk do'ose. /Ameenár mibaangw ar quturmo wasl gana dír gadiyeedaá dóií geexáy.

2 SAMUELI 16:20

Kár Absalomu Ahitofeli guna báy, «Ma oiín, adór ta laqaan.»

2 SAMUELI 17:7

Hushai Absalomu guri mu/aywaáts, «Qoomaarihe axweesantír Ahitofeli naa oó' i qoondaaká.»

2 SAMUELI 2:7

Ala gimsé', /atlé', miguuse tleehhité', Saulo aakoohúng aa kahhuút, nee múk Yuda aníng iga iimbalaáx ar di/i as tawa waawutmooín.»

2 SAMUELI 20:3

Naagáy Daudi iri hardáh baraá gixsár Yerusalemu amór do'ós. Waawutmo /ameenaarós tidá' mibaangw ar quturmo wasl, tidá' aa geexáy dír do' as iwa doó ga/eer, gari huúw baraá doó wák as kiwa baradií xun, gin baradií amohhe'eemiis, ala i qatuú aa'ayká amor'ín. Kina baraá do'wií dahaás, ti'inaangw i kaahh ay qatlo. Nina hootiyé' adór /ameenár kwaeeli.

1 WAAWITÁ 11:25

Resoni a wakarusmoó múk Israeli qooma sleémeero ar waawuti'iimár Solomonuwo. Inós Solomon guri ló'wa daawitamiís adoodá' kura daawitimiís nee Hadadi. Naagáy Resoni múk Israeli guna ló'wa aáhh qoomaadá' inós tawa waawutmo yaamaá Aramu.

1 WAAWITÁ 2:17

Adonia iri oó', «Na'ás nee waawutmo Solomon axweesé' asma inós diroge i si'iiká, aníng i duuxutisi Abishagi tidár yaamaá Shunamiro.»

1 WAAWITÁ 2:22

Waawutmo Solomon aayiírós gari mu/aywaáts, gari báy, «Gár Abishagidár yaamaá Shunami kas Adoniár sla'? Ahaá ala waawuti'iima ngi firiín sleeme as inós? Asma inós a hhiyaaeé' oo úr, nee inós a dinkwa nee kaahamusmo Abiatari nee Yoabu garmoó Seruya.»

TLAHHOÓ LAÁWI 18:8

Baabuúwók mu mureekeesaar tawa fuqusa' nee hareerós tam gaalá. Asma inooín an ín aayo diroge.

TLAHHOÓ LAÁWI 20:11

Bar hhawaata nee harér baabuúwós taa fuquús, a baabuúwós gun mureekeemiis, inooínaaká' tsaraawo gár kiwa hariím a tsu/uta, tseerer'ín i gawaá daanduuín.

SEKARIA 8:13

Nee adoodá' kuungá' tara adór múk lo'ór koóm tleehhité' baraá xoorduuwo, aá múk doó Yuda nee doó Israeli, adoorí an adór nur ba/amis, kuungá' tay tsuuqa tleehhitá', ma da'ayumitaara' ala kuungá' na pihhé'.»

1 Korinto 5:1

Án kangwko ugwa axaás heeko i deer baraá tla/angwhunge oo fuquús nee harér baabuúwós. Fuqtá adór tí kaa dii wa axaasiiká tam baraá múk pakaanayhe.

1 SAMUELI 13:4

Múk Israeli sleémeero kaangw kuri axaás adór Saulo koo/ír gawit ar múk Filisti ngira daáhh, nee adór múk Israeli ira wakuuse tleehhiít dír múk Filistiro, mukwí tari burumburiít dinkwaárí ale, Saulo kuri eehár ay Gilgali.

1 SAMUELI 27:12

Akishi, Daudi guri gurií baá/, inós ngiwa xui Daudi kwaa sií' nee múk Israeli, iri baraá muunaáwós i oó', «Daxta án in sagadiyuus baraá hotangw'eé' sleémeero.»